مہسا امینی سٕنٛز موت

مہسا امینی سٕنٛز موت
suspicious death، killing
یَمیُک حِصہٕ	Mahsa Amini protests
یَمِیُک پہلو	مہسا امینی، Mahsa Amini protests
مُلُک	ایٖران
مُقام	تہران
وَقٕت	16 سَتَمبَر 2022
زَخمین ہُنٛد تعداد	0
ہَلاکتن ہُنٛد تَعداد	1
اَمِیُک اَثر	Mahsa Amini protests
مُتٲثِر	مہسا امینی
وِکی ڈیٹا پؠٹھ کٔرِو اؠڈِٹ

مہسا امینی سٕنٛز موت اوس مہسا امینی ناوٕچ أکِس ایرٲنی زنانہِ سٕنٛز موت (22 جُلَے 2000 ~ 16 سَتَمبَر 2022) پُلسہٕ طرفہٕ حِجاب صٔحیٖح پٲٹھؠ نہ لاگنس پؠٹھ گرفتار کرنہٕ پتہٕ۔ اَمہِ عملہِ مَنٛز آو شَک پٲدٕ کرنہٕ زِ یہِ موت اوس پُلیسٕچ ظُلمہٕ کِنہِ گوٚمُت۔

ایرانٕکؠ اخلاقیات پُلیٖس گائیڈنس گشت، یُس حِجاب کؠن قونوٗنن پؠٹھ نظر تھاوان چھُ، چھُ امینی حِجاب حکومتی معیارَن پؠٹھ عمل نہ کرنَس پؠٹھ گِرِفتار کوٚرمُت۔ پُلیسَن وۆن زِ امینی گٔیہِ اچانک دِل بِہِتھ تہٕ پیہِ فرشس پؠٹھ، تہٕ دۄیہِ دۄہہِ پتہٕ مویہِ کوماہَس مَنٛز. گواہَو مُطٲبِق آو امینی مار دِنہٕ، پُلیٖس گاڑِ سٟتؠ کَلَس لوٚگ، تہٕ أمِس آو دماغی فالج تہٕ ہیمریج وُچھنہٕ۔

دُنیاہَس مَنٛز کوٚر واریاہَو لوٗکَو امینی سٕنٛدِس موتس کُن توجہٕ۔ یہِ بنیوو ایرانَس مَنٛز زنانَن خٕلاف تشددٕچ علامت تہٕ گٔیہِ پوٗرٕ مُلکَس منٛز احتجاج۔

احتجاجَن ہٕنٛدِس جوابَس مَنٛز کٔر ایرٲنی حکومتَن اِنسٹاگرٛام تہٕ وٹس ایپ سان واریاہَن ایپَن تام رسٲیی بنٛد، تہٕ مُظٲہرینَن ہٕنٛز منظم کرنٕچ صلٲحِیت کم کرنہٕ باپتھ کوٚرُکھ واریاہَن اِنٹرنیٹَن تام رسٲیی محدوٗد ۔ یہِ چھُ 2019 پتہٕ ایرانَس مَنٛز ساروٕے کھۄتہٕ بدترین اِنٹَرنؠٹ بلیک آؤٹ، ییٚلہِ انٹرنیٹ پوٗرٕ پٲٹھؠ بنٛد اوس کرنہٕ آمُت.