مُحمد یوٗسُف ٹینٛگ
مُحمد یوٗسُف ٹینٛگ | |
|---|---|
 | |
| پٲدٲیِش | 1935 (وٲنٛس 91) شُپؠیَن |
| شَہَریَتھ | ہِندوستان |
| طٲلبہٕ عٔلِم | |
| پیٚیشہِ | لِکھٲرؠ |
| یَنام |
|
| لِکھٲرؠ پیشہٕ | |
| زَبان | کٲشُر تہٕ باقٕے |
| یادگار کٲم | مَہجوٗر شِناسی تہِ باقٕے خٲطرٕ ؤچھِو شایع در کامہِ |
مُحمد یوٗسُف ٹینٛگ (زامُت: 1935 شُپؠیَن، ہندوستان)، یُس ایم وَے ٹینٛگ تہِ ونان چھِ، چھُ اَکھ ریسرچر، عٲلِم، نقادCritic، لِکھٲرؠ، سِیاسَت دان تہٕ توٲریٖخ دان۔[1] سُہ چھُ شیخ عبداللہ سٕنٛز زِندگی نگار تہِ۔[2] سُہ چھُ اَکھ زبردست ادبی مفکر یُس ترٛؠن ہِندوستٲنؠ زبانن مَنٛز لیکھان چھُ۔
امہِ برونٛہہ اوس جموں و کشمیر اکیڈمی آف آرٹ، کلچر اینڈ لینگویجزُک سیکریٹری، جموں و کشمیر پبلک سروس کمیشنُک رُکُن، آرکاییوز، آثار قدیمہ تہٕ عجٲیب گرٕکؠ ڈایریکٹر سٕنٛدِ حثیتہٕ خدمات انجام دِژمٕژ، سُہ چھُ وُنکینَس 2021 پیٹھٕ جموں و کشمیر سینٹر فار کریٹیو آرٹس (جے کے سی سی اے) کِس سرپرست سٕنٛدِ حثیتہٕ خدمات انجام دِوان۔
تٔمؠ کٔر نیشنل کانفرنسہٕ پؠٹھٕ دۄیہِ لٹہِ جۆم تہٕ کٔشیٖر قونوٗن ساز کونسلُک رُکُن تہٕ جموں و کشمیر قانون ساز کونسلُک ڈپٹی چییَرمین سٕنٛدِ حثیتہٕ تہِ خدمات انجام دِژمٕژ۔[3]
شُروٲتی زِندگی
[اؠڈِٹ]ٹینٛگ زاو 1935 مَنٛز کٔشیٖرِ کِس شُپؠیَنَس مَنٛز ۔ تٔمؠ سٕنٛدِ خاندانُک رؠوٲیتی پیشہٕ اوس مؠوَن ہُنٛد تجارت۔ تٔمؠ کٔر ابتدٲیی سکوٗلٕچ تٲلیٖم پننِس آبٲیی شہرس مَنٛز تہٕ پتہٕ کٔر یونِورسِٹی آف کَشمیٖر مَنٛز گرٛیجویشن۔ اَمہِ پتہٕ کٔر سُہ سِریٖنَگَر پؠٹھٕ شایع سپدن وٲلِس ہفتہٕ وار جَہانی نَوَس مَنٛز بطورِ ایڈیٹر شٲمِل۔ یہِ اوس تٔمؠ سٕنٛدِ صحافتی کیریئرُک آغاز۔ پتہٕ اوس تٔمِس ہفتہٕ وار آینہ کِس ادارتی طرفہٕ کٲم کرٕنؠ، امکؠ ایڈیٹر شمیٖم احمد شمیٖمس سٟتؠ قریبی اشتراک۔ تٔمؠ کٔر سری نگر کؠن باقٕے اخبارن یِتھ کٔنؠ آفتاب، زمیندار، حقیقات تہٕ چٹان باپتھ تہِ کٲم۔
پیشہٕ
[اؠڈِٹ]ٹینٛگن کٔر جموں و کشمیر حوٚکوٗمَتھ کِس محکمہٕ اطلاعاتَس مَنٛز امہِ کِس ماہانہٕ اشاعتہٕ 'تمیر' کِس اسسٹنٹ ایڈیٹر سٕنٛدِ حثیتہٕ شٲمِل، تہٕ تٔمؠ سمبول جریدُک ایڈیٹر سُنٛد عہدٕ۔ 1958 تہٕ 1960 ہَس درمِیان تٔمؠ سٕنٛزِ سربرٲہی دوران کٔر أمؠ کٲشرِ زبانہِ تہٕ ادبَس خٲطرٕ وقف أکِس ادبی رِسالٕک پٲٹھؠ قٲبلِ ذِکِر درجہٕ حٲصِل۔ 1962 ٹھس مَنٛز سمبٲلؠ تٔمؠ جموں و کشمیر اکیڈمی آف آرٹ، کلچر اینڈ لینگویجز ہُنٛد ادارتی ذمہٕ دار۔ امہٕ سٟتؠ گٔیہٕ تنظیمس سٟتؠ اَکھ طویل وابستگی شۆروٗع، یمچ قیادت سُوٛ 1973 مَنٛز سیکرٹری کس طورس پؠٹھ آو۔ سُہ روٗد 1993 تام امہِ ادارٕچ سربراہی کران۔ تٔمؠ سٕنٛدِس دورَس دوران کٔر اکیڈمی ریاستٕچ زبانہٕ تہٕ ادبٕچ فروغ دِنہٕ سٟتؠ سٟتؠ تحقیقٕچ حوصلہٕ افزٲیی خٲطرٕ ییمن سٕنٛز خٔدمَت۔ ٹینگَن چھُ جموں و کشمیر حکومتہٕ خٲطرٕ ڈائریکٹر اطلاعات، ثقافتی راے کار، وزیر اعلیٰ تہٕ ڈایریکٹر جنرل آف کلچرٕک پٲٹھؠ تہِ کٲم کٔرمٕژ۔
شایع در کامہِ
[اؠڈِٹ]یِمو چھِ ژور تنقیدی تصنیف کٲشرؠ، اُردوٗ تہٕ انگریزی زبانن مَنٛز شایع کٔرمٕژ تہٕ ادبی موضوعن پؠٹھ چھِ اَکھ درجن کھۄتہٕ زیٛادٕ کتابہٕ ایڈٹ کٔرمٕژ۔ امہِ علاوٕ چھِ تٔمؠ واریاہ تحقیقی مقالہٕ لیچھمٕتؠ تہٕ ادبی تہٕ ثقافتی معاہدن مَنٛز چھُ پنُن حصہٕ نِمُت۔
ٹینگ سٕنٛزِ کٲشِر تحریرن ہُنٛد اَکھ سۆمبرُن آو 1988 مَنٛز 'تلاش' عنوانس تحت شایع کرنہٕ۔ امہِ پتہٕ چھُ شِناخت ناوٕ تحت تمہِ سٕندِ اُردوٗ تحریرن ہُنٛد سوٚمبرنہِ شایع کرنہٕ آمُت۔ أمؠ سٕنٛزِ تنقیدی طور سراہنہٕ یِنہٕ واجنہِ کامہِ مہجور شِناسی (تَنقیٖد) زیوٗن تٔمِس 1998 مَنٛز ساہتیہ اکادمی ایوارڈ۔ اَتھ کتابہِ مَنٛز چھِ کٲشرِ شٲیری مَنٛز جدیدیت ہٕندِس پیش آگر دوٗتھHarbinger غلام احمد مہجور سٕنزِ زندگی تہٕ کامین پؠٹھ ژۄداہ مضمون شٲمِل۔ کٲشرِ شٲعر سٕنزِ شٲعری ہُنٛد جامع جٲیزٕ نِنہٕ آمُت چھُ اَتھ مَنٛز توٲریخی تہٕ سوانحی تنقیدٕکؠ طریقن تہٕ اصوٗلن ہُنٛد پوٗرٕ فٲیدٕ تُلنہٕ آمُت تہٕ مہجور سٕنزِ اۆنٛدروٗنی ادبی قدر تہٕ جدید کٲشرِ شٲعری پؠٹھ تٔمؠ سٕندِس اثرس پؠٹھ تہِ کتھ کرنہٕ آمٕژ۔ سُہ اوس مرحوٗم شیخ محمد عبداللہ سٕنٛزِ زبانہِ زِندگی 'آتش چنار' ناوٕچ وٲحِد امنوینسِس یَتھ ساہتیہ اکادمی ایوارڈ زیوٗن۔ تٔمؠ چھِ واریاہ باقٕے کتابہٕ مرتب تہٕ ترمیم کٔرمٕژ یَتھ مَنٛز تنقیدی تشریحات تہٕ اصل تحقیٖق شدٕ تعارفہٕ چھِ۔ یِمن مَنٛز شٲمِل کشمیری زبان اور شاعری (کٲشِرؠ زَبان تہٕ شٲیری) (ترٛؠن جلدن مَنٛز), ہیٖمال, گُلریز, ولی اللہ مٹوٗ کلیاتِ مقبوٗل, کلیاتِ رسول میٖر, کشمیر میں اُردوٗ، کلیاتِ مہجوٗر، پربت اور پنگھت، تہٕ یہِ چھُ سون وطن۔
یَنام
[اؠڈِٹ]ادبس تہٕ تٲلیٖمہِ مَنٛز تٔمہِ سٕنٛدِ دِتُک اعتراف کران دِیُت ہِنٛدُستانٕکہِ صدرَن 2008 ہس مَنٛز یوم جمہوریہ کِس موقعس پؠٹھ ٹینگن پَدَم شرِٛی اعزاز دِتھ یزتھ افضٲیی ۔
ٹینگَن زیوٗن 1994 مَنٛز جموں و کشمیر اکیڈمی آف آرٹ، کلچر اینڈ لینگویجز طرفہٕ ساہتیہ اکیڈمی ایوارڈ تہٕ بہترین کِتابن ہُنٛد انعام تہِ۔ باقٕے تعریفن مَنٛز چھِ 1986 مَنٛز اوقافی اسلامیہ کِس صدر سٕنٛدِ طرفہٕ روب آف آنر تہٕ رۄپہٕ ہٕنٛز تختی تہٕ 1998 مَنٛز ادبی مرکز کامراز سُنٛد روب آف آنر شٲمِل۔ جموں و کشمیر اکیڈمی آف آرٹ، کلچر اینڈ لینگویجزن تہِ دِیُت تٔمِس 1999 تھس مَنٛز پنُن پوشہٕ اعزاز تہٕ بنٲوٕن تٔمِس پؠٹھ اَکھ دستاویزی فِلِم۔
سُہ آو 1999 تھس مَنٛز فن تہٕ ثقافتٕچ نُمٲینٛدگی خٲطرٕ جموں و کشمیر قانون ساز کونسلس خٲطرٕ نامزد کرنہٕ۔ سُہ چھُ پٔتِمؠو 15 ؤرؠ یَو پؠٹھ زبانہِ ہُنٛد جریدٕ "آواز گُرجر" خٲطرٕ گُرجر دیش ٹرسٹ جموں ہُک چیف سرپرست روٗدمُت۔
کٲشِرؠ مَنٛز
[اؠڈِٹ]- تلاش 1988 (تنقیٖد)
- کلیاتِ-مَہجوٗر, 1982 (اؠڈِٹ کٔرمٕژ)
- کلیاتِ-رَسوٗل میٖر, 1984, 1997 (اؠڈِٹ کٔرمٕژ)
- مَقبوٗل شاہ کرٛال وٲرؠ (2 جلدٕ) 1972, 1978 (اؠڈِٹ کٔرمٕژ)
- مَہجوٗر شِناسی, 1993 (تنقیٖد)
- رَش, 2001 (تحقیٖق)
- شیٖش رنٛگ تحقیق تہٕ تَنقیٖد, 2005
- رنگہٕ دیوَے, 2007
- کٲشُر کتاب تَواریخ – ورثہٕ – 2008
- شِناخت, 1987 (تَنقیٖد)
- کشمیری زبان اور شاعری , 3 جلدٕ (اؠڈِٹ کٔرمٕژ)
- کمشیر میں اُردوٗ, 3 جلدٕ (اؠڈِٹ کٔرمٕژ)
- جیستہ جیستہ (تحقیق) 2001
- کشمیرِ قَلام, 2010
اَنٛگریٖزی زَبانہِ
[اؠڈِٹ]- یوسف شاہ چک 1980 (تحقیق)
- Nehru in Kashmir کٔشیٖرِ منٛز نہروٗ 2012
حَوالہٕ
[اؠڈِٹ]- ↑ Agency، Anadolu (2019-12-15). "Mevlana Rumi's poetry therapy for psychiatric patients in Kashmir". Daily Sabah. Retrieved 2021-05-05.
- ↑ "Pandit Prem Nath Bazaz". Hindustan Times. 2017-07-15. Retrieved 2021-05-05.
- ↑ "JKCCA nominates MY Taing as its patron". Jammu Kashmir Latest News | Tourism | Breaking News J&K. 2021-01-03. Retrieved 2021-05-05.