مینا مسعوٗد

مینا مسعوٗد
پٲدٲیِش	17 سیٚپٹَمبَر 1991  (وٲنٛس 34) قاہرہ
شَہَریَتھ	مِصر, کینَڈا
طٲلبہٕ عٔلِم	Toronto Metropolitan University Brother André Catholic High School
پیٚیشہِ	اداکار, گُلو کار, ٹیلی وِجَن اَداکار
عَملی ؤری	2011
کٲم	Aladdin
بٲژ	ایملی شاہ

مینا منصوٗر مسعوٗد ( زامُت 17 سَتَمبَر 1991) چھِ اَکھ مِصری زامُت کینیڈین اداکار۔ تٔمؠ کٔر پنٛنہ فلمی شروٗعات 2017 کس کینیڈین ڈرامائی تھرلر فِلِم آرڈینری ڈےزس مَنٛز۔ تٔمؠ سٕنٛز پیشرفت آیہ ڈزنی فینٹسی فلمہِ علادیٖن (2019) مَنٛز ٹایٹل کردار ادا کرنہٕ سٟتؠ ییٚمہ سٟتؠ أمس ٹین چوائس ایوارڈ تہٕ دۄن نیشنل فِلِم اینڈ ٹی وی ایوارڈن خٲطرٕ نامزدگی حٲصل گٔیہ۔

تٔمؠ کٔر نیٹ فلکس فلمہ دی رائل ٹریٹمنٹ (2022) تہٕ ہارر فلمہ دی سیکریفائس گیمس (2023) مَنٛز کٲم، ییٚمؠ منٛزٕ تٔمؠ ایٚگزیکٹو پروڈیوس تہٕ کٔر۔

اِبتدٲے زِندگی

مینا منصوٗر مسعوٗد زاو 17 سَتَمبَر 1991 قاہرہس مَنٛز مِصری قبطی آرتھوڈوکس عیسٲے مٲلِس ماجہِ گورجِت تہٕ منصوٗر مسعودس ۔ أمِس چھِ زٕ زِٹھؠ بیٚنہِ، مارین تہٕ مارگریٹ، یِم دۄشوَے صحتَس مَنٛز کٲم کران چھِ۔ ییٚلہ سُہ ترےٚ وُہُر اوس، سُہ تہٕ تٔمؠ سُنٛد عیال گٔیہٕ کینیڈا۔ یہِ وضاحت کران زِ تِم کیازِ ترٛو مِصر، مسعوٗد ووٚن بہٕ اوس تتہِ زامُت۔ ییٚلہِ بہٕ 3 1/2 وُہُر اوسُس، أسؠ گٔیہِ ٹورنٹو منتقل۔ مگر بہٕ چُھس پننہ ثقافتس تہٕ مصرس مَنٛز پننین جڑن واریاہ نزدیٖک۔ أسؠ چھِ قبطی عیسائی، تہٕ میٲنس مٲلِس ماجہِ باسیٛوو زِ تتہِ چھِ چیز ہنا خطرناک بنان ییٚلہِ بہٕ بڑان اوسُس۔ تِم ٲسؠ سانہِ عیالس بہتر زِندگی فراہم کرُن یژھان، اَدوَے کوٚر تِمو کینیڈا ہجرت کرنُک فٲصلہٕ۔

ذٲتی زِندگی

2024 مَنٛز کوٚر مسعودَن انکشاف زِ تٔمِس ٲس اداکٲر ایملی شاہَس سٟتؠ نِشٲنؠ کٔرمٕژ۔

مسعوٗد چھُ اَکھ سبزی خور تہٕ کُک بُک، ٹی وی سیریٖز، تہٕ کمیونٹی بناون وول یَتھ اِوالوِنٛگ ویٖگن ونان چھِ۔