نُنٛدٕ ریٛۆش
صوٗفی نند ریٛۆش شیخ العالم | |
|---|---|
Nund Reshi | |
 | |
| لَقَب | عَلمّدارِ کَشمیر |
| ذٲتی زِندگی | |
| پٲدٲیِش | ۱۳۷۷ ہجری کھی جوٗگؠ پوٗر، کویہِ موہ |
| ٲخری جاے | ژارِ شریٖف |
| قوٗمِیَت | کٲشُر |
| مذہبی زِندگی | |
| مَزہَب | اِسلام |
| فِرقہٕ | سُنی |
| حُکُم | ریٖشی |
| مُسلمان حُکُمران | |
متٲثر کرن وٲلؠ | |
نُنٛدٕ ریٛۆش ، حضرت شیخ نورالدین نورانی ،عَلمدارِ کشمیر یا شیخ العالم ٲسؠ کٲشِر صُوفی بزرگ، شٲیِر تہٕ اِسلامٕکی رہنُما۔ ایمہ سٕندؠن شعرن چھ شرُکؠ ونان۔[1] یِمہٕ ٲسؠ "ریٖشی" طریٖقٕکی بنیٲژ تراون والؠن مَنٛز۔ اِمَو کٔری واریاہ اَولیایہِ کرام تہٕ بییہٚ روٗحٲنی وۄستاد متٲثِر۔ یمن مَنٛز مخدوٗم صٲب ، ریٚشؠ میٖر صٲب تہٕ شمش فقیٖر شٲمل چھِ۔
زندگی
[اؠڈِٹ]نورالدین صٲب زاے ۱۳۷۸ع یا ۷۷۹ھ[2] أکس گامس مَنٛز یَتھ کویہِ موہ ناو چھُ، یُس کولگوم ضلکھ اَکھ گام چھُ۔ یہنٛدِس بابہٕ صٲبس اوس ناو "سالار سنٛز" تہٕ "وٲلدس "سدٕرٕ موج" ۔ لۄکچار پؠٹھے اوس نہ نُند ریشس کار کسب ہیچھنس کُن کنہہ خۄی، ایمہ بدل اوس خلوت پسند تہٕ ہمیشہ اوس وجُود کؠن اسرارن تہٕ روحٲنی مسلن پؠٹھ فکر کران۔ مٲل ماجہ کۆرس زِے ناوچہ خوتُونہ ستؠ خاندر، تہٕ تس زایہ زٕ شُرؠ-حیدر تہٕ زُون- مگر ایمہ پتہ تہٕ بدلیوو نہ نُند سُنٛد مزاز۔ٲخر، مٲدؠ دُنؠیا نش تنگ یَتھ کۆر نُند ریشن تپھ کرنُک فٲصلہ تہٕ رٔٹٕن گۄپھبل ناوچہ زایہ اَکھ گۄپھ۔[3]
بہن ؤرؠ ین خدای سٟنٛز عبادت کٔرِتھ تہٕ اَکھ نۆو وجُود پرٲوتھ پھیُور نُند ریش سٲرؠ سٕے کشیر (بُمزُو، ژمر، ژرار بیتر)، یُتھ سُہ لُو کن سادِہا تہٕ لُوکن اندر دین اسلامٕکؠ خیال عام کرہا۔ [4]
ژاٹھ
[اؠڈِٹ]پننین سفرن دوران بنٲی نُند ریش واریاہ ژاٹھ، یمو تٔمؠ سندؠ شرُکؠ قلمبند کرؠ تہٕ خیال برونہہ پکنای۔ اَتھ مَنٛز کینہہ موعرُوف ناو چھ: بابا بامالدین، بابا زین الدین، بابا لطیف الدین، بابا بصرالدین، بابا غلام الدین ، بابا قیام الدین، سۄزن ریش، بہت دید، رۄپہ ریش، شامہ بی بی شری کانت پنڈت بیتر۔
وفات
[اؠڈِٹ]نُند ریشن لٔب ۱۴۳۸ ع مَنٛز، رۄپہ ون وفات یمہ ساعتہ کشیر مَنٛز بڈشاہ سُنٛد دور اوس۔ یم آی ژرارٕ دفناونہ تہٕ آہندس جنازس مَنٛز اوس بڈشاہ پانہ تہٕ شٲمل۔ [5] ۲۶ شوال چھُ پرتھ ؤرؠ یہِ ژرار نُند ریشُن وۄسہ لگان۔
احترام
[اؠڈِٹ]نُند ریشس چھ کٔشیر ہُنٛد "علمدار" تہٕ ونان، تہٕ بعضے "شیخ العالم" یا "نُورالدین" تہٕ۔ أہند مرنس پؠٹھ لیکھؠ واریہو شٲرو مرثیہ تہٕ۔ پٹھان دورس مَنٛز آو پونسن ایمہ سند ناو ضرب تراونہ[6] شہرٕ چھُ أہند ناو بین الاقوامی آیرپوٹ تہٕ۔
بییٚہ وچھُو
[اؠڈِٹ]حَوالہٕ
[اؠڈِٹ]- ↑ Zutshi، Chitralekha (2003). Languages of Belonging: Islam, Regional Identity, and the Making of Kashmir ( اَنگیٖزؠ زَبانہِ مَنٛز). Permanent Black. ISBN 978-81-7824-060-2.
- ↑ روضة الریاض، بابا خلیل
- ↑ The Best of Kashmiri Literature: Nund, Translation Introduction and Glossary by Shafi Shauq
- ↑ The Best of Kashmiri Literature:Nund, Translation, Introduction and Glossary by Shafi Shauq
- ↑ باغ سُلیمان، سعداللہ شاہ آبٲدی
- ↑ محمد یُوسُف ٹینگ: "سکه شُد روشن ز شاہ نُورالدین"، سون ادب ۱۹۷۹۔