نیپالی کانٛگرٛیس
|
|||||
 | |||||
| مولوٗماتھ | |||||
|---|---|---|---|---|---|
| قٕسٕم | سِیٲسی جَماتھ | ||||
| سِیٲسی خَیال | social democracy (en)  Third Way (en) democratic socialism (en) | ||||
| تَوٲریٖخ | |||||
| تَخلیٖق | 1947 | ||||
| بٲنؠ | B. P. Koirala (en) | ||||
| سرگرمی | |||||
| رُکُن | Socialist International (en) Progressive Alliance | ||||
| امِکؠ رکن | 870٬106 | ||||
| کارپوریٹ گورننس | |||||
| صٔدرِ دفتر | |||||
| صدارت | Gagan Kumar Thapa (en) (2026–) | ||||
| جنرل سیکرٹری | Gururaj Ghimire (en) Pradip Paudel (en) (2026–) | ||||
| جَوان پَنٛکھ | Nepal Tarun Dal (en) | ||||
| باقٕے | |||||
| رَنٛگ | |||||
| وؠب سایِٹ | nepalicongress.org | ||||
نیپالی کانٛگرٛیس (این سی؛ نؠپٲلؠ: नेपाली कांग्रेस)، یَتھ بول چالہِ مَنٛز کانٛگرٛیس پارٹی یا صرف کانٛگرٛیس ونان چھِ، چھےٚ نیپالَس مَنٛز اَکھ سوشل ڈیموکریٹک سیٲسی جمٲژ۔ دَسَمبَر 2021 ہَس مَنٛز پارٹی ہٕنٛدِس 14 ہِمِس جنرل کنونشنَس تام 870,106 ارکانَن سٟتؠ، چھِ یہِ نیپالَس مَنٛز رُکنیت لحاظٕ سارِوٕے کھۄتہٕ بٔڑ پارٹی ۔ جوٗن 2023 ہَس مَنٛز کٔر پارٹی نوجوانَن پارٹی کُن رٲغِب کرنہٕ باپتھ اہم عہدن پؠٹھ نوجوان رہنُما ظٲہِر گژھنہٕ پتہٕ آن لاین رُکنیت شروٗع۔ یہِ پارٹی روٗز پرٛانؠن جماعتن مَنٛز وٲحِد ییٚمؠ قیادتَس مَنٛز نسلٕچ منتقلی پوٗرٕ کٔرِتھ گگن تھاپا پارٹی ہُنٛد صدر منتخب کٔر۔پارٹی ٲس 2026 کس عام چُناوس مَنٛز 38 سیٖٹہٕ زینمٕتؠ تہٕ ایوان نمٲیندگان مَنٛز چھِ سارِوٕے کھۄتہٕ بٔڑ پارلیمانی حزب اختلافک گروپ پٲٹھؠ روزان۔[1]
سَتھ نیپٲلی کانٛگرٛیس ؤزیٖر اعظم تہٕ پارٹی چھےٚ ژۄدہَہ لَٹہِ حکوٗمتٕچ قیادت کٔرمٕژ۔ 1951 ہَس مَنٛز رانا حوٚکوٗمَتھ ختم گژھنہٕ پتہٕ آیہِ پارٹی ہُنٛد اَکھ بٲنی رُکُن ماتریکا پرَٛساد کویِرالا گۄڈنُیٛک عام وزیر اعظم مقرر کرنہٕ۔ پارٹی ہٕنٛز بیٛاکھ بٲنؠ رُکُن سُبرنا شَمشیر رانا آیہِ 1958 ہَس مَنٛز ؤزیٖر اعظم مُقرر کرنہٕ۔کانٛگرٛیس چھِ نیپالَس مَنٛز وٲحِد پارٹی یۄس اکثریتَس سٟتؠ مُنتخب گٔیہِ، یَتھ مَنٛز پارٹی بَنٲو 1959، 1991 تہٕ 1999 مَنٛز بِلترتیب بی پی کویِرالا، گریجا پرساد کویِرالا تہٕ کے پی بھٹراے یَس تحت اکثریتی حکومتہٕ تہٕ بی پی کویرالا بنیوو ملکُک گۄڈنیُک منتخب ؤزیٖر اعظم ۔ پارٹی بنٲو 1995 تہٕ 1998 تھس مَنٛز رلہٕ مِلہٕ سرکارٕ تہِ یَتھ مَنٛز گرِٛجا پرَٛساد کویِرالا تہٕ شیر بہادُر دیوبا بطورِ ؤزیٖر اعظم ٲسہِ ۔ یہِ پارٹی اُبریٚیہِ 2013 کؠو ٲییٖن ساز اسمبلی اِنتِخابو پتہٕ سارِوٕے کھۄتہٕ بٔڑ پارٹی تہٕ کٔرٕن سُشیٖل کویِرالا ہَس قیادتس مَنٛز اَکہِ رلہٕ مِلہٕ سرکارٕچ قیادت۔ 2015 ہَس مَنٛز ٲییٖن نافذ کرنہٕ پتہٕ کٔر پارٹی 2017 تہٕ 2021 ہَس مَنٛز دیوبا ہَس تحت رَلہٕ مِلہٕ حکومتن ہٕنٛز قیادت۔
یہِ پارٹی آیہِ 1950 ہَس مَنٛز نیپالی نیشنل کانٛگرٛیس تہٕ نیپال ڈیموکریٹک کانٛگرٛیس کہِ جمہوری سوشلسٹ طٔریٖقَن پؠٹھ رلاونہٕ سٟتؠ بناونہٕ۔ این سی وزیرِ اعظمن کٔر رانا خاندان کِس زوال تہٕ پنچایت دور کِس آغازس درمیان ژورن حکومتن ہٕنٛز قیادت، یَتھ مَنٛز 1959 کہِ عام انتخابٕ پتہٕ نیپالٕچ گۄڈٕنِچ جمہوٗری طور منتخب حکومت تہِ شٲمِل ٲس۔
حَوالہٕ
[اؠڈِٹ]- ↑ "Election Commission recognises Gagan Thapa-led Nepali Congress". kathmandupost.com ( English زَبانہِ مَنٛز). Retrieved 2026-01-19.CS1 maint: unrecognized language (link)