محمد رفیع
محمد رفیع (24 دَسَمبَر 1924-31 جُلَے 1980) اوس اَکھ ہِندوستٲنؠ پلے بیک گلوکار۔ سُہ اوس پننہِ الگ تھلگ آوازِ ہٕنٛدِ حدٕ، استعداد تہٕ پردَس پؠٹھ اداکارن ہٕنٛدؠن اندازن سٟتؠ پنٕنؠ آواز مِلاونٕچہِ صلٲحِیتہٕ خٲطرٕ سارِوٕے بَرِصَغیٖر ہِند کؠن گؠون والؠن مَنٛز اثر دار تہٕ مشہوٗر۔[1]
بٲتن ہُنٛد میٖراث
[اؠڈِٹ]تٔمؠ کٔر تقریبن 7000 بٲتھ بُنیٲدی طور اُردوٗ تہٕ پنجابی زبانن مَنٛز ریکارڈ، مگر واریاہن باقٕے ہِندوستٲنؠ تہٕ غٲر مُلکی زبانن مَنٛز تہِ چھِ شٲمِل۔ تمہِ سٕنٛزِ كٲمہِ ٲسہِ تیز رفتار نمبرن تہٕ رومانوی گؠونَو پؠٹھٕ قوالی، غزل، بھجن تہٕ کلاسیکی موٗسیٖقی تام صِنفن ہِنٛز اصناف شٲمِل۔
شُروٗعٲتی زِنٛدگی
[اؠڈِٹ]1926 مَنٛز زامُت پنجاب، برطانوی ہِندوستانَس مَنٛز، تٔمؠ سُنٛد عیال گٔیہِ 1935 مَنٛز لاہور مُنتقل۔ تٔمؠ کوٚر لۄکچارٕ وٲنٛسہِ مَنٛز کلاسیکی موٗسیٖقی ہیٚچھنٕنؠ شۆروٗع تہٕ 13 ؤری وٲنٛسہِ مَنٛز کٔرٕن پننہِ عوٲمی پرفارمنس ہُنٛد آغاز۔ تٔمؠ کٔر 1941 ہَس مَنٛز أکِس پنجیبہِ فِلمہِ مَنٛز بطورِ پلے بیک سِنگر پننہِ شروٗعات۔
بمبیَس مَنٛز کیرییَر
[اؠڈِٹ]1944 مَنٛز بمبیی گٔژھِتھ کٔر تٔمؠ ہِنٛدی فلمن ہٕنٛز شروٗعات تہٕ نوشاد ہِوؠن نامور موسیقار ہدایت کارن سٟتؠ کٔرٕن مضبوٗط وابستگی۔ تقسیٖم ہِنٛدُستان پتہٕ ژور تٔمہِ ہندوستانس مَنٛز روزنُک۔
موتھ
[اؠڈِٹ]محمد رفیع گُزریو 31 جُلَے 1980 شامچہِ 10:25 بجہِ 55 وُہُر دِلُک دورٕ پیٚنہٕ پتہٕ۔
یَنام
[اؠڈِٹ]رفیع یَس آیہِ شےٚ فِلِم فییَر ایواڈ ، اَکھ نیشنل فِلِم ایوارڈ ، تہٕ آو 1967 مَنٛز پدم شری اعزاز دِنہٕ ۔ پتہٕ آو سہ ہیرو ہونڈا تہٕ سٹارڈسٹ میگزینن "ساس ؤری ہُک بہترین گلوکار" تہٕ نامزد کرنہٕ۔
حَوالہٕ
[اؠڈِٹ]- ↑ To, As Told; To, As Told (25 July 2010). "Remembering Rafi". The Hindu. ISSN 0971-751X. http://www.thehindu.com/todays-paper/tp-features/tp-sundaymagazine/Remembering-Rafi/article16209117.ece.