واتَل
 سکھ حکومتس دوران کٔشیٖرِ ہٕنٛدِس واتَل قٔبیٖلٕکؠ پَہرؠن ہٕنٛز پینٹنگ، گاڈفری تھامس وِگنے، 1836 | |
| اہم آبٲدی وٲلؠ علاقہٕ | |
|---|---|
| وادی کشمیٖر | |
| زَبانہٕ | |
| ماجہِ زؠو: شؠخگال باقی زَبان: کٲشُر | |
| مَذہب | |
| عام طور: اِسلام | |
| مُتعألقہٕ نسلی گرٛوپ | |
| کٲشِرؠ لوٗکھ | |
واتَل چھِ اَکھ کمیونٹی یوٚس جۆم تہٕ کٔشیٖر، ہندوستانَس مَنٛز لبنہٕ چھِ یِوان۔ مردس خٲطرٕ چھُ واتُل لفظ تہٕ زنہِ خٲطرٕ واتٕج اِستِمال گژھان۔ "واتَل" لفظُُک مطلب چھُ کٲشرِس زَبانہِ مَنٛز بوٗٹن ٹیب دِنہٕ وٲلِس وَنان۔ یہِ برادری چھِ واریٛاہ ناوَو سٟتؠ زاننہٕ یِوان یِتھ کٔنہِ زَن باتَل تہٕ باتُل، تہٕ یِمَن چھُ درج فہرست ذاتُک درجہٕ دِنہٕ آمُت۔
واتَل چھِ اَکھ کٲشِر بولن واجیٚنؠ برادری، یۄس پوٗرٕ پٲٹھؠ وادی کٔشیٖرِ تام محدوٗد چھِ۔ تِم چھِ ؤسیع پٲٹھؠ ترین ذیلی گروپن مَنٛز تقسیٖم کرنہٕ آمٕتؠ، سراج یِم پیشہٕ لحاظہٕ موچی چھِ، شُپٕرؠ واتل یِم شُپ یا پنکھہٕ بناون وٲلؠ چھِ تہٕ خُمبہٕ واتَل، یِم سارِوٕے کھۄتہٕ بٔنِس درجہٕ پؠٹھ چھِ قبضہٕ کران تِکیازِ تِم چھِ صفائی کرن والؠن تہٕ دَب دِنہٕ والؠن ہٕنٛدِ پٲٹھؠ کٲم کران، تِم پیشہٕ یِم رؠوٲیتی طور باقٕے کٲشِرؠ مُسلِم قٔبیٖلہٕ دٔسؠ آلودگی ہٕندؠ پٲٹھؠ وچھنہٕ چھِ یِوان۔[حَوالہٕ ضروٗرتھ]
شُپٕرؠ واتَل، یِم دعوا کران چھِ زِ تِم چھِ ہرمدانی شیخ تہِ وننہٕ یِوان، چھِ غٲر یقینی اصلُک۔ یم چھ بنیٲدی طور پٲٹھؠ سِریٖنَگَر، ٹَنگٕمَرٕگ، وَرمُل تہٕ سوپُر کیٚن علاقن مَنٛز لبنہٕ یوان۔ تم چھ اَکھ ہند-آریان زبان بولان یَتھ شؠخگال یا واتٕلؠ چھِ ونان۔[1]
موجوٗد حالات
[اؠڈِٹ]2001 ہندوستان چہِ مردم شُمٲری مطٲبق، واتَل ہُنٛد تعداد اوس 169، یۄدوَے یمن ہُنٛد کُل تعداد چھ شاید کم وننہٕ آمُت، تکیازِ واتَل ناوُک اَکھ بدنما داغ چھُ۔[2] یہٕ چھُ امہٕ حقیقت سٟتؠ وچھنہٕ یوان زِ مندرن تہٕ استانن مَنٛز اوس یمن ہنٛد اَژُن پؠٹھ پابندی لگاونہٕ آمٕژ، حالانٛکہ وۄنؠ چُھنہٕ یہٕ عمل یوان کرنہٕ، مگر توتہِ چھِ کُنہٕ ساتہٕ عبادت گاہن مَنٛز اژنہٕ نِش رُکاونہٕ یوان۔ تِم چھِ سختی سان پان ؤنی خاندر کران، تہٕ قریبی رشتہٕ دارن سٟتؠ خاندر کرنس ترجیح دِوان۔ عام طور چُھہ تُہنٛد رسم باقی کٲشِرؠ مُسلمان تہٕ واتل چھہِ سنی۔[حَوالہٕ ضروٗرتھ]
واتَل ذات ہؠنٛدؠ برادری مَنٛز
[اؠڈِٹ]واتل چھُ کٲشِرؠ برہمن برادٔری مَنٛز تہِ اَکھ ذات۔ یہِ چھُنہٕ واضح زِ یہِ ذات چھا صفائی کِس پیشس سٟتؠ وابستہٕ کِنہٕ نَہ۔ کیٚنٛہہ لوٗکھ چھِ دعوا کران زِ یِمَن لُکن ہُنٛد آباؤ اجداد اوس اَکھ سَنٛت یٔمِس واتَل ناتھ ونان چھِ۔ تاہم، اَمیُک چھُنہٕ کانٛہہ دستاویزی ثبوت۔ جواہر واتُل چھُ سانہِ دورُک اَکھ گؠوَن وول ، یُس کٲشرؠن ہؠنٛدؠ واتلن مَنٛز اَکھ اہم چھُ۔[3]
حَوالہٕ
[اؠڈِٹ]- ↑ Safdar، Rahila (2014). "Sheikha Gal". In Devy، G. N.؛ Koul، Omkar N. (eds.). The languages of Jammu & Kashmir. People's Linguistic Survey of India. New Delhi: Orient Blackswan. pp. 279–83. ISBN 978-81-250-5516-7.
- ↑ "A-10 STATE PRIMARY CENSUS ABSTRACT FOR INDIVIDUAL SCHEDULED CASTE - 2001" (PDF). Retrieved 2023-11-07.
- ↑ "SHEHJAR - Web Magazine for Kashmir :: Jawahar Wattal". Archived from the original on 2023-06-08. Retrieved 2025-09-21.