عباسی خلافت
 عبٲسی علم | |
 850 ع منز عبٲسی خلافت | |
| حیثیت | خلافت |
|---|---|
| راز دٲنؠ | بغداد |
| سَرکٲرؠ زَبان | عربی |
| مَذہب | اسلام |
| حَکوٗمَت | پادشٲہی خلافت |
| خلیفہ یا امیر | |
عبٲسی خلافت (740-1258 تام) ٲس ترییم اسلٲمی خلافت ییمیُک داییرے اقتدار عرب، شام، مصر، (شُمٲلی) افریقا، مغرب، ایران، عراق تہٕ مَرکَزی ایشیا ٲسؠ- ایمیُک مرکز اوس بغداد، تہٕ یہِ خلافت چھِ واریاہن علمن اندر ترقی باپتھ ماننہ یوان۔[1]
شُرُوعات
[اؠڈِٹ]اُماوی خلافت ٲس لُوکن واریاہو چیزو کِنؠ کھرن۔ اَکھ ایمہ مُوجُوب کہ دۄیمہ اُماوی حکمرانن، یزید ابن مُعاویہن کوٚر حضرت حُسین قَتٕل۔ بیٚیہِ کٔرؠ اُماوی حکمرانو واریاہ حکمنامہ جٲری یمو غٲر عرب لُوکھ دۄیمہ درجہ ہٕندؠ لُوکھ بنٲو۔ ایمیُک نتیجہ دراو یہِ ز ییلہ حُکُومت فُوجی طور کمزور گے، مرکز (شام تہٕ عرب) نش دُورکؠن عیلاقن مَنٛز کوٚو اقتدار کم۔ 740 ع مَنٛزآیہ اَکھ مُومینٹ وُجُودس، ییمیُک مُدعا اُماوی حُکُومتس خَلاف بغاوت کٔرِتھ إیہنز حکمرٲنی ختم کرٕنؠ ٲس۔ اَتھ مُومینٹس ٲسؠ تم لُوکھ زیٹؠ یم پانس حضرت عباس (حضرت مُحمد سُنٛد پیتر) سٟنٛز نسلہ ہٕندؠ مانان ٲسؠ (ایمی پؠٹھ پیوٚو اَتھ خلافتس "عبٲسی" ناو۔) یموٚو تُل لُوکن اندر اُمٲوی نفرتُک تہٕ شیعہن ہند عقیدتُک فٲیدہ۔ یہِ بغاوت گے خۄرسانس مَنٛز شُرُوع، تہٕ 749 ع تام گوٚو اُمٲوی زوال مکمل(تہٕ اُمٲوی رُودؠ صرف اندلُسس تامٕے محدُود) تہٕ بنییہ عبٲسی خلافت۔[1][2][3]