شیطان

رسمی مذہب چھُ اَتھ برٲئی ہنٛد مجسمہٕ ونان، سُہ ییٚمؠ آدمس سجدٕ کرنہٕ نش انکار کٔرِتھ خۄداے سٕنٛدؠ احکامن ہٕنٛز نافرمانی کٔر تہٕ آو ہمیشہٕ خٲطرٕ لعنت قرار دِنہٕ۔ وۄنؠ چھُ أمؠ سٕنٛز کٲم صرف خۄدایہ سٕنٛز مخلوٗق بہکاوٕنؠ تہٕ یہِ خۄدایہ سٕنٛدِ مقرر کرنہٕ آمٕتہِ وتہِ نِش دوٗر کَرُن۔

ابراہیمی مذہبن مَنٛز شیطان

اِسلام

مُسلمان صوفین مَنٛز شیطان سُنٛد تصور

تم مُسلمان صوفی یمو ابلیس سٕنٛز ذکر خاص طریقہٕ سٟتؠ کوٚر۔ یِمو منٛزٕ چھِ حسین بن منصور حلاج، مولانا جلال الدین محمد بلخی روٗمی، ابن عربی بیترِ ناو زیٛادٕ اہم۔ کینژو دِژ اِبلیٖسس تیوٗت اہمیت زِ تمو کوٚر سُہ ساروٕے کھۄتہٕ بوٚڑ توحید پرست تہٕ توحید پرست قرار۔

• شیطان چھُ خۄدایہ سٕنٛز مرضی ہُنٛد ایجنٹ، ییٚمؠ سٕنٛدؠ فرائض ساروٕے کھۄتہٕ زیٛادٕ تلخ، ساروٕے کھۄتہٕ زیٛادٕ ناگوار، سخت تہٕ نازک تٔریٖن چھِ۔ (منصوٗر حلاج)
• شیطان چھُ تٔمؠ سُنٛد ناو یُس محبتُک جنونس مَنٛز مبتلا گژھتھ پنُن مقصد حٲصل کرنہٕ خٲطرٕ کوٗشش چھُ کران۔(مولانا روٗمی)
• اِبلیٖس چھُ اِرادن مَنٛز آزاد۔ (ابن عربی)

باقی مذہبن مَنٛز شیطان سُنٛد تصور

ایرانی دوہری ازم تہٕ شیطان سُنٛد تصور

امہٕ طریقچ نمائندگی چھِ ترٛیٚن مفکرین کران: زرتشتیت ، مانی تہٕ مزدک، یمن ترٛیٚن فلسفین ہنٛد مطٲبق، کائناتس مَنٛز چھِ زٕ قسمک جٲری طاقتہٕ۔ اَکھ یَتھ اَہُرا مَزدا کس ناوس پؠٹھ ناو چھُ تھاونہٕ آمُت، دیم چھ اہریمن کِس ناوٕ سٟتؠ یاد یوان کرنہٕ۔ اہریمن چھُ برٲئی ہٕنٛدیٚن طاقتن ہٕنٛز نمٲئندگی کران ییٚلہ زن مزدا اچھائی ہٕنٛدیٚن طاقتن ہٕنٛز نمائندگی کران۔ فطرتس مَنٛز چھِ نیکی ہٕنٛدیٚن طاقتن درمیان مسلسل جدوجہد۔ چیز چھِ اصل یا خراب کیازِ تم چھِ یا تہٕ اچھائی یا برٲئی ہنز تخلیقٕچ طاقتٕچ پیداوار۔

مغربی ادبس مَنٛز شیطان سُنٛد تصور

مغربی شاعرن تہٕ چھُ اَتھ فلسفس مَنٛز بٔڑ کٲم کٔرمٕتؠ۔ کنہہ نمائندہ شٲعرن ہنٛد فلسفہٕ چھُ اُجاگر کرنہٕ آمُت۔

دانتے

مُکَمَل مَضموٗن: دانتے الیگیری

دانتے چھُ اَکھ مشہوٗر اطالوی شٲیِر یُس پننہٕ عظیم مہاکاوی "ڈِوایِن کامیڈی " مَنٛز شیطان سنٛز تصویٖر کشی چھُ کران۔ دانتے شیطان چھُ اَکھ واریاہ قدیم مذہبی شیطان، یمچ تصویر بائبلس مَنٛز چھِ ہاونہٕ آمژ۔ یہِ چھُ واریاہ خوفناک تہٕ جاندار۔ دانتین چھُ پنُن مہاکاوی مَنٛز شیطان سینس تام شینس مَنٛز دفن کٔرِتھ بیان کۆرمُت۔ یوٗتاہ خوبصوٗرت سُہ اکہٕ لٹہٕ اوس، سُہ چھُ وۄنؠ تیوٗتاہ بدصوٗرت یوٗتاہ دانتے اوس شیطان جہنم سٟتؠ دنیاوی نمائندہ قرار دِتھ زندگی خٲطرٕ ضۆروٗری تسلیٖم کوٚرمُت۔

مِلٹن

مُکَمَل مَضموٗن: جان مِلٹَن

سُہ چھُ اَکھ مشہوٗر شٲعر۔ ابلیس سُنٛد تصور چھُ تہندِ نظمہ "فِردوس رۆو" مَنٛز پیش کرنہٕ آمُت۔ مِلٹن سُنٛد شیطان چھُ اَکھ عظیم شخصیت۔ یُس یوٗتاہ خوفناک چھُ زِ جہنم چھُ أمؠ سٕنٛدؠن کھۄرن تَل تھرتھران۔ أمِس چھُ خۄدایہ شِکست دِژمٕژ۔ مگر تٔمؠ ہور نہٕ۔ أمِس چھُ ناقابل مرضی ہنٛز فتح تہٕ عزم تہٕ چھُ اَکھ ذہن یَتھ وَقٕت تہٕ جاے ہیکہٕ نہٕ تبدیٖل کٔرِتھ۔