نیرو دٔریاو

'نرو' دٔریاو یا نیرو دٔریاو چھُ چیناب دٔریاوک اَکھ معاون دٔریاو، یُس بھدرواہ مَنٛز سونبین اشاپتی گلیشیر پؠٹھ شروٗع گژھان چھُ تہٕ ڈوڈا ضلع مَنٛز پل ڈوڈاہس مَنٛز چھُ شے چینابس مَنٛز شٲمل گژھان۔ بھدرواہ گپتا گنگا مندر چھُ اَتھ دٔریاو کِس بٔٹھس پؠٹھ واقعہٕ۔

جغرافیہ

نیرو دٔریاو چھُ بھدرواہ وادی مٔنٛزِ وسان تہٕ چھُ پُل ڈوڈاہَس مَنٛز چناب دٔریاوَس سٟتؠ رَلان۔

گپت گنگا مندر

تٲریٖخی شیو مٔنٛدِر، یُس پوٗرٕ پٲٹھہِ کنٮ۪ن ہِنٛدیٚن سٕلیبَن پؠٹھ مشتمل چھُ، چھُ نیرو دٔریاو کِس بٔٹِھس پؠٹھ قصبہٕ کِس مشرِقس مَنٛز 0.5 کِلومیٖٹر دوٗر واقعہٕ۔ امہٕ کس تعمیرس مَنٛز ٲس کنن ہنٛد زیٹھ سلیب اِستِمال یوان کرنہٕ، یُس مقبرس سٟتؠ ملان چھُ۔ ییٚتہِ چھِ گنگا غٲب گژھنہٕ برٛونٛہہ اچانک لنگمَس پؠٹھ پٮ۪وان۔ منٛدرَس انٛدَر أکِس کَنہِ پؠٹھ چھُ بھیمسین قدمَن ہُنٛد نشان۔ ماننہٕ چھُ یِوان زِ پانڈوَو کوٚر بھادرواہ پٮ۪ٹھٕ کشمیر گژھنہٕ خٲطرٕ اَکھ زیوٗٹھ گۄپھِ ہُنٛد اِستِمال۔ [1] بھدرواہ کٮ۪و مشہوٗر تٲریٖخی زیارت گاہَو مَنٛز چھُ اَکھ گپت گنگا۔ اَمہِ پتہٕ چھُ أنٛدرِمُک آب أکِس "باولی" (تالابَس) مَنٛز وَسان ییٚتہِ یِنہٕ وٲلؠ، عقیدت مند نفر تہٕ سادھو چھِ غسل کران۔ بوالی ہُنٛد آب چھُ رٮ۪تہٕ کٲلِس مَنٛز ٹھنڈٕ تہٕ ونٛدَس مَنٛز گرم آسان۔