می ایٹ دَ زوٗ

می ایٹ دَ زوٗ
تیار کرن وول	جاوید کریٖم
رِلیٖز تٲریٖخ	اپریٖل 23, 2005
چالوٗ وقٕت	19 سؠکَنٛڈ
مُلٕک	اَمريٖکہ
زَبان	اَنٛگریٖزی زَبان

می ایٹ دَ زوٗ (بہٕ چُھس چُڑیا گرس مَنٛز) چھُ اَکھ یوٗٹیٛوٗب ویٖڈیو یُس 23 اپریل 2005 ہَس مَنٛز اَپ لوڈ کرنہٕ آمُت چھُ، یُس پلیٹ فارمَس پؠٹھ اَپ لوڈ کرنہٕ آمُت گۄڈنُیٛک ویٖڈیو ماننہٕ چھُ یِوان۔ 19 سیکنڈَن ہٕنٛدِس ویڈیوَس مَنٛز چھُ جاوید کریٖم شٲمِل، یُس یوٹیوب کؠو شریٖک بٲنیو مَنٛز اَکھ چھُ، یُس أمؠ سٕنٛدِس ہائی سکوٗل دوست، یاکوف لاپٹسکی یَن ریکارڈ کوٚرمُت۔ ویڈیوَس مَنٛز چھُ کریٖم کیلیفورنیا کِس سان ڈیاگو چُڑیا گرَس مَنٛز دۄن ہسؠن برٛونٛہہ کنہِ کھڑا وُچھنہٕ یِوان، ییٚتہِ سُہ تِہنٛدؠن کرن ہٕنٛدِس زیچھرس پؠٹھ مختصر تبصرٕ کران چھُ۔ واریاہَن صحافیَن ہُنٛد خیال اوس زِ یہِ ویڈیو چھُ پوٗرٕ پٲٹھؠ یوٹیوبٕچ نمٲیندگی کران تہٕ ووٚن زِ یہِ چھُ پلیٹ فارم کِس تٲریخُک اَکھ سنگ میٖل۔ کریمَن چھُ پتہٕ واریٛاہ لَٹہِ ویڈیوٕچ وضاحت اَپ ڈیٹ کٔرمٕژ۔ جوٗن 2025 ہَس تام چھِ ویٖڈیوَس 363 مِلیَن کھۄتہٕ زِیٛادٕ ویوٗز مِلے مٕتؠ۔

لیکھنہٕ آمُت ٹرانسکرپٹ تہٕ کیپشن

ویٖڈیوہُک ٹرانسکرپٹ چھُ یِتھ کٔنؠ:

Alright, so here we are in front of the, uh, elephants. Uh. The cool thing about these guys is that, is that they have really, really, really long, um, trunks, and that's, that's cool. And that's pretty much all there is to say.

امیُک یوٗٹیٛوٗب کیپشن متن چھُ یِتھ کٔنؠ:

All right, so here we are in front of the elephants, the cool thing about these guys is that they have really, really, really long trunks, and that's, that's cool. And that's pretty much all there is to say.

کٲشُر ترجمہٕ ہیٚکو بۄنہٕ کَنہِ کٔرِتھ:

ٹھیٖک، وۄنؠ چھِ أسؠ ہسؠن برٛونٛہہ کنہِ۔ تمن مُتعلِق چُھ خاص کتھ یہٕ زِ تِہنٛد کرن چُھ پٔزؠ پٲٹھؠ، حٔقیٖقت، پٔزؠ پٲٹھؠ زیوٗٹھ، تہٕ یہ، یہٕ چُھ اصٕل۔ تہٕ، مےٚ چُھ صِرِف یی ونُن۔