غۄلام مُحمد شاہ
غۄلام مُحمد شاہ | |
|---|---|
| جۆم تہٕ کٔشیٖر رِیاستُک پٲنٛژِم وَزیٖر علٰی | |
| دَفترَس مَنٛز 2 جولائی 1984 – 6 مارٕچ 1986 | |
| سٲبِقہٕ | فاروق عبداللہ |
| جانِشیٖن | گوونر راج |
| جۆم تہٕ کٔشیٖر عَوامی نیشنَل کانفرینسُک صَدٕر تہٕ بٲنیٖ | |
| جانِشیٖن | بیگم خالِدہ شاہ |
| ذٲتی مَعلوٗمات | |
| سِیٲسی جَماعت | جۆم تہٕ کٔشیٖر عَوامی نیشنَل کانفرینس |
| شٔریٖکِ حَیات | بیگم خالِدہ شاہ (شيخ عبدالله سٕنٛز کوٗر) |
| ٲشناو | فاروق عبداللہ (ۂہَر)، مُظَفَر شاہ (نیٚچُو) |
| تٲلیٖم | پٔنٛجاب یوٗنِوَرسِٹی علی گڑھ مُسلِم یونیورسٹی لَنڈَن سکوٗل آف اِکنامِکس |
غۄلام مُحمد شاہ یا جی۔ ایم۔ شاہ یا غُلہٕ شاہ (20 جُلَے 1920-6 جَنؤری 2009) اوس اَکھ کٲشُر سیاست دان یس 2 جُلَے 1984 پیٹھہٕ 6 مارٕچ 1986 تام رِیاسَتھ جموں و کشمیر وزیر اعلی اوس۔[1] تٔمؠ کٔر پنٛنس ۂہر فاروق عبداللہ سٕنٛز جاے حٲصل۔ شاہ سنٛد ہیٚہرٕ بَب اوس شیخ محمد عبداللہ یس جموں و کشمیر نیشنل کانفرنس بٲنؠ اوس، یَتھ مَنٛز شاہ اکہ لٹہ سینئر رکن اوس۔ شاہ گزریو 6 جَنؤری 2009 سری نگر کس سۆؤرؠ ہَسپتالس مَنٛز۔ تیٚمؠ سٕنٛز وٲنٛس ٲس تم وِزِ 88 وُہُر ۔
اِبتدٲے دٲے زِندگی
[اؠڈِٹ]غۄلام محمد شاہ زاو 20 جُلَے 1920 سری نگر (کشمیر) مَنٛز۔ تٔمہِ کٔر پنجاب یوٗنیورسٹی پٮ۪ٹھٕ بیچلر ڈگری مُکمل۔ پتہٕ کٔر أمہِ علی گڑھ مُسلِم یوٗنیورسٹی پٮ۪ٹھٕ قانونَس مَنٛز ڈگری حٲصِل۔ تٔمِس مِلیوٚو اقوام متحدہٕک فیلوشپ پروگرامَس تحت ایگریکلچر اِکنامکس کِس مٲدانَس مَنٛز لَندَن سکوٗل آف اِکنامکس پٮ۪ٹھٕ فیلوشپ تہِ۔ تٔمؠ کٔر 1944 مَنٛز نیشنل کانفرنسس مَنٛز شمولیت اختیار۔ پنٛنہِ سِیٲسی پیشورانہٕ زِندگی ہِنٛدِس آغازس پیٚٹھ آو سُہ لُکن ہِنٛدیٚن حقوٗقن خٲطرٕ جَدوجہدس مَنٛز واریاہ لَٹہِ حِراستس مَنٛز نِنہٕ۔ شاہ اوس رِیاست کِس سٲبقہٕ ؤزیٖر اعلیٰ شیخ محمد عبداللہ سُنٛد سارِوٕے کھۄتہٕ بوٚڑ زامتُر، ڈاکٹر فاروق عبداللہ سُنٛد بیمہٕ تہٕ سٲبقہٕ ؤزیٖر اعلیٰ عمر عبداللہ سُنٛد پۄپھوٗ تہِ۔
کٔریر
[اؠڈِٹ]1947 ہَس مَنٛز بنیو شاہ 1953 ہَس تام کنٹرولر آف سپلائی اینڈ پرائسز۔ ؤری وادن قٲد کرنہٕ پتہٕ بنیو سُہ 1975 تھس مَنٛز وزیر مملکت تہٕ بنیو نیشنل کانفرنسٕچ 1977 تھس مَنٛز اِنتِخابی کامیٲبی تہٕ بنٛیوٚو کابینہ وزیٖر۔ 1984 تھس مَنٛز بَنیٛوو سُہ نیشنل کانفرنسہٕ منٛزٕ الگ گژھِتھ تہٕ پنُن بیمہٕ فاروق عبداللہ سٕنٛز حکومت تختہٕ پٮ۪ٹھٕ والِتھ کانگریسس سۭتہِ اِتحاد بنٲوِتھ وزیر اعلیٰ ۔ تمہِ سٕنٛز حوٚکوٗمَتھ آیہ 1986 تھس منٛز فرقہ وارانہٕ فسادٕ پتہٕ برطرف كرنہٕ ۔ پتہٕ بنٲو تٔمؠ عوامی نیشنل کانفرنس تہٕ آو بچاونہٕ زنان تہٕ زٕ نیٚچی تہٕ اَکھ کوٗر ہؠتھ۔
حَوالہٕ
[اؠڈِٹ]- ↑ Austin، Granville (1999). Working a Democratic Constitution - A History of the Indian Experience. New Delhi: Oxford University Press. pp. 546. ISBN 019565610-5.