میر واعظ یوٗسُف شاہ

محمد یوٗسُف شاہ
صدٕر آزاد کشمیر
دَفترَس مَنٛز 30 مئی 1956 – 8 ستمبر 1956
سٲبِقہٕ	شیر احمد خان
جانِشیٖن	عبدالقیوم خان
دَفترَس مَنٛز 2 دسمبر 1951 – 18 مئی 1952
سٲبِقہٕ	علی احمد شاہ
جانِشیٖن	راجہ حیدر خان (اداکٲری)
میرواعظ کشمیر
دَفترَس مَنٛز 1931–1968
سٲبِقہٕ	میر واعظ عتیق اللہ
جانِشیٖن	میر واعظ مولوی فاروق
ذٲتی مَعلوٗمات
زامُت	(1894-02-19)19 فَروَری 1894 رازے کٔدٕل، سرینگر، جموں و کشمیر، بَرطٲنوی ہِندوستان
موت	12 دَسَمبَر 1968(1968-12-12) (ؤری 74) راولپنڈی ، پنجاب ، پٲکِستان
قومیِت	کٲشُر
سِیٲسی جَماعت	آل جموں و کشمیر مسلم کانفرنس
ٲشناو	میر واعظ مولوی فاروق (بابتھٕر) میر واعظ عتیق اللہ (پیٚتٕر)
طالبِہ علِم	دارالعلوم دیوبند

میر واعظ محمد یوسف شاہ (19 فَرؤری 1894 - 12 دَسَمبَر 1968) اوس برطانوی راجس دوران جۆم و کشمیرٕچ شٲہی رِیاستَس مَنٛز اَکھ مذہبی رہنُما تہٕ سِیاسَت دان۔ تٔمؠ کٔر سرینگرَس مَنٛز جامع مسجِدُک اِمام (سربراہ پادٕری) سٕنٛدِ حثیتہٕ خٕدمَت، یَتھ "میر واعظ کشمیر" (کٔشیٖرِ مَنٛز اِسلامُک سربراہ) تہِ ونان چھِ۔ تٔمؠ کٔر پنٕنہِ سیٲسی زِندگی ہُنٛد زِیٛادٕ تَر شیخ عبداللہ سٕنٛزِ جموں و کشمیر نیشنل کانفرنسٕچ مُخٲلِفت کرنس تام، یَتھ مَنٛز گۄڈٕنِکِس جنگہٕ کٔشیٖرِ دوران پٲکِستانُک طرفدٲری تہِ شٲمِل اوس۔ سُہ گوٚو آزاد کٔشیٖر تہٕ ٲخٕر کار کٔرٕن آزاد کشمیرُک صدر سٕنٛدِ حثیتہٕ کٲم۔

اِبتدٲیی زندگی

یوسف شاہ زاو 19 فَرؤری 1894 (13 شعبان 1311 ہجری) رازے کٔدٕل مَنٛز غلام رسوٗل شاہس ۔ 1925ء مَنٛز کٔر شاہن دارالعلوم دیوبندس سٟتؠ تٲلیٖم شۆروٗع ییتہِ تس انور شاہ کشمیرین حدیث پرناو۔ 1931 ہَس مَنٛز روٚٹ تٔمؠ عطیق اللہ ہس پتہٕ کٔشیٖرِ ہُنٛد میر واعظ۔ [غٲر بروسہٕ مَنٛد ذٔریعہٕ]

ادبی کامہِ

شاہن لیوٗکھ گۄڈٕنیُوک کٲشِرؠ ترجمہٕ تہٕ قرآنُک تفسیٖر۔

سِیٲسی زِندگی

میر واعظ محمد یوٗسُف شاہ اوس شیخ عبداللہ ہس سٕتہِ 1932 ہس مَنٛز آل جموں و کشمیر مسلم کانفرنسُک بٲنؠ رہنما۔ اَکہِ ؤرؠ یہِ پتہٕ، گوٚو سُہ عبداللہ ہس سٟتؠ تنازعہٕ کِنؠ الگ تہٕ 1934 ہٕکؠ اِنتِخابات لڑنہٕ خٲطرٕ کٔرٕن آزاد مسلم کانفرنس۔ بنیٲدی تقسیٖم گٔیہٕ تمہٕ وقتہٕ ییلہٕ عبداللہ مسلم کانفرنسس سیکولر بناوُن یژھان، یمچ یوٗسف شاہن مخٲلفت کٔر یہٕ محسوس کران زِ یہٕ چھُ "مسلمانن ہنٛدس مقصدس سٟتؠ دھوکھہٕ"۔ نتیجَن ترٛٲو عبداللہ ہَن نیشنل کانفرنسٕچ بُنیاد، ییٚلہِ زن یوٗسف شاہ سٕنٛز مُسلِم کانفرنسَن کوٚر آل انڈیا مسلم لیگَس سٟتؠ یکجوت ۔ جُلَے 1947 یَس مَنٛز کٔر یوٗسف شاہ سٕنٛز مُسلِم کانفرنسن اَکھ قرارداد منظوٗر یَتھ مَنٛز جۆم تہٕ کٔشیٖرِ پٲکِستانس سٟتہِ شٲمِل کرنٕچ منٛگ ٲس۔ سُہ گوٚو تَمہِ ؤرؠ یہِ آزاد کٔشیٖرِ مَنٛز جُلاے وطن ، ییٚتہِ تٔمؠ دۄیہِ لٹہِ (1952 تہٕ 1956) صدٕر سٕنٛدِ عہدٕ سرانجام دِژ۔ سُہ گُزریٛوو 12 دَسَمبَر 1968 راوَلپِنڈی مَنٛز۔

میراث

یوٗسُف شاہ نہِ آزاد کشمیر روانگی پتہٕ کوٚر شیخ عبداللہ ہن مولوی عتیق اللہ میر واعظ مُقرر۔ 1961 مَنٛز عتیق اللہ سٕنٛدِ مرنہٕ پتہٕ آو یوٗسف شاہ سُنٛد بابتھٕر مولوی محمد فاروق، بخشی غلام محمدن نٲیِب میر واعظ مُقرر کرنہٕ۔ 1968 مَنٛز یوٗسف شاہ سٕنٛدِ مرنہٕ پتہٕ بنیٛوو فاروق اَکھ مُکمل میر واعظ.

میر واعظ عمر فاروقن ووٚن زِ یوٗسف شاہن کٔر کٲشِرؠ لوٗکن ہٕنٛزن سیٲسی خواہشَن ہٕنٛز نمایندگی تہٕ حمایت۔ تٔمؠ ووٚن یہِ تہِ زِ تٔمؠ سٕنٛدِ طرفہٕ دِنہٕ آمٕتؠ شرکتن چھِ "بےٚ مِثال"۔ فاروقَن ووٚن یہِ تہِ زِ تٔمؠ کٔر مُسلِم کانفرنسٕچ تقسیٖم کرنٕچ تہِ مُخٲلِفت تہٕ کٔرٕن پٲکِستانَس تہٕ بین الاقوٲمی سطحَس پؠٹھ کٔشیٖرِ ہُنٛد مسلہٕ حل کرنٕچ درخواست۔

کِتابیات

• Bose، Sumantra (2003)، Kashmir: Roots of Conflict, Paths to Peace، Harvard University Press، ISBN 0-674-01173-2
• Copland، Ian (1981)، "Islam and Political Mobilization in Kashmir, 1931-34"، Pacific Affairs، 54 (2): 228–259، doi:10.2307/2757363، JSTOR 2757363
• Dalal، Sir Barjor (1935)، "The Jammu and Kashmir State Assembly: First Session"، Asiatic Review، 31: 137–147 – via archive.org
• Das Gupta، Jyoti Bhusan (2012) [first published 1968]، Jammu and Kashmir، Springer، ISBN 978-94-011-9231-6
• Hussain، Syed Taffazull (2016)، Sheikh Abdullah-A Biography: The Crucial Period 1905-1939. 2016 Edition، Syed Taffazull Hussain، ISBN 978-1-60481-603-7
• Khan، Ghulam Hassan (1980)، Freedom movement in Kashmir, 1931-1940، Light & Life Publishers
• Korbel، Josef (1966) [first published 1954]، Danger in Kashmir (second ed.)، Princeton University Press، ISBN 9781400875238
• Saraf، Muhammad Yusuf (1977)، Kashmiris Fight for Freedom, Volume 1، Ferozsons
  • Saraf، Muhammad Yusuf (2015) [first published 1977 by Ferozsons]، Kashmiris Fight for Freedom, Volume 1، Mirpur: National Institute Kashmir Studies