عبدُل ماجِد دریابادی
| عبدُل ماجِد دریابادی | |
|---|---|
 | |
| اِنسان | |
| پٲدٲیِش | 16 مارٕچ 1892 بارہ بنکی ضِلہٕ، ہِندوستان |
| وَفات | جَنؤری 6, 1977 (ؤری 84) بارہ بنکی ضِلہٕ، ہِندوستان |
| زَبانہٕ | اُردوٗ زَبان، اَنٛگریٖزی زَبان |
| پیٚشہِ | لِکھٲرؠ، شؠچھ وٲنؠ، یونِورسِٹی وۄستاد، عٲلِم  ، فَلاسفَر ، critic |
| تٲلیٖم | لکھنو یونیورسٹی ، الہ آباد یونیورسٹی ، علی گَڈھ مُسلِم یونِورسِٹی، St. Stephen's College |
| سِیٲسی جَمأژ رُکُن | Khilafat Movement |
| مَزہَب | اِسلام، سُنی اِسلام |
| قٲبلہِ ذِکر کٲم | Tafseer-e-Majidi ، Aalamul Quran |
| یَنام | Doctor of Letters |
| کِتابیات | bibliography of Abdul Majid Daryabadi |
عبدُل ماجِد دریابادی (16 مارٕچ 1892 - 6 جَنؤری 1977) اوس اَکھ بااثر اِسلٲمی سٕکالر، فلسفی، لِکھٲرؠ ، نقاد، محقق، صحافی تہٕ قرآنی مفسر، یُس وُہمہِ صدی دوران برصغیر پاک و ہندس مَنٛز سرگرم اوس۔[1][2] تٔمِس اوس ہِندوستانس مَنٛز جدیدیت، تقابلی مذہب، تہٕ مستشرقیتس سٟتؠ سنٛجیٖدٕ تعلُق۔[3]
پننہِ شُروٗعاتی زِنٛدگی مَنٛز کٔر دریا آبٲدی أکِس "عقلیت پسند" سٕنٛدِ پٲٹھؠ پہچان تہٕ تَقریٖبَن نو ؤرؠ یَن تام کوٚرُن پنُن پان مذہبہٕ نِش دور۔ وۄنٛہِ گوٚو، أمؠ کوٚر پتہٕ پننِس عقیٖدَس پؠٹھ دُبارٕ جٲیزٕ تہٕ بنیوو اَکھ عقیدت مند مُسلمان۔[4]
پنِنہِ پوٗرٕ پیشورانہٕ زِندگی دوران کٔر دریابادی یَن اردو ہفتہٕ وار صدق جدیدٕچ مُدیر ، اَکھ اشاعت یَتھ پننہِ مُتٲثِر کن پٲغام تہٕ مخصوٗص اندازٕ باپتھ سٲرِسٕے برصغیرس مَنٛز بٔڑِس پیمانس پؠٹھ احترام چھُ یِوان کرنہٕ۔[2]
تمہِ سٕندِ دِتہِ كِس اعترافس مَنٛز مِیوٗل دریابادی 1967 ہس مَنٛز حكوٗمت ہند طرفہٕ عربی سکالر ایوارڈ ۔ 1975ء مَنٛز دِیُت تس علی گڑھ مسلم یونیورسٹی ادبس مَنٛز ڈاکٹریٹ اعزاز۔ سُہ گُزریٛو جَنؤری 1977 مَنٛز۔[2]
اِبتدٲے زِندگی
[اؠڈِٹ]عبدالماجد دریابادی زاو دریا آبادس مَنٛز عبدُل قادِر (1848-1912) تہٕ بی بی نصیرون نِسا، دۄشوے قدوائی نسب۔ تٔمؠ سُنٛد مول عبدُل قادِر اوس قادریہ صوفی سلسلُک پیروکار۔
پڑھٲے
[اؠڈِٹ]دریابادی بڑیو أکِس مذہبی ماحولس مَنٛز تہٕ گۄڈٕ کٔرن مٲلہِ سٕنٛزِ رہنُمٲیی مَنٛز عربی تہٕ فارسی تٲلیٖم حٲصِل۔ 1902 ہس مَنٛز کٔر أمہِ سیتا پوٗر ہائی سکوٗلَس مَنٛز باضٲبطہٕ سکوٗلٕچ تٲلیٖم شۆروٗع، ییٚتہِ تٔمہِ 1908 ہس تام تٔعلیٖم حٲصِل کٔر۔ جُلَے 1908 ٹھس مَنٛز آو دریا آبٲدی لکھنؤ کِس کیننگ کالجس مَنٛز دٲخل کرنہٕ، یُس تمہِ وقتہٕ الہ آباد یونیورسٹی سٟتؠ وابستہٕ اوس۔ تٔمؠ کٔر فلسفس مَنٛز بی اے (آنرز) حٲصل، یَتھ نصابس مَنٛز انگریزی، میٹا فزکس ، اخلاقیات تہٕ نفسیات شٲمل ٲسؠ۔
پیٚشہٕ
[اؠڈِٹ]پنٕنؠ تعٲلیم مۄکلاونہٕ پتہٕ کٔر دریا آبٲدی یَن صحافتَس مَنٛز پیشورانہٕ زِندگی حٲصِل۔ یِمو لیچھِ اُردوَس مَنٛز واریاہ ادبی کٲم تہِ۔
کامہِ
[اؠڈِٹ]أمؠ چھِ واریاہ کامہِ شایع کرمژ یمن مَنٛز کینٛہہ
- تفسیرُ القُرآن
- تفسیرِ قرآن
- عالمُ القُرآن
تہٕ بیترِ کامہِ شٲمِل چھِ۔
یَنام
[اؠڈِٹ]1966 ٹھس مَنٛز میٛوٗل دریہ آبادیس حکومت ہند طرفہٕ عربی سکالر اعزاز۔ 1976 تھس مَنٛز میوٗل تس علی گڑھ مسلم یونیورسٹی طرفہٕ ادبس مَنٛز اعزٲزی ڈاکٹریٹ ستؠ نوازنہٕ یُس تس ہِندوستٲنؠ صدر فخر الدین علی احمد سٕنٛدِ دٔسؠ دِیُت۔ امہِ علاوٕ دِیُوت تس رِیاسَتھ حیدرآبادن اُردوٗ ادبس مَنٛز تمہِ سٕندِ شرکژ باپتھ پوٗرٕ وٲنٛسہِ خٲطرٕ پیٚنشَن۔
حَوالہٕ
[اؠڈِٹ]- ↑ Datta، Amaresh (1987). Encyclopaedia of Indian Literature: A-Devo ( اَنگیٖزؠ زَبانہِ مَنٛز). Sahitya Akademi. ص. 3. ISBN 978-81-260-1803-1.
- 1 2 3 Mushtaq، Aroosha؛ Shah، Muhammad Sultan (2017-07-01). "Daryabadī's Atheism and Revivalism of Islam". Islamic Studies Research Journal Abḥāth ( اَنگیٖزؠ زَبانہِ مَنٛز). 2 (7): 32. ISSN 2521-067X. Archived from the original on 2023-09-26. Retrieved 2025-09-30.
Text was copied from this source, which is available under a Creative Commons Attribution 4.0 International License "Deed - Attribution 4.0 International - Creative Commons". Archived from the original on 16 October 2017. Retrieved 10 October 2022.CS1 مینٹ: باٹ: اَصٕل یو آر ایل نامعلوٗم پَتا (link). - ↑ Mabood، Abu Nasar Mohammad Abdul (2019). "Abdul Majid Daryabadi: A Charismatic Mufassir of the Holy Quran". Journal of Religion and Theology ( اَنگیٖزؠ زَبانہِ مَنٛز). 3 (2): 37. ISSN 2637-5907. Archived from the original on 9 October 2022. Retrieved 10 October 2022. Text was copied from this source, which is available under a Creative Commons Attribution 4.0 International License "Deed - Attribution 4.0 International - Creative Commons". Archived from the original on 16 October 2017. Retrieved 10 October 2022.CS1 مینٹ: باٹ: اَصٕل یو آر ایل نامعلوٗم پَتا (link).
- ↑ Indian Annual Register ( اَنگیٖزؠ زَبانہِ مَنٛز). Annual Register Office. 1939.
