مُحمد سٕنٛدؠ اولاد

مُحمد سٕنٛدؠ اولاد مُحمد سٕنٛدؠ شُرؠ
أولاد محمد
بَچہِ	مُحمد سٕنٛدؠ اولاد زامٕتؠ–وَفات قاسِم 598–601 زینب 599–629 رُقیہ 601–624 ام کُلثوم 603–630 فاطمہ زہرا 605/12/15–632 عبداللہ 606–610 ابراہیم 630–632
عَیال	بَنوٗ ہاشِم

مُحمد سٕنٛدؠ اولاد یا مُحمد سٕنٛدؠ شُرؠ ٲسؠ نیٚچوؠ تہٕ کورِ یمؠ پیغمبر اسلام مُحمد سٕنٛدؠ ٲسؠ‌۔ عام خیال چھ یہِ ز محمدس ٲسؠ ترٛےٚ نیٚچو، عبد اللہ، ابراہیم تہٕ قاسِم تہٕ ژور کورِ، فاطمہ، رُقیہ، ام کُلثوم، تہٕ زینب . وننہٕ چھُ یوان زِ سٲری ٲسؠ تٔمؠ سٕنٛزِ گۄڈنِچ زنانہٕ خدیٖجہ بِنٛت خُوَیلِد زامٕتؠ‌، سِواے ابراہیم، یٔمؠ سٕنٛز موج ماریہ القبتیہ ٲس۔

محمد صلی اللہ علیہ وآلہ وسلم سُنٛد کانٛہہ تہِ نیچو ووت نہٕ بالغ ییلہِ زن تٔمؠ سٕنزِ سارے کورِ واژٕ۔ صرف فاطمہ زندٕ أمِس پتہٕ۔ محمدس اوس اَکھ بالغ منگتہٕ نیُچو زید ابن حارثہ تہِ۔ کینٛہہ بَہہ عشری شیعہ ذرایعہٕ چھِ دعوا کران زِ فاطمہ ٲس محمدن کُنی حیاتیاتی کوٗرbiological daughter، باقین دٔلیٖلن علاوٕ چھِ خدیجہ سٕنٛز بڑٕ وٲنسہِ ہُنٛد حَوالہٕ دِوان۔ یِم ذٔریعہٕ چھِ رقیہ، ام کلثوم تہٕ زینبَس مُقابلہٕ فاطمہ سٕنٛدِ محمدس سٕتہِ قریبی تعلُقات تہِ وُچھان۔

سنی نظریہِ

تواریخی ترتیبس مَنٛز، زیٛادٕ تر سنی ذرایعہ چھ اِسلٲمی پیغمبر محمد صلی اللہ علیہ وآلہ وسلم سٕنٛدین بچن ہُنٛد فہرست یَتھ پٲٹھؠ درج کران

• قاسم (598–601)
• زینب (599–629)
• رُقیہ (601–624)
• ام کُلثوم (603–630)
• فاطمہ (605–632)
• عبداللہ (606–610)
• ابراہیم (630–632)

سنی نظریہِ چھہِ یہِ زِ تم سٲری ٲس محمد صلی اللہ علیہ وآلہ وسلم سٕنٛزِ گۄڈنچہِ زنانہِ خدیجہ بنت خویلید زامت، سواے ابراہیم ابن محمد، یس ماریہ القبطیہس زامُت اوس۔

بَہہ عشری شیعہ نظریہِ

علی سٕنٛدِ مطٲبق چھُ یہِ ناممکن زِ بُزرگ خدیجہ آسہِ ییٖتیاہ شُرؠ زٲمتٕؠ۔ تَمہِ کِنؠ چھِ کینٛہہ بَہہ عشری شیعہ ذرایع دعوا کران زِ رقیہ، ام کلثوم تہٕ زینب ٲس محمدن پننہٕ ماجہٕ ہالا کہ مرنہٕ پتہٕ منگتہٕ نیٖمژٕ، یۄسہٕ خدیجہ سٕنٛز بیٚنہِ ٲس، یا یہٕ زِ یم ترٛیٚشوَے ٲس خدیجہ سٟنٛز کورِ۔ کینٛہہ شیعہ مصنفین ہُنٛد ونن چھہِ زِ ابتدٲیی مُسلمان عثمان ابن عفانس سٟتؠ خاندر کرنہٕ برٛونٛہہ اوس رقیہ تہٕ ام کلثوم مُشرکیٖنن ستؠ خاندر کوٚرمُت، یَتھ زن محمدن پننؠن حیاتیاتی کورین ہِنٛدِ خٲطرٕ اِجازت آسہِ نہٕ۔ تمو چھِ فاطمہ برعکس محمد صلی اللہ علیہ وآلہ وسلم تہٕ رقیہ، زینب یا ام کلثمس درمیان قریبی تعلقاتن ہٕندؠ تٲریخی شواہد نَہ آسنُک دعوا کران۔ عباس سٕنٛدِ مطٲبق ہیٚکہِ یہِ زِ فاطمہ ٲس محمد صلی اللہ علیہ وآلہ وسلم سٕنٛز کُنی حیاتیاتی کوٗر شیعہ اسلامس مَنٛز مرکزی دارُک نظریہ۔ تاہم، فیڈلے چھُ ونان زِ یہٕ چھُ شیعہ اسلامچ اہم شاخ بَہہ عشری شیعتس مَنٛز مرکزی دارُک نظریہٕ۔ حیدر سُنٛد دعوا چھُ زِ یہِ عقیدٕ چھُ جۆنوٗبی ایشیا کؠن شیعین مَنٛز موجوٗد باسان ۔