شیخ غۄلام محی الدیٖن
شیخ غۄلام محی الدیٖن | |
|---|---|
 شیخ محی الدین، واٹر کلر بذریعہ کمپنی فنکار، پنجاب، c. 1865 | |
| سکھ سلطنتک گورنر، دوآبہ | |
| دَفترَس مَنٛز 1834–1841 | |
| مونارک | رنجیت سنگھ |
| سٲبِقہٕ | دیسا سنگھ مجیتھیا |
| جانِشیٖن | شیخ امام الدین |
| کٔشیٖرِ ہُنٛد سِکھ گَورنَر | |
| دَفترَس مَنٛز 1841–1846 | |
| سٲبِقہٕ | مِہان سِنٛگھ |
| جانِشیٖن | شیخ امام الدین |
| ذٲتی مَعلوٗمات | |
| زامُت | نامعلوم ہوشیار پور, جالندھر دوآب |
| موت | 24 مارٕچ 1846 سرینگر، سکھ سلطنت |
شیخ غۄلام محی الدیٖن (وفات: 24 مارٕچ 1846) اوس سِکھ سلطنتُک اَکھ مُسلمان عہدٕدار یِمو 1834-1841 ہس دوران گورنر (نٲظم) جالندھر دوآب تہٕ 1841-1846 دوران کٔشیٖرِ کِس گورنر سٕنٛدِ حثیتہٕ خدمات انجام دِژمٕژ۔ تٔمِس پتہٕ رٔٹ دۄشوٕنی عۄہدن پؠٹھ أمؠ سُنٛد نیٚچی شیخ امام الدین حقدٲری۔[1]
زانہِ زِندگی
[اؠڈِٹ]محی الدین زاو ہوشیار پور کِس أکِس غریب پنجیبہِ مُسلمان خاندانس مَنٛز شیخ اُجالا ہَس ، یُس رِیاسَتھ گُلیر کِس سردار بھوپ سنگھس خٲطرٕ منشی پٲٹھؠ کٲم اوس کران۔ پنٕنہِ زِندگی ہُنٛد آغاز کٔرِتھ کٔر تٔمؠ دیوان موتی رام سٕنٛز خدمت تہٕ ییٚلہِ سُہ 1827 ہَس مَنٛز کٔشیٖرِ ہُنٛد گورنر تعیِنات کرنہٕ آو تہٕ روٗد پننِس نیٚچوِس کِرپا رامَس سٟتؠ۔ کِرپا رامن دِژ تٔمِس نٲیِب گورنری ہِنٛدِ حِصہٕ۔ ژورو ؤرؠ یو پتہٕ آو کرپا رام مُحی الدینس سٟتؠ واپس منگناونہٕ تہٕ یِمن دۄشوٕنی آو بد انتظامی ہٕنٛدیو الزامَو کِنؠ قٲد تہٕ جُرمانُک سامنہٕ کرنہٕ۔
اکہِ وہٕرِ پتہٕ کۆر محی الدینن پنُن مُقام دُبارٕ حٲصِل تہٕ آو شہزادٕ شیر سِنٛگھس سٟتہِ شال صنعت شیرنہٕ خٲطرٕ کٔشیٖرِ سوزنہٕ، تہٕ روٗد 1832-1834 تھس دوران بیٚیہِ نٲیِب گورنر سٕنٛدِ حشیتہٕ خٕدمَت انجام دِنہٕ۔ 1834 ہَس مَنٛز آو سُہ جالندھر دوآبُک گورنر تعیِنات کرنہٕ تہٕ روٗد 1841 ہَس تام یہِ۔
سٲبقہٕ گورنر مہان سنگھ سٕنٛدِ بغاوتس مَنٛز مارنہٕ پتہٕ آو 1841 ہَس مَنٛز محی الدین کٔشیٖرِ مَنٛز گورنر مُقرر کرنہٕ۔ 1843 ہَس مَنٛز دِژ بمبا سردار شیر احمدن قاہوری مَنٛز 7000 نفرن ہِنٛدِس تعدادس مَنٛز أکِس سِکھ فوجس ہار۔ أتھؠ ؤرؠ یَس مَنٛز کٔر محی الدینن واریاہ بیدباوُک سلوٗک ختم یِم 1819 ہس مَنٛز سِکھ فتح پتہٕ کٲشِرؠ مُسلمانن پؠٹھ لگاونہٕ آمٕتؠ ٲسؠ، یِمن مَنٛز 25 ؤری پتہٕ جامعہ مسجد نؠمازٕ خٲطرٕ دُبارٕ کھولٕنؠ تہٕ بانٛگ دِنُک اِجازت دِیُن شٲمِل چھُ۔
فَرؤری 1845 ہَس مَنٛز کٔر تٔمہِ انٛگریزن کٔشیٖرِ پؠٹھ قبضہٕ تھاونہٕ کِس شرطس پؠٹھ پنٕنؠ وفادٲری تِمن نِش منتقٕل کرنٕچ پیشکش ۔ تاہم، برطٲنوی راجس ٲس نہٕ ٲویُٛل علاقس مَنٛز کانٛہہ تہِ مُسلمان سردار اقتدارس مَنٛز واتناونس مَنٛز دلچسپی تھاوان۔ محی الدین گُزریو اچانک 24 مارٕچ 1846 دۄہ ، مُمکِن طور امرتسر کِس محادس تحت جیٚمؠ کِس ڈوگرہ خاندانس کشمیٖرِ کٕنٕنٕچہِ خبر بوٗزِنہٕ كِنہِ صدمہٕ كِنہِ ۔ تٔمِس چھُ زَہر دِنُک تہِ شَک یِوان کرنہٕ۔ محی الدین آو سِریٖنَگَر کِس ہارِ پربتھ کِس مخدوم شیخ حمزہ کِس استانس مَنٛز دفن کرنہٕ۔ تٔمہِ سٕنٛدِ پتہٕ رٔٹ أمؠ سُنٛد نیٚچُو شیخ امام الدین گورنر۔
حَوالہٕ
[اؠڈِٹ]- ↑ "Ghulam Mohiy udDin: Diplomat & Governor of Kashmir" ( اَنگیٖزؠ زَبانہِ مَنٛز). Retrieved 2026-02-25.