منطق الطیر
 | |
| مُصنف | شیخ فریر الدین عطار |
|---|---|
| زَبان | فارسی |
| صِنف | مثنوی |
| اشاعتُک جاے | ایران |
منطق الطیر یا مقامات الطیُور (مطلب: جاناوارن ہُنٛد مَجلِس) چھٕ شیخ فریرُالدین عطار سٟنٛز مثنوی ییمیُک موضُوع عرفان تہ تصوف چھُ۔ایمیٕچ بحر چھٕ رمل مُسدس مقصُور تہ اَتھ چھٕ 4700 شعر۔ اَتھ مثنوی اندر چھٕ داستان یتھٕ کٲنؠ زِسٲری جاناوار چھٕ سۄمبان تِکیاز تِمن چھُ سیمُرغ وُچھنُک ہول آسان، تٕم چھٕ سٔتُتِس پنُن زیُٹھ مُقرر کران تہ پنُن حال باوان(الگ الگ پکھش چھٕ الگ الگ فطرت تھاون والؠن انسانن ھٕنز نمایندگی کران) تہ سٔتُت چھُکھ اکہ اکہ جواب دیوان، تہ بیٚیہِ تیمن ونان چھُ ز سیمُرغس تام واتنہ باپتھ چھُ تیمن ستَو مقامو مٔنزؠ سفر کرُن: طلب، عشق، مُعرفت،استغفار، توحید، حیرت تہ فقر و فنا۔ اَمہِ پتہ چھٕ جاناوار سفرس نیران تہ أڈؠ چھٕ تریشہ سٟتؠ مران، تہٕ أڈؠ فاقہٕ سٟتؠ، أڈؠ چھٕ واو بُزؠ گژھان تہ أڈؠ چھٕ راوان گٹہِ سۆدرس مَنٛز۔ ییلہ سفر اند چھُ واتان، ٲخر چھٕ صرف ترٕہ جاناوار زندٕ بچان، یٕم پننسٕے پانس اندر سیمُرغ وُچھان چھٕ؛ فارسی پٲٹؠ چھٕ "ترِہن جاناوار" تہِ سیمُرغ ونان۔[1]
کٲشُر ترجمہٕ
[اؠڈِٹ]اَتھ مثنوی چھُ مُومن شاہ(؟؟-1760) یا مُومن صٲب ناوٕکؠ أکؠ صُوفؠ شٲعرن کٲشرس مَنٛز ترجمہ کۆرمُت۔ مُومن شاہ چھٕ ٲسمٕتؠ بیب گوم پُلووم روزان۔ [2]
ناو سٲزی
[اؠڈِٹ]ایمہ مثموی ہُنٛد ناو چھُ قرآن شریف کِس سورے نمل، آیت 16 پؠٹھہ نِنہ آمُت، ییتھس حضرت سلیمان تہٕ حضرت داود چھٕ جاناوارن ہِنٛز زبان ہیچھان (منطق الطیر) [3]