واکھ

واکھ چھُ شٲعری ہُنٛد اَکھ صنف یُس عام طور پٲٹھؠ ژُمصرعہ تہ بعضے شُہ مصرعہ آسان چھُ تہ خیال چھُ آسان زیچھرٕ ورٲے پیش کرنہٕ آمُت۔ اکثر واکھن مَنٛز چھُ گۄڈنِکؠن دۄن مصرعن مَنٛز خیال آسان تہٕ ٲخری دۄن مصرعن مَنٛز تشبیہہ دیتھ آسان۔ یہٕ صنف چھُ سنسکرت زبانہ پؠٹھ کٲشرِ زبانہ مَنٛز آمُت۔ واکھن ھٕندؠ کینہہ قٲفیہہ ترتیبہ چھہ:

ا ب ا ب، ا ج ا ب، ا ا ا ا، اب ج ا، ا ا ب ا تہ ا ب ب ا بیترِہ۔

تٲریخ

واکھن ھُند تٲریخ چھُ 'مہانے پرکاش' پؠٹھ شۆروٗع گژھان، یۄس شٹی کنٹھ ناوٕکؠ أکؠ شٲعرن لیچھمٕژ چھہ۔ اَتھ کتابہِ اندر چھِ 94 شِومتکؠن خیالن واکھن ھُند جامہ لوگمُت۔ مثال:

پاویت اِھہ کم پھبس پساوے

شٹہ کنٹھس گہ اُجم کِتھاتھُ

تین مہ مہہ جن کھلتھ سماوے

تے ساراوے مہہ نے پر ما تھ

(ترجمہ: مے شٹی کنٹھن کٔر سِر کتھن ہٕنٛز باوتھ، پانُن زیوٚن کامیاب کٔرِتھ تہ واریاہ عٲلم پتھ ژھنِتھ)

اَمہِ پتہٕ چھ لل دؠد واکھن پنٕنؠ ماورا خیال ورتانہٕ مۄکھٕ کران تہٕ شاید چھٕ واکھن مَنٛز للہٕ واکھ ساروٕے کھۄتہٕ مشہُور، للہ واکھن اندر چھُنہ صرف رؠوٲیتی دینس خَلاف بغاوت، بلکہ ماورٲیی دیان، عشق خدا، درون بینی تہ نسوٲنی لہجہ۔

للہ ھُند کلام زمان بندی نش آزاد تہٕ اَتھ اندر چھُ کٲشِر شِومتُک فلسفہ ٹاکار۔ مثال:

پانس لٲگِتھ رُودُکھ مے ژٕ

مے ژے ژانڈان لُوسُم دۄہ

پانس مَنٛز ییلہ ڈیُونٹُھکھ مے ژٕ

مے ژے تہ پانس دیتُم ژھۄہ

(یعنی دے چھُ بِذٲتی انسانس پانس اندرے)