لِش (پوشہٕ تان)

ہِپیسٹرٛم ہِند لِش یِمن سفید ترِ تہٕ وۄتلوٕنؠ پوشہٕ زیُٛر ہؠتھ پیِٛشؠ چھٕ.

لِش چھُ اَکھ پوشُک سُہ حصہٕ یُس پوشہٕ سٕندِ نر بچہٕ کأشی ہند تانن رلأوِتھ بنان چھُ۔ سوٚمبرنہِ مَنٛز چھٕ یہٕ لِشہِ بۆد بناوان۔

آکار تہٕ ناو

پوشہٕ لِش ہُند ڈانچہٕ

اَکھ لِش چھٕ عام طور پؠٹھ أکِس کانجہِ یَتھ تٔر چھٕ ونان تہٕ اکِس پیُٛش ہٕنٛز بنیٛأمٕژ آسان تہٕ تتھ پیِٛشس مَنٛز چھٕ مایکروسپورانجیا آسان۔ عام طور پٲٹھؠ، پیُٛش چھُ دۄن کھَنجؠن (ایٚکس چھٕ پیُٛشہٕ کھٔنٛڈ ونان) ہند آسان تہٕ یم چھِ تٕرس سٟتؠ یا تہٕ بٔنمِس حصس پؠٹھ یا پیُٛش کس مَنٛز باگ وأٹِتھ آسان۔ کھَنجؠن مَنٛز باگ بچہٕ کأشی طور پؠٹھ مۄرٕ (یعنی غٲر تولیدی) حصس چھٕ واٹھُر ونٛنہٕ یوان، یُس تٕر ہٕندؠ زیٹھیٛےمٕتؠ پِلناون وٲلؠ ڈورؠن ہُنٛد بنیٛومُت چھُ۔ یہٕ چھُ پیُٛش کس پٔتمِس طرفہ ٕ زیچھر کس طورس پؠٹھ وُچھنہٕ یوان۔ اَکھ پوشہٕ زیُٛر دانہٕ چھُ مائکرو سپورانجیمس مَنٛز أکس مایکرو سپور پؠٹھٕ بنان تہٕ اَتھ مَنٛز چھ نر گیمیٹوفایٹ آسان۔ پیِٛشؠن ہُنٛد آکار چھُ واریاہ مختلف آسان، وولفیا کہِ زٲژن مَنٛز اَکھ مِلی میٖٹر کس أکس لۄکٹس حصہٕ پؠٹھٕ کینا اریڈیفلورا تہٕ سٹریلیٹزیا نکولایی مَنٛز پانژھ انچ (13 سینٹی میٖٹَر) تام آسان۔

پوشس مَنٛز چھہِ لِش اِکووٹَے لِشہِ بۆد بناوان۔ لِشہِ بۆد ہؠکہِ کم کھۄتہٕ کم نؠصف لِش (یعنی اَکھ کھٔنڈ) پؠٹھ مشتمل ٲستھ یَتھ کٔنؠ زَن کینا زٲژن مَنٛز چھُ یا زیٛادٕ کھۄتہٕ زیٛادٕ 3,482 لِشؠن پؠٹھ مشتمل ٲستھ یِتھ کٔنؠ زن ساگوارو کیکٹس (کارنیگیا گیگنٹیا) مَنٛز چھُ۔کُلؠن ہٕنٛزن مختلف زٲژن مَنٛز چھُ لِشہِ بۆد مختلف قسمن ہٕنٛدؠ آکار بناوان، یمن مَنٛز کیٚنٛہہ انتہٲیی پیچیٖدٕ چھٕ آسان۔ یہٕ چھُ عام طور پٲٹھؠ تِہِجہِ بٔدِس أنٛدؠ پٔکؠ آسان تہٕ یہِ چھُ پوشہٕ وورِس مَنٛز ؤلِتھ آسان۔ ٹرٛیوٗرِڈیسیا خاندانٕکؠ کیٚنٛہہ بٲژ، خاص طور پٲٹھؠ لیکؠنڈونیٛا سکِزمیٹِکا تہٕ لیکؠنڈونیٛا برٛاسِلا تہٕ ٹرِٛتھوٗریا (پرٛٲژ ہیڈیٹیٚلیسیا) کیٚنٛہہ زٲژ چھٕ اَتھ مَنٛز غیر معمولی زِ تمن ہٕنٛز تِہِجہِ بۆد چھ تمن ہٕنٛدس لِشہِ بۆدِس أنٛدؠ پٔکھؠ آسان۔

ہِپیٖسٹرٛم پوش یِمن منٛز تِہِجہِ ہیٛۆر لِشہٕ چھےٚ

لِلِیم 'سٹارگیرٔر' ہٕندؠ لِشہِ تہٕ تِہِجہِ ہُند نزدیکی تصویر

لفظٕ آگُر

• لِش گٔے نِچ تِلم تہٕ یہِ چھُ سنسکرت لفظ लिश् پؠٹھ آمُت.
• تٔر چھٕ پوشس مَنٛز اتھِ یِن وٲلؠ نِکؠن والن ونان.
• پیُٛش گۆو لۄکُٹ پھۆل تہٕ یہِ چھُ سنسکرت لفظ पिसुवा پؠٹھ آمُت.
• لِشہِ بۆد لِش چھٕ پوشن ہٕندؠ نر تانس ونان تہٕ بۆد گٔے گیٔڈ۔ بۆد چھُ سنسکرت لفظ बदधः پؠٹھ آمُت.

آکارس مَنٛز بیٚنؠر

لِشہِ یِمن منٛز نیٚبریُٛم پیُٛش تٔرِ سٕتؠ وٲتِتھ چھُ، پوشن ہٕنٛز اناٹومی کس تناظرس منٛز

کُلؠ زٲژ کہِ وجؠہ پؠٹھ چھِ، پوشن ہٕنٛدؠ کیٚنٛہہ یا سٲری لِشہٕ پوشہٕ بٔرٕگن یا پوشہٕ تھمس سٟتؠ وأٹِتھ۔ تِم ہؠکن واریاہ بیٛۆن بیٛۆن طریقو سٟتؠ آزاد کھڑا یا اَکھ أکِس سٟتؠ رلٲوِتھ تہٕ ٲستھ، یَتھ مَنٛز کیٚنٛہہ لِشؠن ہُنٛد واٹھ تہٕ مگر ساروے ہُنٛد نہٕ کؠنٛہ تہٕ شٲمل چھُ۔ لِشہِ ہیٚکہِ واٹھ ٲسِتھ تہٕ پیِٛش ہؠکن آزاد ٲسِتھ، یا تٔرٕ ہؠکن آزاد ٲسِتھ تہٕ پیِٛش رلأوِتھ ٲسِتھ۔ زٕ کھنجہِ آسنہٕ بجایہٕ، لِشہِ ہٕنٛز اَکھ کھٔنڈ ہؠکہِ تیار گژھنس مَنٛز ناکام گژھتھ، یا متبادل طورس پؠٹھ زٕ کھنجہِ ہؠکن ترقی مَنٛز ژیر تام رٔلتھ تہٕ اَکھ کھٔنڈ بنأوِتھ۔ لِشؠن ہِنٛد رلنِک انتہٲیی معاملہٕ چھ کُکُربِٹیسیا خاندانس مَنٛز سائکلینتھیرا کؠن کؠنٛہن بأژن مَنٛز تہٕ جأتؠ پھیلانتھس (سۄرد یُپھوربِیسیا) کس حصہٕ سیکلینتھیٚرا مَنٛز گژھان ییٚتہ لِشہِ تِہِجہِ بۆدؠن أنٛدؠ پٔکؠ اَکھ گیرٕ بناوان چھ، یَتھ اَکھ لِشہِ کھٔنڈ چھٕ آسان۔ کُلؠ کٔٹؠ یِمن اَکھ لِس آسہِ تمن چھِ "اَکھ لِشؠل" ونان۔

لَیلِیم لِشہِ ہُند لنگر کھش کٔرتھ حصہٕ، یتھ ژور کھنجہِ ٹؠپیٹم سٕتۍ گیٖرِتھ چھٕ.

پوشہٕ زیُٛر وۄپداوُن

أکس عام پوشہٕ دار کُلِس مَنٛز چھ ژور مایکروسپورانجیا آسان۔ مایکروسپورانجیا چھ پیِٛشِس (پیُٛشہٕ تھیلہٕ یا پوشہٕ زیُٛر تھیلہٕ) مَنٛز تھیلہٕ یا گۄژٕر (کھنجہِ) بناوان۔ پیُٛش کس پرٛتھ طرفہٕ زٕ الگ الگ کھنجہِ ہؠکن اکسٕی کھنجہِ مَنٛز رٔلتھ۔ پرٛؠتھ مایکروسپورنجیمس مَنٛز چھٕ أکس کھؠندار چھَل تہٕ سٟتؠ لٔگتھ آسان یَتھ ٹپیپٹم ونان چھِ تہٕ ابتدٲیی طور چھ اَتھ مَنٛز ڈپلوئڈ پوشہٕ زیُٛر ماجہِ مٹھ آسان۔ یِم چھِ ہیپلویڈ سپور بناونہٕ خٲطرٕ مییوسس کران۔ مییوسس پتہٕ ہؠکن یاتہٕ ٹیٹراڈس مَنٛز اَکھ أکس سٟتؠ جُڑتھ روزتھ یا الگ روٗزتھ۔ پرٛؠتھ مایکرو اسپور چھ پتہٕ مائٹوٹک طور بیٛوٚن بیٛۆن کرنہٕ خٲطرٕ اَکھ نیٛوٗلُی مایکروگیمیٹوفایٹ بناوان یَتھ پوشہٕ زیُٛر دانہٕ ونان چھ۔

پوشہٕ زیُٛر چھُ ٲخر کار یلہٕ تراونہٕ یوان ییلہٕ پیُٛش چھُ کھرٛؠپ (پیُٛش مٕژرن) بناوان۔ یم ہؠکن زیچھرٕ مَنٛز کھرٛؠپ ٲسِتھ، گدؠن پؠٹھ مشتمل ٲستھ، یَتھ کٔنؠ زَن ایٚریٖکا خاندانس (ہیتھ) مَنٛز چھُ، یا یلہٕ برن مٔنٛزؠ، یَتھ کٔنؠ زن کاو دچھَن ہند خاندانس (بیربیرِڈیسیا) مَنٛز چھُ۔ کؠہَن کُلؠن مَنٛز، خاص طور آرکیڈیسی تہٕ ایسکلیپیڈایڈی خاندانن ہٕنٛدؠ بٲژن، چھُ پوشہٕ زیُٛر بٔڑس پیمانس پؠٹھ روزان یَتھ پوشہٕ زیُٛر ٹھُپُل ونان چھٕ، یم خاص پوشہٕ زیُٛر تُلنہٕ والؠن یَتھ کٔنؠ جاناوارن یا کیٚمؠن سٟتؠ لارنہٕ خٲطرٕ تیار چھ یوان کرنہٕ۔ زیٛادٕ عام پٲٹھؠ، پۄپیمٕتؠ پوشہٕ زیُٛر دانہٕ چھ الگ گژھان تہٕ ہوا یا آبہٕ سٟتؠ چھ پھألاون وٲلؠ کیٚمؠ، جاناوارن یا باقی کارکُنن ہِند دٔسؠ تقسیم گژھان۔

پوشہٕ دار کُلؠن ہٕنٛز پوشہٕ زیُٛرِس گژھِ کامیاب میٖل مِلاو گژھنہٕ خٲطرٕ پٹہٕ، تِہجہِ اِکأے قبول کرن واجنہِ سطحس تام، اَکھ ہم آہنگ پوش کس پٕٹہٕ تام واتناونہٕ یُن۔ واتنہٕ پتہٕ، چھُ پوشہٕ زیُٛر دانہٕ (اَکھ نیٛوٗلُی مایکروگیمٹوفائٹ) عام طور پنُن کھؠن چھؠن پوٗرٕ کران۔ یہِ ہؠکہِ پوشہٕ زیُٛر نور بڑٲوتھ تہٕ زٕ سپرم مٕرٕ پٲدٕ کرنہٕ خٲطرٕ مائٹوسس سٟتؠ گُزرتھ۔

کُلؠن مَنٛز جنسی بچہٕ کأشی

مُکَمَل مَضموٗن: کُلؠن منٛز جنسی بچہٕ کأشی

پوشہٕ زیُٛر ٹھُپُل ہؠتھ لِش تہٕ اؠمُک پیِٛشہٕ ٹھانڈ. پھالینوپسِس اورکِڈ.

عام پوشہٕ کُلؠن مَنٛز (یعنی پوشن ہٕنٛز زیٛادٕ تر زٲژن مَنٛز) چھُ پرٛؠتھ پوشس مَنٛز تہجہِ اِکأے تہٕ لِشہٕ دۄشوے آسان۔ تاہم، کینٛژھن زٲژن مَنٛز، پوش چھٕ یاتہٕ تہجہِ اِکأے یا لِشہِ آس نہٕ کنؠ اکُی جنس تھاوان۔ (کُنرؠت = أکؠ سٕے کُلِس پؠٹھ چھٕ دۄشوٕے قٕسمٕکؠ پوش لبنہٕ یِوان؛ دُرؠت = دۄن قٕسمٕک پوش چھٕ الگ الگ کلؠن پؠٹھ لبنہٕ یوان)۔ یَتھ پوشس مَنٛز خألی لِشہِ آسن تتھ چھہِ لِشہِ بۆد دار پوش ونان۔ أکس پوشس یَتھ صرف تِہِجہِ اِکأے آسہِ تتھ چھِ تہِجہِ بۆد دار پوش وَنان۔

تہِج چھےٚ اَکہِ یا اکہِ کھۄتہٕ زیٛادٕ تِہِجہِ اِکأین پؠٹھ بنیٛأمٕژ آسان۔ اَکھ پوش یَتھ مَنٛز کارگر لِش آسہِ مگر کانٛہہ کارگر تہِج چھ نہٕ آسان اَتھ چھ لِشہِ دار پوش ونان، یا (غلط پأٹھؠ) نر پوش وننہٕ یوان۔ اَکھ تیُٛتھ پوش یَتھ مَنٛز کارگر تہج آسہِ مگر کانٛہہ کارگر لِش آسہِ نہٕ تتھ چھٕ تہجہِ دار پوش ونان، یا (غلط پٲٹھؠ) مادٕ پوش وننہٕ یوان۔

أکِس ناکام یا نیٖجی لِشہِ چھِ بیٹھیمٕژ لِش یا اوملِش وَننہٕ یِوان، یِتھ کٔنؠ زَن سکروفولریا نوڈوساہَس مَنٛز چھِ۔

آرکڈن ہنٛد تہِجہِ اِکأے تہٕ لِش چھِ اکس تھرِ مَنٛز جوڑنہٕ یوان۔ تھرِ ہُنٛد پیٚٹھیُٛم حصہٕ چھُ پیُٛشس سٟتؠ بنان، یُس پیُٛش ٹوٗپؠ سٟتؠ ؤلتھ چھُ آسان۔

تصویر خانہٕ

پینٹاس لینسولٹا پیِٛشؠن ہٕنٛز ڈیشن وٲلؠ گرٛۆندار خوردبین سٕتؠ تصویر، سطحس پؠٹھ پوشہٕ زیُٛر دانن سٕتۍ پینٹاس لینسولٹا پیِٛشؠن ہٕنٛز ڈیشن وٲلؠ گرٛۆندار خوردبین سٕتؠ تصویر، سطحس پؠٹھ پوشہٕ زیُٛر دانن سٕتۍ  لِلی نٔنؠ وۄزٕلؠ پیِٛش تہٕ سفید تٔرِ دار لِش لِلی نٔنؠ وۄزٕلؠ پیِٛش تہٕ سفید تٔرِ دار لِش  کالیانڈرا سورینامنسس پوشہٕ بٔرٕگدار لِشہِ کالیانڈرا سورینامنسس پوشہٕ بٔرٕگدار لِشہِ  سٹرٛؠکوٗلیا فویٹِڈا لِشہٕ سٹرٛؠکوٗلیا فویٹِڈا لِشہٕ  گرٛؠویٖلیا روبسٹا ہٕندؠ لِشہٕ گرٛؠویٖلیا روبسٹا ہٕندؠ لِشہٕ  کومیلِنا کۆموٗنِس ہٕندؠ ترؠہ بیٛۆن بیٛۆن قسمک لِشہٕ کومیلِنا کۆموٗنِس ہٕندؠ ترؠہ بیٛۆن بیٛۆن قسمک لِشہٕ

سوٗچؠ

• فرما:Cite EB1911
• Simpson، Michael G. (2011). "Androecium". Plant Systematics. Academic Press. ص. 371. ISBN 978-0-08-051404-8. Retrieved 6 February 2014.
• Weberling، Focko (1992). "1.5 The Androecium". Morphology of Flowers and Inflorescences (trans. Richard J. Pankhurst). CUP Archive. ص. 93. ISBN 0-521-43832-2. Retrieved 8 February 2014.
• "Obdiplostemony (obdiplostemonous)". Glossary for Vascular Plants. The William & Lynda Steere Herbarium, New York Botanical Garden. Archived from the original on 28 April 2021. Retrieved 20 September 2019.