شیخ شوکت حُسین
شیخ شوکت حُسین | |
|---|---|
 | |
| پٲدٲیِش | 1954 (وٲنٛس 72) سِریٖنَگَر |
| طٲلبہٕ عٔلِم | |
| پیٚیشہِ | لِکھٲرؠ |
شیخ شوکت حُسین 5 فَرؤری 1954 ہس مَنٛز زامُت اَکھ کٲشُر سیٲسی تجزیہ کار تہٕ اِنسٲنی حقوٗق تہٕ بین الاقوامی قونوٗن چھُ اَکھ ممتاز سٕکالر، أمؠ چھِ کشمیر تنازس پؠٹھ واریاہ کتابہٕ لؠچھمَژٕ۔[1][2]
زانہِ زِندگی
[اؠڈِٹ]شیخ شوکتَن کٔر 1978 مَنٛز علی گڑھ مُسلِم یونیورسٹی پؠٹھٕ بیچلر آف لاء ڈِگری مُکمَل، اَمہِ پتہٕ کٔرٕن 1990 تس مَنٛز "اسلامک سٹیٹس مَنٛز غٲر مسلمانن ہٕنٛز حیثیت" پؠٹھ پنٕنؠ مقالہٕ خٲطرٕ ماسٹرز اِن لاء تہٕ پی ایچ ڈی دِنہٕ، یُس پتہٕ ملیشیاہَس مَنٛز "اقلیت، اِسلام تہٕ قومی رِیاسَتھ" ناوٕ سٟتؠ شایع گوٚو۔ طٲلبہِ علمہٕ کِس دۄہَس پؠٹھ اوس سِیٲسی تحریٖکَن مَنٛز سرگرم حصہٕ نِنہٕ وول، یِمو روٗد کٔشیٖرِ مَنٛز خۄد ارادیت مُتعلِق شیخ محمد عبداللہ ہَس خٕلاف مُہِم چلاوان۔
علی گڑھس مَنٛز کٔر تٔمؠ یوٗنِوَرسِٹی ہُنٛد اِسلٲمی کردار کم کرنٕچ حکومتی کوٗشِشن ہٕنٛز مُخٲلِفت، ییٚمہِ کِنؠ یوٗنِوَرسِٹی ہٕنٛدِ اقلیتی حیثیتُک بچاو تہٕ مسلم پرسنل لا تہٕ بابری مَسجِد ہِوین مسلن ہِنٛدِ بچاو کِنؠ آو سُہ معطل کرنہٕ۔ تٔمؠ کٔر اَتھ عرصس دوران امیتی مَنٛز راجیٖو گاندھی سنٛز اِنتخٲبی کوٗششہِ خَلاف تہِ مُہِم۔
طالبہِ علمَن ہٕنٛزِ سرگرمیَن پؠٹھ توجہ دِنہٕ وٲلؠ أکِس محقق سٕنٛدِ حثیتہٕ کٔر شیخ شوکتَن ہندوستانَس مَنٛز مُختٔلِف طٲلبہِ عٔلِم گروپَن ہُنٛد سٔروے تہٕ انسٲنی حقوٗق، اقلیتی حقوٗق، تہٕ انسٲنی قونوٗنَس مَنٛز مہارت حٲصِل۔ تٔمؠ سٕنٛزِ کامہِ یَتھ مَنٛز اِنسٲنی حقوقَن مُتلِق اشاعتہٕ تہِ شٲمِل چھِ، عالمی سطحَس پؠٹھ تسلیٖم تہٕ آیہِ ریٚڈ کراسٕچ بین الاقوٲمی کمیٹی ہٕنٛدِس اشتعراقَس مَنٛز بٲگراونہٕ، یَتھ مَنٛز تنازعہٕ زدٕ کٔشیٖرِ مَنٛز جَنٛگی طٔریٖقَن ہٕنٛدِس حدَن ہُنٛد زور دِنہٕ آمُت۔
شیخ شوکت سٕنٛز تدریسی پیشورانہٕ زِندگی گٔیہِ نیہِ دِلہِ ہِنٛدِس انسٹی ٹیوٗٹ آف آبجیکٹِو سٹڈیزَس مَنٛز أکِس ریسرچ ایسوسی ایٹ سٕنٛدِ حثیتہٕ شۆروٗع، ییٚمہِ پتہٕ یِمو 1990 پؠٹھٕ 1995 تام ملاییشیاہَس مَنٛز بطور اسسٹنٹ پروفیسر کٲم کٔر۔ کٔشیٖرِ ہٕنٛز بغاوت ہٕنٛزِ نمایندگی ہٕنٛز فکر مند گژھِتھ آو سُہ کٔشیٖرِ واپس، تحریرو ذٔریعہٕ مزاحمتی بیان کٔرِتھ۔ تٔمؠ کٔر 2000 سس مَنٛز کشمیر یوٗنِوَرسِٹی ہٕنٛدِس شعبہٕ قانونس مَنٛز شٲمِل تہٕ روٗد کٔشیٖرِ ہٕنٛزن مزاحمتی تحریٖکَن مَنٛز سرگرم، ییٚمہِ کِس نٔتیٖجس مَنٛز تٔمِس تہٕ باقٕے نُمایا شخصیاتن خٕلاف "آزٲدی: دی اونلی وے" اِجتِماعَس مَنٛز تقریر کرنہٕ خٲطرٕ بغاوتُک الزام لگاونہٕ آو، یَتھ مَنٛز ریاستٕچ کاررواییَن ہٕنٛز بین الاقوٲمی مذمت آیہِ کرنہٕ۔
کِتاببیات
[اؠڈِٹ]| S. نَمبَر | ناو | اؠڈیشن | نَشَرِ تٲریٖخ | اَدبی شَکل | زَبان | تَفصیٖل | ناشِر | ISBN |
|---|---|---|---|---|---|---|---|---|
| 1. | Islam and Human Rights[3] | 1مہ | 1991 | غٲر افسانوی | اَنٛگریٖزی | 97 صَفہٕ | Budaya Ilmu[3] | NA |
| 2. | Facets of Resurgent Kashmir[4] | 1مہ | 2008 | غٲر افسانوی | اَنٛگریٖزی | 212 صَفہٕ | کشمیٖر اِنسٹیوٗٹ (سرینَگَر) | NA |
| 3. | Kashmir Profiles[5] | 1مہ | 2016 | غٲر افسانوی | اَنٛگریٖزی | 159 صَفہٕ | کشمیٖر اِنسٹیوٗٹ (سرینَگَر)[5] | 9789352545629 |
| 4. | Kashmir Saga[6] | 1مہ | 2017 | غٲر افسانوی | اَنٛگریٖزی | 143 صَفہٕ | کشمیٖر اِنسٹیوٗٹ (سرینَگَر)[6] | 9789352545599 |
حَوالہٕ
[اؠڈِٹ]- ↑ "Dr. Sheikh Showkat Hussain". Facebook.com. Retrieved 8 May 2014.
- ↑ "Kashmir-Palestine in the Making By Dr Sheikh Showkat Hussain". Scribd.com. 3 June 2011. Retrieved 8 May 2014.
- 1 2 Hussain، Sheikh Showkat (1991). Islam and Human Rights ( اَنگیٖزؠ زَبانہِ مَنٛز). Budaya Ilmu.
- ↑ Hussain، Sheikh Showkat (2008). Facets of Resurgent Kashmir ( اَنگیٖزؠ زَبانہِ مَنٛز). Kashmir Institute.
- 1 2 Hussain، Sheikh Showkat (2016). Kashmir Profiles ( اَنگیٖزؠ زَبانہِ مَنٛز). Kashmir Institute. ISBN 978-93-5254-562-9.
- 1 2 Hussain، Sheikh Showkat (2016). Kashmir Saga ( اَنگیٖزؠ زَبانہِ مَنٛز). Kashmir Institute. ISBN 978-93-5254-559-9.