لِیو تولستوے

لِیو تولستوے
پیدٲیِش	Lev Nikolayevich Tolstoy  28 اَگست 1828 (in Julian calendar)  Yasnaya Polyana
وَفات	7 نَوَمبَر 1910 (in Julian calendar)  (وٲنٛسہِ 82) Astapovo
قلمی ناو	Л. Н.
پیٚشہٕ	لِکھٲرؠ, ڈراما نگار, فَلاسفَر, ناوَل نِگار, مَضموٗن نِگار, diarist, نَثر نِگار, opinion journalist, Esperantist, pacifist, شٲیِر
زَبان	روٗسی زَبان
دور	1847 –1910  (1847 –1910 )
صنف	Short novel, drama
ناماوار کامہِ	A Confession Anna Karenina Boyhood Childhood Father Sergius Hadji Murat Resurrection Sebastopol Sketches The Fruits of Enlightenment The Kingdom of God Is Within You The Kreutzer Sonata The Snowstorm War and Peace What Is Art? What is my faith Where Love Is, God Is Youth
یادگار ایوارڈ	Medal For defence of Sebastopol, Medal In memory of Crimean War, Medal In memory of 50th anniversary of defence of Sevastopol
بٲژ	Sophia Tolstaya
شُرؠ	Tatyana Sukhotina-Tolstaya, Ilya Tolstoy, Lev Lvovich Tolstoy, Maria L'vovna Tolstaya, Mikhail Tolstoy, Alexandra Tolstaya
دستخط
وؠب سائٹ
tolstoy.ru

لِیو تولستوے (روٗسی: Лёв Николаевич Толстой؛ (بوٗزِو)28 اَگَست 1828 – 20 نَوَمبَر 1910) سُہٕ اوس اَکھ روٗسی لِکھٲرؠ، ناول نگار، ڈرامہ نگار، مضموٗن نگار تہٕ فلسفی۔ سُہ گوٚو نو ؤری وٲنٛسہِ مَنٛز یتیٖم تہٕ شُراہ ؤری وٲنٛسہِ مَنٛز گوٚو کازان یونیورسٹی مَنٛز دٲخل۔ مگر تٔمؠ ترٛوو ڈِگری حٲصِل کرنہٕ بغٲر سکوٗل۔ 1849 مَنٛز، کوٚر تٔمؠ پنٛنہِ جایداد مَنٛز کٔملیٚن خٲطرٕ اَکھ سکول قٲئم، یُس ناکام روٗد، یمہٕ پتہٕ سُہ ماسکو تہٕ پتہٕ سینٹ پیٹرز برگ گوٚو۔ سُوٛ اوس 1851 مَنٛز ملازمت کران۔ تٔمہِ لیوٗکھ 1851 ہس مَنٛز پننِس خٕدمتس دوران پننہِ سوانہِ حیات "بَچپن" ہُنٛد گۄڈنیُک جلد۔ سُہ گوٚو 1854 مَنٛز فوجس مَنٛز شٲمِل۔ اَمہِ دورک تجربات بنیے پتہٕ تٔمؠ سٕنٛزن شاہکار ناولن جَنٛگ تہٕ امنچ بنیاد۔ فوج ترٛاونہٕ پتہٕ، روٗد سُہ ماسکو مَنٛز واریاہن ؤرین تہٕ کُنہِ ساتہٕ پنٛنِس جایداد مَنٛز۔

ماسکو مَنٛز، ایوان ٹرگنیف تہٕ باقی ہم عصر مصنفین سٟتؠ گٔیہ دوستانہٕ تعلقات قٲئم۔ تٔمؠ کٔرؠ پنٕنؠ تمام استان آزاد تہٕ کھولُن تِہنٛدِ فلاح خٲطرٕ اَکھ سکوٗل، یُس ناکام روٗد۔ 1857 مَنٛز تہٕ دوبارٕ 1860 مَنٛز، کوٚر تم مغربی یورپُک دورٕ تہٕ بنیو جدید تہذیبس سٟتؠ گوڑنیُک دستہٕ۔ یورپ پؠٹھ واپس ینہٕ پتہٕ، تم کوٚر 1862 مَنٛز خاندر تہٕ رود ینہٕ والن پنٛدہن ؤرین تام اسٹیٹ مَنٛز۔ 1876 آس پاس ، تم خیالات یمو شۆروٗع پیٹھے تیم سٕندِس ذہنس پؠٹھ غلبہ اوس تھاوان گٲی واریاہ شدید۔ اکہ شدید روحٲنی بحران پتہٕ، ٲخر کار کوٚر تٔمؠ انسٲنی محبت تہٕ عدم تشدد پنُن عقیدٕ قرار۔ تہٕ کوٚرُن پنٕنؠ باقی زِنٛدگی عیالس تہٕ غریبن درمیان تقسیم۔ تہٕ زبٲنؠ تہٕ قلمہٕ سٟتؠ کوٚر تٔمؠ جمہوریت، مساوات تہٕ بھائی چارٕچ تبلیغ شۆروٗع۔ تٔمؠ سٕنٛدؠ انقلابی خیالات گٔیہ روٗس نیٚبر مقبوٗل۔ لوکن پیٚٹھ اوس تٔمؠ سُنٛد اثر تیوٗتاہ زیٛادٕ زِ روسی حکومتن ہٕنٛز ہمت ٲس نہٕ یمن ہٕنٛزِ سرگرمیَن ہٕنٛز مخالفت کرنٕچ ہمت کٔرِتھ۔ تاہم، روسی چرچن کوٚر یہٕ 1901 مَنٛز مسترد۔ مشہوٗر ناولہٕ چھِ اناکیرینینا تہٕ جنٛگ تہٕ اَمُن ، یِم تٔمؠ بالترتیب 1865 پیٹھٕ 1869 تہٕ 1875 پیٹھٕ 1877 تام لیٚچھمٕژ۔

حالاتِ زِندگی

لِیو تولوستوے زاو 9 سَتَمبَر 1828 ہس مَنٛز تالا، روٗس مَنٛز یاسنیا سٕنٛدِس أکِس جاگیردارس مَنٛز۔ تیم سُنٛد مول موج مود بچپنس مَنٛز، لہذا سہ تہٕ تٔمؠ سٕنٛدؠ بٲے روٗد مختلف رشتہٕ دارن سٟتؠ بڑان۔ لۄکچارس مَنٛز، اوس تٔمؠ فرانسیسی تہٕ جرمن وۄستادن ہٕنٛز تٲلیٖم حٲصِل، شُراہ ؤہِر وٲنٛسہ مَنٛز کوٚر تٔمؠ کازان یونیورسٹی مَنٛز قانونٕچ تٲلیٖم خٲطرٕ دٲخلہٕ، مگر تٔمؠ سٕنٛدؠ وۄستاد ٲسؠ سُہ اَکھ نااہل طٲلبہِ علم سمجھان۔ سٲتھی طٲلبہِ علمن تہٕ اُستادَن ہٕنٛدِ منفی رویہٕ کِنہِ ترٲو تٔمؠ پنٕنؠ تٲلیٖم نامُکمل تہٕ آو پنُن آبٲیی شَہَر یسنیا واپس۔ واریاہن ؤرین تام، کوٚر تٔمؠ ماسکو تہٕ سینٹ پیٹرز برگ کیٚن لوٗکن ہٕنٛز سمٲجی زندگی ہُنٛد مطالعہٕ تہٕ کٔملیٚن ہٕنٛز حالت بہتر بناونُک منصوبہٕ۔ 1851 مَنٛز گوٚو سُہ فوجس مَنٛز شٲمِل تہٕ تُرکن خٕلاف جَنٛگس مَنٛز حصہٕ، مگر جلدی گوٚو سُہ فوجی زندگی نِش تنگ تہٕ آو سینٹ پیٹرزبرگ۔ تٔمہِ لیٚچھ پنٕنہِ گۄڈٕنِچ ناول 1856 ہس مَنٛز بَچپن ناوٕ سٕتہِ ، مگر تٔمہِ سٕنٛز شہرت پٔھلییہِ تمہِ وِزِ ییٚلہِ تٔمہِ جنٛگ کؠن ہولناکن مُتعلِق شیواٹوپول سٕنٛزٕ دٔلیٖلہٕ لیٖکھہِ۔ پتہٕ کوٚر تم طویل عرصس خٲطرٕ مغربی یورپُک سفر، پتہٕ آو پننہٕ جایداد مَنٛز واپس تہٕ کٔملیٚن ہٕنٛدیٚن بچن ہٕنٛز تٲلیٖم تہٕ تربیت مَنٛز آوٕر۔ أتھ وقتس دوران کٔر أمہِ پنٕنہِ زِنٛدٕگی جاوید پیس اینڈ وار تہٕ انا کیرنینا لیٚکھِتھ سیٚٹھا شہرت حٲصِل۔

1876 پتہٕ، روٗسی چرچہٕ کیٚن جمود نظریاتن خَلاف خیالات کوٚر تُہنٛدس ذہنس پیٚٹھ غلبہ، تہٕ تۄہہِ کوٚر عیسائیت ہنٛد احیاء کس بارس مَنٛز پنُن وِجَن وضع تہٕ انسٲنی محبت، امن تہٕ قناعت، تہٕ عدم تشدد پنُن عقیدٕ قرار دیُت، تہٕ سۭتی اعتراف نٲمی اَکھ کتاب یَتھ مَنٛز تۄہؠ پنٕن خیالات پیش کٔرؠ تہٕ نِجی ملکیت ہنٛد تصورس مسترد کوٚر۔ انسانہٕ سٟتؠ انسانن ہنٛد جبری استحصال کرنچ سخت مذمت کٔرمٕژ۔ تٔمؠ کٔر زبٲنؠ تہٕ قلمہٕ سٟتؠ جمہوریت، مساوات تہٕ بھائی چارٕچ تبلیغ شۆروٗع۔ تُہٕنٛدؠ انقلابی خیالات گٔیہِ روسس نیبر مَقبوٗل، لوکن پیٚٹھ تُہنٛد اثر اوس تیوٗتاہ زیٛادٕ زِ روسی حکومتن ہیٚچ نہٕ تُہٕنٛزِ سرگرمیَن ہٕنٛز مخالفت کرنٕچ ہمت کٔر۔ توہہِ ٲسؠ پننہِ نظریہٕ مُطٲبِق روزُن یژھان مگر خاندان ٲسؠ یِمن خٕلاف، تہٕ توہہِ ترٲوِو گَرٕ دِل شکستہٕ تہٕ بٲگرٲوِتھ پنُن تمام حِصہٕ جایداد تہٕ دولت کٔمِلین تہٕ مزدورن مَنٛز۔ پننہِ زندگی ہٕنٛدیٚن ٲخری لمحن تام، تۄہہِ ٲسؠ نہٕ دۄن ٹین پلو بغٲر کیٚنٛہہ۔ ٲخر کار 20 نَوَمبَر 1910 مَنٛز مود سُوٛ اکس سٹیشن کس پلیٹ فارمس پؠٹھ۔ شٲیِر علامہ اقبال اوس ونان زِ عیسٲئی دنیاہس مَنٛز آسہِ نہٕ پاکیزٕ زندگی، روحانیت، ترک تہ تجرید، وِجَن تہٕ قربانی ہٕندِ لحاظہٕ تۄہہِ ہِش مِثال۔

کٲشِرؠ زَبان تہٕ تولستوے ہِنٛز کٲم

أکؠ عزیز کٲشِرؠ شٲیِرن مُظفر اعظِمن کۆر أمؠ سٕنٛز مشہوٗر ناول جنٛگ تہٕ اَمُن کٲشرِس مَنٛز تَرجَمہٕ۔