عبدُل سَتار رَنجوٗر
عبدُل سَتار رَنجوٗر | |
|---|---|
| ذٲتی زِندگی | |
| پٲدٲیِش | 12 اَکتوٗبَر 1917 کیٖگام، شُپؠیَن |
| وَفات | 1990 (وٲنٛسہِ 72–73 ؤری) |
| شَہَریَتھ | ہِندوستان, بَرطٲنوی راج, ہِنٛدُستٲنؠ راجیہِ |
| سِیٲسی جمٲژ |
|
عبدُل سَتار رَنجوٗر (12 اکتوٗبر 1917 - 23 مارٕچ 1990) اوس اَکھ کٲشُر سِیاسَتھ دان تہٕ مشہوٗر انقلٲبی شٲیِر تہٕ لِکھٲرؠ۔ سُہ اوس کمیونسٹ پارٹی آف انڈیا (سی پی آیی) ہُنٛد اَکھ تجرُبہٕ کار رہنُما۔ رَنجوٗر اوس جۆم تہٕ کٔشیٖر مَنٛز پارٹی ہُنٛد بُنیاد رِیاستی سیکریٹری۔[1] تٔمؠ کٔر پارٹی ہٕنٛدِ نیشنل کونسلٕک ممبر سٕنٛدِ حثیتہٕ کٲم۔
زانہِ زِندگی
[اؠڈِٹ]رَنجوٗر زاو 12 اکتوبر 1917 کیٖگام، شُپؠیَن مَنٛز۔ تٔمہِ نیوٗ مۄختار ڈوگرہ حکمرٲنی خٕلاف جدوجہدَس مَنٛز حصہٕ۔ سُہ اوس 1934 تہٕ 1937 ہَس درمِیان احمدی تحریٖکَس مَنٛز سرگرم۔ 1939 ہَس مَنٛز کٔر تٔمؠ جموں و کشمیر نیشنل کانفرنسَس مَنٛز شٔموٗلِیت۔ رنجورَن کوٚر وادی کٔشیٖرِ مَنٛز زٔمیٖن دارن ہٕنٛز تحریٖک کھڑا کرنس مَنٛز تہِ اَہَم کِردار ادا۔ سُہ آو 1942 مَنٛز کسانن ہٕنٛزِ تحریکہِ مَنٛز پنٛنہِ کِردارٕ خٲطرٕ جیل لدنہٕ۔
تٔمِس اوس پُلووم سٲزِش کیسَس مَنٛز الزام لگاونہٕ آمُت، تہٕ روٗد کشمیر چھوٕ تحریٖکَس دوران أکِس ؤرِیَس کھۄتہٕ زِیٛادٕ وقتَس زَمیٖنَس مَنٛز۔ اَتھ وقتس دوران اوس تٔمؠ سٕنٛدِس گرس پؠٹھ اکثر ڈوگرہ حکومتن چھاپہٕ تہٕ لوُٹان۔ رَنجوٗر اوس اَکھ مشہوٗر اُردوٗ شٲیِر تہِ۔ لاہورس مَنٛز کینژَن ؤرین روزنہٕ وِزِ اوس سُہ مشہوٗر شٲعر سر محمد اقبالس نزدیٖکھ۔ یُس رنجور سٕنزِ زِنٛدگی تہٕ شٲعری مَنٛز سمٲجی تہٕ سیٲسی سرگرمی پٲدٕ کرنس مَنٛز اہم کردار ادا کوٚر۔
1949 مَنٛز ترٛٲو تٔمؠ نیشنل کانفرنس، تہٕ کٔشیٖرِ مَنٛز ترٲوٕن زیر زمین کمیونسٹ پارٹی تنظیمٕچ بُنیاد۔ سُہ آو 1951 مَنٛز گرفتار کرنہٕ۔ 1953 مَنٛز بنیو سُہ ڈیموکریٹک یوتھ لیگُک نٲیِب صدر۔ 1957 مَنٛز کٔر تم ڈیموکریٹک نیشنل کانفرنسس مَنٛز شٲمل۔ 1962 ٹھس مَنٛز بَنیٛوو سُہ جۆم تہٕ کٔشیٖر کِسان سبھایہِ ہُنٛد نٲیِب صدر۔
رَنجوٗرَن لوٚڑ 1962 ٹھُک جموں و کشمیر قونوٗن ساز اسمبلی ہُنٛد اِنتِخاب، راجپوٗر سیٹَس پؠٹھ ڈیموکریٹک نیشنل کانفرنسٕک وۄمیدوار سٕنٛدِ حثیتہٕ کھڑا ۔ سرکٲرؠ رپورٹہِ مُطٲبِق سپٕدؠ تٔمؠ دوٚیمِس نمبرَس پؠٹھ مگر حٲصِل کٔرِن صِرِف 188 ووٹ (حلقَس مَنٛز 0.8 فیٖصد ووٹ)۔ دراصل کٔر تٔمؠ تہٕ ڈی این سی یَن بخش حکومتہٕ طرفہٕ شۆروٗع کرنہٕ آمٕتؠ بے مثال تشددٕ کِنؠ ووٹنگ برٛونٛہہ کینٛہہ دۄہ انتخابُک باییکاٹ۔ لہاذا گوٚو یہِ چُناو حکمرٲنی جمٲژ ہٕنٛدِ طرفہٕ دونٛکھہٕ دہی تہٕ بٔڑِس پیمانَس پؠٹھ دھاندلی باپتھ بدنام۔
1966 ٹھس مَنٛز بَنیٛوو سُہ جموں و کشمیر کِسان سبھایہِ ہُنٛد صدر۔ سُہ بنیو أتھؠ ؤرؠیہِ جموں و کشمیرس مَنٛز سی پی آٮٔی یُک آرگنایزنگ سیکریٹری تہِ۔ تِمو کٔر ہمارا کشمیرُک ایڈیٹر سٕندِ حثیتہٕ کٲم۔
تٔمہِ لوٚڑ 1967 کِس جموں و کشمیر قونوٗن ساز اسمبلی اِنتِخابس مَنٛز سی پی آیی وۄمیدوار سٕنٛدِ حشیتہٕ شُپؠیَن سیٖٹہِ خٲطرٕ۔ سُہ روٗد 2,807 ووٹ (حلقَس مَنٛز 16.93 فیصد ووٹ) سٟتؠ ترٛیٚیمِس نمبرَس پؠٹھ ۔ سُہ کھڑا 1972 کِس اِنتِخابس مَنٛز بیٚیہِ أکِس وۄمیدوار سٕنٛدِس طورس پؠٹھ، بیٚیہِ ترٛیٚیِمِس نمبرَس پؠٹھ روٗد مگر پنُن نتیجہٕ بڑٲوُن 5,160 ووٹ (25.87 فیٖصد)۔
پنِنؠن ٲخری ؤرِین مَنٛز ترٛوو رَنجوٗر بُزرگ آسنہٕ کِنہِ سرگرم سیاستَس نِش۔ تہٕ پننہِ شٲیری پؠٹھ توجہ دِنہِ۔[1] تاہم، سُہ روٗد سمٲجی طور سرگرم تہٕ تٔمؠ سُنٛد آبٲیی گرٕ روٗد اَکھ کھُلہٕ مکانہٕ ییٚتہِ عام لوٗکھ تٔمؠ سٕنٛز مَدَتھ تہٕ رہنمٲیی حٲصل کرنہٕ خٲطرٕ ہیکن گژھتھ۔ سُہ روٗد کمیونسٹ پارٹی آف انڈیا کہِ نیشنل کونسلُک رُکُن تہِ روٗدمُت۔ 23 مارٕچ 1990 مَنٛز ژایہِ دہشت گرد کیٖگام شُپؠیَنَس مَنٛز أمؠ سٕنٛدِس گَرَس مَنٛز ژایہِ۔ رَنجوٗرَس آو گوٗلؠ لگاونہٕ تہٕ موٗد تَمی ساتہٕ۔ مرنہٕ وِزِ اوس سُہ 73 وُہُر۔
حَوالہٕ
[اؠڈِٹ]- 1 2 Salman Khurshid (1994). Beyond terrorism: new hope for Kashmir. UBS Publishers' Distributors. ص. 62. ISBN 978-81-7476-019-7.