مُحمد صلاح
.jpg?lang=ks)
محمد صلاح حامد مہروس غالی (زامُت: 15 جوٗن 1992) چھُ اَکھ مِصری پیشہٕ ور فُٹبالر یُس مصرٕچ قومی ٹیٖمہِ خٲطرٕ رایٹ وِنگر یا رایٹ مڈفیلڈر سٕنٛدِ حثیتہٕ گِنٛدان چھُ تہٕ کپتان چھُ۔ سُہ چھُ بٔڑِس پیمانَس پؠٹھ پننہِ زمانٕک بہترین کھلٲڑیو مَنٛز اَکھ تہٕ وُنیُک تام عظیم وِنگرَن مَنٛز اَکھ ماننہٕ یِوان۔ [1]"مِصری بادشاہ" ناو دِنہٕ یِوان، سُہ چھُ پریمییَر لیگَس مَنٛز سارِوٕے کھۄتہٕ زیٛادٕ غٲر مُلکی گول کَرن وول تہٕ یوٗ ای ایف اے چیمپیَنز لیگَس مَنٛز سارِوٕے کھۄتہٕ زیٛادٕ افریقی گول کَرن وول کھِلٲڑؠ۔
صلاح ہَن کٔر پنٕنؠ سینیر کیرییَرُک آغاز 2010 ہَس مَنٛز الموکولونَس مَنٛز، تہٕ 2012 ہَس مَنٛز گوٚو باسلَس مَنٛز شٲمِل گژھنہٕ خٲطرٕ روانہٕ، ییٚتہِ تٔمؠ زٕ سویس سپر لیٖگ خٕطاب زیٖنؠ۔ 2014 مَنٛز کٔر تٔمؠ چیلسی مَنٛز 11 ملین پاؤنڈ ہٕنٛدِ مبینہ فیسس پؠٹھ شٲمِل، مگر محدود گیمہِ ہُنٛد وَقٕت کِنؠ آو فیورینٹینا تہٕ روماہَس لگاتار قرضہٕ، یِمو پتہٕ أمِس 15 ملین یورو ہَس مَنٛز مُستقل پٲٹھؠ دستخط کٔر۔ 2016-17 کِس سیزنَس مَنٛز اوس صلاح روما کِس ناکام ٹایٹل بولی مَنٛز اَکھ اہم شخصیات، یُس گولن تہٕ اسسٹَن دۄشوٕنی مَنٛز دۄگنہٕ اعداد و شمار تام ووت۔ 2017 ہَس مَنٛز گوٚو صلاح £36.9 مِلیَن مَنٛز لِورپول یُس تمہِ وِزِ کلبُک رِکارڈ اوس۔ پننِس گۄڈنِکِس سیزنَس مَنٛز کوٚر تٔمؠ 38 گیمَن ہٕنٛدِس سیزنس مَنٛز ساروٕے کھۄتہٕ زِیٛادٕ پریمییَر لیٖگ گول کرنُک (32) ریکارڈ قٲیِم تہٕ لِورپولَس کٔرٕن 2018 چیمپیَنز لیٖگ فاینلَس تام واتنَس مَنٛز مَدَتھ۔ رابرٹو فرمینو تہٕ سادیو مانے یَس سٟتؠ اَکھ زبردست حملہ آور ترٚےٚ بناونہٕ پتہٕ، صلاح روٗد یِنہٕ والؠن دۄن سیزنَن مَنٛز کٕلَب کِس چیمپیَنز لیٖگ تہٕ پریمییَر لیٖگ خٕطابَن ہٕنٛزِ کامیٲبی مَنٛز اَکھ لٲزمی کھلٲڑؠ۔ تَمہِ پتہٕ زیٛوٗنمُت تٔمؠ ایف اے کپ، ای ایف ایل کپ، ایف اے کمیونٹی شیلڈ، یوٗ ای ایف اے سُپر کپ تہٕ فیفا کلب ورلڈ کپ تہِ۔ 2024-25 کِس سیزنَس مَنٛز زیٛوٗن تٔمؠ 38 گیمَن ہٕنٛز پریمییَر لیٖگ مُہمہِ مَنٛز ساروٕے کھۄتہٕ زِیٛادٕ گول کرنُک رِکاڈ پھٕٹرٲوِتھ دوٚیِم لیٖگ خٕطاب ۔ سیزنَس دوران پننہِ کارکردٕگی باپتھ زیٛوٗن تٔمؠ ترٛیٚیِمہِ لَٹہِ ریکارڈ پھٔٹراوَن وول پی ایف اے پلییَرز پلییَر آف دی اییَرُک ایوارڈ۔
صلاح سٕنٛدؠن باقٕے کُنؠ زٔنؠ تعریفن مَنٛز چھِ ترٛےٚ ایف ڈبلیو اے فٹ بالر آف دی اییَر ایوارڈ، ژور پریمییَر لیگ گولڈن بوٹ، زٕ پریمییَر لیگ پلییَر آف دی سیزن ایوارڈ، زٕ پریمییَر لیگ پلے میکر آف دی سیزن ایوارڈ، 2018 تہٕ 2021 ہَس مَنٛز بہترین فیفا مردَن ہٕنٛدِ کھلٲڑؠ خٲطرٕ ترٛیٚیِمِس نمبرَس پؠٹھ حٲصِل، تہٕ 2025 بیلن ڈی اورَس مَنٛز روٗد ژوٗرِمِس نمبرَس پؠٹھ ۔ أمِس مِیوُل 2017-18 سیزنُک گۄڈٕنِکِس مرسی سایڈ ڈربی مَنٛز زیننہٕ خٲطرٕ 2018 فیفا پُسکاس ایوارڈ۔ 2023 ہَس مَنٛز بَنیٛوو صلاح پریمییَر لیٖگ کِس تٲریخَس مَنٛز لِورپولُک سارِوٕے کھۄتہٕ زیٛادٕ گول کَرن وول کھِلٲڑؠ، تہٕ بَنیٛوو کٕلَب خٲطرٕ 200 گول کرن وول پوٗنٛژِم کھلٲڑؠ تہِ۔ 2025 ہَس مَنٛز بَنیٛوو سُہ راجر ہنٹ تہٕ ایان رشَس پتہٕ کلب کِس تٲریخَس مَنٛز لِورپولُک ترٛیٚیِم ساروٕے کھۄتہٕ زِیٛادٕ گول کَرن وول کھِلٲڑؠ۔ مارٕچ 2026 ہَس مَنٛز کوٚر صلاح ہَن اعلان زِ سُہ تراوِ 2025-26 سیزن کِس ٲخرس پؠٹھ لِورپول۔
بین الاقوٲمی سطحَس پؠٹھ کٔر صلاح 2011 ہَس مَنٛز پنُن سینیر ڈیبیو کرنہٕ برٛونٛہہ نوجوانَن ہٕنٛدِس سطحَس پؠٹھ مصرٕچ نُمٲینٛدٕگی۔ 2012 کِس سمر اولمپکسَس مَنٛز پننہِ کارکردٕگی پتہٕ آو سُہ سی اے ایف ساروٕے کھۄتہٕ زیٛادٕ امید افزا افریقی ٹیلنٹ آف دی ؤری قرار دِنہٕ۔ تَمہِ پتہٕ روٗد سُہ 2017 تہٕ 2021 افریقہ کپ آف نیشنزَس مَنٛز رنر اپ حٲصِل تہٕ سی اے ایف کوالیفکیشن دوران روٗد سارِوٕے کھۄتہٕ زیٛادٕ سکور کَرن وول تِکیٛازِ مصرَن کوٚر 2018 فیفا ورلڈ کپ خٲطرٕ کوالیفایی۔ صلاح آو سی اے ایف افریقی فُٹبالر آف دی ؤری (2017 تہٕ 2018)، بی بی سی افریقی فُٹبالر آف دی اییَر(2017 تہٕ 2018) قرار دِنہٕ، تہٕ آو 2017 افریقہ کپ آف نیشنز ٹیم آف دی ٹورنامنٹ، 2021 افریقہ کپ آف نیشنز ٹیم آف دی ٹورنامنٹ تہٕ سی اے ایف ٹیم آف دی ؤری واریاہن موقعن پؠٹھ منتخب کرنہٕ۔
صلاح چھُ پننیو کامیابیو خٲطرٕ مصرس مَنٛز قومی فخرٕچ علامت ماننہٕ یِوان تہٕ آو 2019 مَنٛز ٹایم میگزین کِس 100 ساروٕے کھۄتہٕ زیٛادٕ بااثر لوٗکَن ہٕنٛدِس فہرستس مَنٛز شٲمِل کرنہٕ۔ صلاح سُنٛد سہرا چھُ مصرین مَنٛز لیورپولُک پروفایل بڑاونُک سہرا تہٕ دنہٕ آمُت۔
حَوالہٕ
[اؠڈِٹ]- ↑
- "Who is Ramy Abbas Issa? Clients, relationship with Mohamed Salah". 90min. 8 April 2022. Archived from the original on 19 October 2022. Retrieved 19 October 2022.
- "Salah is the best player in the world at this moment in time". BBC Sport. 2 December 2021. Archived from the original on 2 April 2023. Retrieved 2 April 2023.
- Fish، Hal (1 October 2024). "20 Greatest African Players in Football History Ranked". GiveMeSport.com. Archived from the original on 3 October 2024. Retrieved 1 October 2024.
- Calum Ritchie (11 March 2025). "Lineker, Shearer & Richards Rank 10 Best African Stars in Premier League History". GiveMeSport ( اَنگیٖزؠ زَبانہِ مَنٛز). Retrieved 2025-03-12.
- Mark White (19 August 2024). "Ranked! The 20 best Premier League wingers ever". fourfourtwo.com ( اَنگیٖزؠ زَبانہِ مَنٛز). Retrieved 2024-12-30.
- Hal Fish؛ Daniel Hepburn (28 February 2024). "The 10 Best Premier League Wingers of all Time Ranked". GiveMeSport ( اَنگیٖزؠ زَبانہِ مَنٛز). Retrieved 2024-12-30.