واسلیٖن
| واسلیٖن | |
|---|---|
| ٹرٛیڈمارک | |
| بُنیاد | 1872 |
| مُلُک | اَمريٖکہ |
| مٲلِکھ | Unilever |
| دٕریافَت کار | Robert Chesebrough |
| تَیار کٲم یا چیٖز | petroleum jelly |
| وؠب سایِٹ | https://vaseline.com/ |
واسلیٖن یا ویسلیٖن چھُ پیٹرولیم جیٚلی چیٖزن ہُنٛد اَکھ امریکی برانڈ یُس برطانوی ملٹی نیشنل کمپنی یوٗنی لیورٕچ ملکیت چھُ۔ تِم چھِ مُختٔلِف مسلٕچ کریم، صابن، لوشن، کلینزر تہٕ ڈیوڈرنٹ سٟتؠ سادٕ پیٹرولیم جیٚلی کٕنان۔
واریہن زبانن مَنٛز، 'واسلیٖن' چھُ پیٹرولیم جیلی خٲطرٕ عام اصطلاح کس طورس پؠٹھ اِستِمال یِوان کرنہٕ۔
تَوٲریٖخ
[اؠڈِٹ]
1859 مَنٛز، رابرٹ چیسبرو، اَکھ رسایٚن دان یُس سپرم تیلہٕ سٟتؠ لیمپ تیٖل بناوان اوس، سپرم وہیل ہیڈس سٟتؠ اَکھ موم تیٖل اوس، اوس کاربار راوان تکیازِ وہیل تیٖل آو پیٹرولیم پؠٹھ مبنی کولہٕ تیٖل سٟتؠ بدلاونہٕ۔ سُہ گوٚو ٹایٹس ویل، پیٚنسِلوینیا کِس آیِل فیلڈس مَنٛز، یہِ وچھنہٕ خٲطرٕ زِ امہِ نٔوِس ایندھنس سٟتؠ کُس نٔو چیز ہیکو بناونہٕ یِتھ۔ تتہٕ لٔج أمس راڈ ویکس نٲمی اکہٕ باقیاتس متعلق پتہ یُس آیِل رگ پمپو پؠٹھ باقٲعدگی سان ہٹاونہٕ اوس پؠوان۔ تیلٕکؠ کارکُن ٲسؠ یہِ زَخم تہٕ دزنہٕ ٹھیٖکھ کرنہٕ خٲطرٕ اِستِمال کران۔ چیسبروہن نیو کینٛہہ راڈ موم واپس بروکلین، اَتھ مَنٛز کٔڑن قٲبل اِستِمال پیٹرولیم جیٚلی، تہٕ اَکھ دَوا بناوُن شۆروٗع یَتھ تٔمؠ ویسلیٖن «واسلیٖن» ونان ٲسؠ۔
واسلیٖن ناوُک گۄڑنیک معلوم حوالہٕ اوس 1872 مَنٛز امریکی پیٹنٹس (یوٗ ایس پیٹنٹ 127,568) مَنٛز چیسبرو مینوفیکچرِنٛگ کمپنی طرفہٕ آمُت۔
"مےٚ رابرٹ چیسبروہن چھُ پٹرولیم مَنٛز اکھ نوٚو تہٕ کارآمد پرٛوڈکٹ ایٖجاد کوٚرمت یتھ مےٚ واسلیٖن ناو تھوو....۔"
بناون وٲلؠ سُنٛد ونُن چھُ زِ "واسلیٖن" ناو چھُ جرمن لفظ واسر پیٹھہٕ آمُت یمیک مطلب چھُ "آب" تہٕ یوٗنٲنی لفظ έλαιον (elaion) یمیک مطلب چھُ "تیٖل"۔
چیسبرو مینوفیکچرِنٛگ کمپنی بَنوو واسلیٖن یوٚتام نہٕ کمپنی، یۄس 1955 مَنٛز پونڈس سٟتؠ رَلٲو، 1987 مَنٛز یوٗنی لیورن ہیوٚت۔
اِستِمال
[اؠڈِٹ]
واسلیٖن چھُ داتھ تہٕ پلاسٹکٕک سطحَن چکاونہٕ خٲطرٕ اِستِمال کٔرِتھ۔ یہِ ہیٚکہِ خۄشٕک مٕسلہٕ کین مسلن خٲطرٕ نمی بند کرنس مَنٛز تہِ مَدَتھ کٔرِتھ، یِتھ کٔنؠ زَن ایکزیما تہٕ اٹوپک ڈرماٹایٹس۔ حالانٛکہِ مَہ کٔرِو واسلیٖن بطور جنسی پِشلاونُک اِستِمال کٔرِتھ، تِکیازِ امہِ سٟتؠ ہیٚکہِ بیکٹیریل ویجینوسسُک خطرٕ بڑِتھ، لیٹیکس کونٛڈمَن نۄقصان واتناوِتھ، تہٕ یہِ چھُنہٕ أنٛدروٗنی اِستِمال خٲطرٕ محفوٗظ۔
دَوا پٲٹھؠ اِستِمال
[اؠڈِٹ]واسلیٖن چھُ اَکھ پیٹرولیٹم چیٖز یُس ژمہِ ہُنٛد موسچرایزر پٲٹھؠ اِستِمال چھُ یِوان کرنہٕ۔ یہِ چھُ تُہٕنٛدِس مٕسلَس آبَس رٹنَس مَنٛز مَدَتھ کران یُس آب بخارات گژھنہٕ نِش رُکاوان چھُ تہٕ نیٚبرِم آبَس نؠبر روزان چھُ۔ یہِ چھُ صِرِف نؠبٕرؠ اِستِمال خٲطرٕ، لہٰذا مہٕ کٔرِو یہِ سرٛنِس زَخٕمَن، خٕشَن، جانوَرَن ہٕنٛدِس ژۄپِس یا شٔدیٖد دَزنہٕ خٲطرٕ اِستِمال کٔرِتھ۔[1] لوٗکھ چھِ یہِ ایکزیما تہٕ اٹوپک ڈرماٹایٹسَس مَنٛز مَدَتھ کرنہٕ خٲطرٕ تہِ اِستِمال کران۔
واسلیٖنَس مَنٛز چھِ کھانٕز تیٖل آسان۔ غٲر ریفاینڈ کھانٕز تیٖلن مَنٛز ہیٚکن پولی سایکلک ایرومیٹک ہایڈرو کاربن (PAHs) ہیو چیٖز ٲسِتھ، یِم کھیٚنہٕ سٟتؠ کنسرُک خطرٕ بٔڑِتھ ہیٚکہِ۔ مگر ییٚلہِ تُہؠ پننِس مسلس پؠٹھ ویسلین اِستِمال کران چھِو، پی اے ایچ یُک جذب چھُ واریاہ کم آسان۔ واریاہن ؤرؠین دوران بٔڑؠ مطالعن مَنٛز لوٚب نہٕ پیٹرولیم جیلی موسچرایزر اِستِمال کرنس تہٕ کینسرس درمیان کانٛہہ تعلق۔
حَوالہٕ
[اؠڈِٹ]- ↑ Eichenfield، Lawrence F.؛ Tom، Wynnis L.؛ Berger، Timothy G.؛ et al. (2014). "Guidelines of care for the management of atopic dermatitis". Journal of the American Academy of Dermatology. 71 (1): 116–132. doi:10.1016/j.jaad.2014.03.023. ISSN 0190-9622. PMC 4326095. PMID 24813302.