صٔدقہٕ
صٔدقہٕ چھُ سُہ یُس اَللہ تَعالیٰ سٕنٛزِ رَضا تہٕ خۄش حٲلی خٲطرٕ دِنہٕ یِوان چھُ تہٕ یہِ چھُ پاک عِبادَتھ۔ اَتھ مَنٛز گَژھِنہٕ کُنہِ خاص شَخٕص سُنٛد تَعیُن آسُن تہٕ نہٕ گَژھِ تَس نِش کانٛہہ غَرٕض تھاوٕنؠ، مَگر یہِ گَژھِ صٔدقٕکؠن اَہَل جاین پؠٹھ دِنہٕ یُن، مِثال ضروٗرَتھ مَنٛدَن خٲطرٕ۔[1]
قٕسٕم
[اؠڈِٹ]صَدقٕکؠ چھِ زٕ بُنیٲدی قِسٕم:
1.صٔدقہ واجِبہ
صٔدقہ واجِبَس سٟتؠ مُراد چھِ تِم صٔدقہٕ یِمَن ہُنٛد اَدا کَرُن ہَر کُنہِ صاحِب نِصابَس پؠٹھ بَطورِ فَرٕض لٲزِم چھُ۔ مِثال زَکات، عُشُر، خُمُس، صَدقہٕ فِطٕر بیٚتر۔
2. صٔدقہ نافِلہ
یُس شَخٕص اَللہ تَعالیٰ سٕنٛزِ رَضا خٲطرٕ پَننہِ ضروٗرَتھ کھۄتہٕ زِیادٕ مال غٔریٖبَن، مِسکیٖنَن، مۄحتاجَن تہٕ فٔقیٖرَن پؠٹھ خَرٕچ کَرِ، سُہ گَژھِ نَفلی صٔدقَس مَنٛز شُمار۔ بس یُس یوٗت زِیادٕ خَرٕچ کَرِ، ٲخٕرَتَس مَنٛز گَژھَن تٔمؠ سٕنٛدؠ دَرجہٕ تیٖتؠ بُلَنٛد۔
حَوالہٕ
[اؠڈِٹ]- ↑ Heck، Paul L. "Taxation". In Pink، Johanna (ed.). Encyclopaedia of the Qurʾān. doi:10.1163/1875-3922_q3_EQCOM_00199. Retrieved 29 November 2016.