عبدُل حکیٖم سِیالکوٹی
عبدُل حکیٖم سِیالکوٹی | |
|---|---|
| ذٲتی زِندگی | |
| پٲدٲیِش | 1561 سِیالکوٹ |
| وَفات | 3 جَنؤری 1657 سِیالکوٹ |
| قوٗمِیَت | مۄغَل سَلطَنَت |
| مذہبی زِندگی | |
| مَزہَب | اِسلام |
| فِرقہٕ | سُنی |
| فِقہٕ | حنفی |
| پیشہٕ | عٲلِم |
عبدُل حکیٖم سِیالکوٹی (c. 1580 –ء1656ء) اوس مغل دورُک اَکھ پنجابی مُسلمان اِسلٲمی اسکالر، فلسفی، ماہر الہیات تہٕ پٲرؠ ترٛایُت۔[1]
زانہِ زِندگی
[اؠڈِٹ]عبدُل حکیٖم سِیالکوٹی زاو 988 ہجری / 1580 ہَس مَنٛز مغل بادشاہ اکبر سٕنٛدِس دورِ حکوٗمتَس مَنٛز سیالکوٹ کِس أکِس وونٛکَر خاندانس مَنٛز۔ سُہ اوس أکِس مذہبی عالم شیخ شمس الدین سُنٛد نیٚچُو۔ عبدالحکیمن کٔر ابتدایی تٲلیٖم پننِس مٲلس نِش حٲصل تہٕ پتہٕ کٔرن پننہ زمانہٕ کِس مَشہوٗر مذہبی عالم شیخ کمال الدینس (وفات: 1017 ہجری/ 1608ء) سٕندِس نِش تٲلیٖم حٲصِل یُس بییِس أکِس مشہوٗر عالم دین احمد سرہندی سُنٛد وۄستاد تہِ اوس۔ پننِس ٲخری زِنٛدگی مَنٛز بَنیٛوو سیالکوٹی سِرہندی ہُنٛد شٲگِرد تہِ۔
اکبر سٕنٛدِس دورس مَنٛز اوس سیالکوٹی لاہورس مَنٛز پرناوان یتہٕ سُہ فاضل لاہوری ناوٕ سٟتؠ مشہوٗر۔ تمِس ٲسہِ زٕ قٲبلِ ذِکِر کلاس فیلو، احمد سرہندی تہٕ نواب سعداللہ خان۔ ییٚلہِ سعداللہ خان شہنشاہ شاہ جہاں سُنٛد وزیر مقرر کرنہٕ آو ، سیالکوٹی سُنٛد تعرُف آو گۄڈنِکؠن شہنشاہس سٟتؠ تعارُف ییٚمؠ سُہ بُلنُک حُکُم دِیُت۔ سُہ بنیو شٲہی دربارُک سارِوٕے کھۄتہٕ زیٛادٕ بااثر مُفکِر، تہٕ دِلہِ ہِنٛدِس شٲہی مدرسس مَنٛز پرناوُن ۔ سیالکوٹی ہُنٛد وزن اوس شاہ جہانَن دۄیہِ لٹہِ سۄنہٕ سُنٛد تول کوٚرمُت۔ سُہ اوس سُے یٔمؠ برصغیرس مَنٛز فارسی فلسفی ملا صدر متعارف کرُن، تہٕ تٔمؠ سٕنٛز شہرت وٲژ تٔمؠ سٕنٛزِ زندگی مَنٛز گۄڈے سلطنت عثمانیہ تام۔
احمد سِرہندی تہٕ سیالکوٹی ٲسؠ دۄشوٕے کلاس فیلو۔ پنٕنؠ تعٲلیم پوٗرٕ کرنہٕ پتہٕ روٗد تِم 1022 ہجری / 1613 ہس تام الگ ۔ پتہٕ تَمہِ ؤرؠ یہِ روٗد سیالکوٹی ہُنٛد اَکھ طٲلب علم کلاسہٕ نِش کینٛہَن دۄہَن غٲر حٲضِر۔ سیالکوٹی گٔیہِ پریشان تہٕ تٔمؠ سوٗزؠ أمِس خٲطرٕ خبر۔ طالب علم آو اتھس مَنٛز کینہہ صفحہ ہؠتھ واپس تہٕ سیالکوٹی ہٕندِس تجسس پؠٹھ ووٚن تٔمؠ زِ تٔمؠ پٔر یِم صفحہٕ تہٕ تِمو کٔر تٔمؠ سُنٛد دھیان زِ سُہ گٔیہِ پرنہٕ نشہِ ہٹان۔ ییٚلہِ سیالکوٹی یَن صفحہٕ پٔرؠ، سُہ تہِ گوٚو مُتٲثِر۔ ٲخٕر کار آو أمِس معلوم زِ یِم صفحہٕ چھِ پانہٕ احمد سِرہندی یَن لیچھمٕتؠ۔ 1023 ہجری/1614 تہٕ 1024 ہجری/1615 ہَس درمیان گوٚو سُہ احمدس سمکھنہِ سرہندس تہٕ کٔرٕن سرہندی سٕنٛز شاگردیت قبوٗل۔ سُہ اوس سُے یٔمؠ احمدس مجدید الف ثانی (دویِم ساس ہُنٛد زِندٕ دِنہٕ وول) لقب دِیُت، واپسی سرہندی مَنٛز احمد سِرہندی ین دِیُت تٔمِس آفتابِ پنجاب (پنجاب کؠن عالمن مَنٛز سِری) خطاب ۔
حَوالہٕ
[اؠڈِٹ]- ↑ Nasr، Seyyed Hossein؛ Leaman، Oliver (2013). History of Islamic Philosophy ( اَنگیٖزؠ زَبانہِ مَنٛز). Routledge. pp. 1064–1065. ISBN 978-1-136-78043-1.