قَنٛدھار
قَنٛدھار
کندهار | |
|---|---|
 | |
  قَنٛدھار | |
| Coordinates: 31°37′14″N 65°42′57″E / 31.62068°N 65.71588°E | |
| مُلٕک | اَفغٲنِستان |
| اِنتِظٲمی حِصَس مَنٛز | Kandahar Province  |
| صوبہٕ | قَنٛدھار صوبہٕ |
| حوٚکوٗمَتھ | |
| • حُکُمران | قَنٛدھارُک میئر: Ruhollah Khanzadeh |
| رۄقبہٕ | |
| • مُکمَل | 800 km2 (300 sq mi) |
| آبٲدی (1 جَنؤری 2020) | |
| • مُکمَل | 614٬254 |
| وقٕت زون | UTC+04:30 |
| وؠب سایِٹ | kandahar |
قَنٛدھار (پشتو: کندهار؛ دری: قندھار) چھُ افغانستانُک اَکھ شَہر، یُس مُلکہٕ کِس جنوٗبی حصَس مَنٛز دریائے ارغنداب کِس نِش 1,010 میٖٹَر (3,310 فُٹ) تھزرَس پؠٹھ واقع چھُ۔یہِ چھُ کابُل پتہٕ افغانستانک دۆیم سارِوٕے کھۄتہٕ بوٚڑ شَہَر، یمیچ آبٲدی 2015 ہس مَنٛز تقریبن 614,118 ٲس۔ قندھارس أنٛد پٔکہ علاقہٕ چھ انسٲنی بستی ہنٛد قدیم ترین معلوم علاقن مَنٛز اَکھ۔ قندھار کِس مُقامس پؠٹھ اوس اَکھ بوٚڑ قِلعہٕ بَنٛد شَہَر موجوٗد، شاید c۔ 1000-750 مسیح برٛونٛہہ مَنٛز، تہٕ یہٕ بنیو 6 مہٕ صدی مسیح برٛونٛہہ مَنٛز ہخامنشی سلطنتچ اَکھ اہم چوٗکؠ۔ سکندر اعظم تھٲو ژوٗرمہٕ صدی قبل مسیح مَنٛز پرانہٕ قندھارچ بنیاد (شَہَر کس جۆنوٗبی حصس مَنٛز) تہٕ اَتھ تھووکھ اسکندریہ اراکوسیا ناو۔ جنوٗبی، وسطی تہٕ مغربی ایشیا کؠن تجارتی وتن پؠٹھ اسٹریٹجک واقع کٕچ جاے آسنہٕ کِنؠ چھِ شہرس پؠٹھ واریاہ سلطنتو وارِیاہ کالہٕ پؠٹھ لڈٲے مٕژ۔ 1709 وس مَنٛز بَنوو میرویس ہوٹکن یہِ خٕطہٕ اَکھ آزاد رِیٲست تہٕ بَنووُن قندھار ہوتک خانٛدانٕچ رازدٲنہِ۔ 1747 یَس مَنٛز بَنوو دُرانی خانٛدانٕکؠ بٲنی احمد شاہ دُرانی یَن قندھار افغان سلطنتُک رازدٲنہِ ۔
جُغرافی
[اؠڈِٹ]ارغنداب دٔرؠ یاو چھُ قندھار کِس مغربس کُن وسان۔ یہِ شَہَر چھُ 15 ضِلعن پؠٹھ مشتمل تہٕ یہِ چھُ کُل 27,337 ہیکٹر رۄقبَس پؠٹھ پھہلِتھ۔ قندھارس مَنٛز چھِ کُل 61,902 رہٲیشی یوٗنِٹ۔[1]
حَوالہٕ
[اؠڈِٹ]- ↑ "$600 Million Kandahar Dried Fruit Will Export This Year". Afghan Voice Agency. 5 October 2023. https://www.avapress.com/en/news/277808/600-million-k_andahar-dried-fruit-will-_export-this-year.