ناے
 | |
| قٕسٕم | wind instrument (en)  تہٕ woodwind instrument (en) |
|---|---|
| ہورنبوسٹل-ساچس کلاسیفیکیشن | 421 |
| ساز بناوَٹ |  |
آواز مِثال | |
| فنکارانہٕ پیشہٕ | flautist (en) |
ناے یا نٲے چھُ اَکھ گؠونُک آلہٕ یَتھ پؠٹھہٕ کِنؠ زدٕ تہٕ پھۄکہٕ تہٕ اۆنٛگجن سٟتؠ واینہٕ چھُ یِوان۔[1]
کٔشیٖر مَنٛز
[اؠڈِٹ]کٲشرِ لُکہٕ موسیٖقی مَنٛز چھُ ناے ہُنٛد رؠواج زٕ ساس ؤری کھۄتہٕ زیٛادٕ پرٛون تِکیٛازِ اسہِ چھِ امیُک بیان نیلامتا پرانَس مَنٛز میلان۔ "پُنیاہوید شَبدین ونسی وینوروینایا سُت ماگدھ شبدن تتھا وندیسوانک" نیلماتا پرانَن چھُ بانشی تہٕ وینو تہِ بیان کۆرمُت تہٕ جدید دورَس مَنٛز چھِ کٲشرِ فنکار تہِ خاص پٲٹھؠ اننت ناگ کؠن دۆن قٕسمٕچ ناے واینَس مَنٛز مہارت تھاوان۔
1. گۄڈٕنِکہِ قٕسمٕچ ناے چھِ أنٛدرِ کِنؠ خٲلی تہٕ اَتھ مَنٛز چھِ سَتھ موسیٖقی ہِنٛدِ سُرن خٲطرٕ سَتھ زَد۔ یہِ گنٛدنہٕ وِزِ چھِ دۄشوٕنی اتھن ہِنٛزٕ اۆنٛگجہِ اِستِمال یِوان کرنہٕ۔ امہِ قٕسمٕچ ناے چھِ لُکہٕ زِنٛدگی مَنٛز زیٛادٕ مروج۔
2. دٔیمِس قٕسمٕچ ناے چھِ کٲشِرِ زَبانہِ مَنٛز 'پی پی' تہِ وَنان۔ اَمہِ قٕسمٕچ ناے چھِ ڈوٗنؠ لٔکرِ سٟتؠ بَناونہٕ یِوان۔ اَتھ ناے مَنٛز تہِ چھہِ ستھ زدٕ مگر ییتہِ پیٹھہ ہوا وُڈان چھہِ سُہ چھَہ غٲب، مگر امکؠ ملحقہ زَدٕ چھہِ ٲسس مَنٛز تراونہٕ یوان تہٕ وُپھ یوان دوان۔ کھلٲڑؠ چھُ سَتھ زَدٕ صاف پٲٹھؠ وُچھان۔ یہِ آلہٕ چھُ زیٛادٕ آسٲنی سان اِستِمال یِوان کرنہٕ تہٕ کھلٲڑؠ چھُنہٕ جلدٕے تھکان گژھان۔ امہِ قٕسمٕچ ناے چھِ کٔشیٖرِ مَنٛز زیٛادٕ مشہوٗر۔
بیٚیہِ وُچھِو
[اؠڈِٹ]حَوالہٕ
[اؠڈِٹ]- ↑ von Hornbostel، Erich M.؛ Sachs، Curt (March 1961). "Classification of Musical Instruments: Translated from the Original German by Anthony Baines and Klaus P. Wachsmann". The Galpin Society Journal. 14: 24–25. doi:10.2307/842168. JSTOR 842168.
4 Aerophones The air itself is the vibrator in the primary sense ... 421 Edge instruments or flutes a narrow stream of air is directed against an edge