شۄپینٕچ لڑٲے

شۄپینٕچ لڑٲے
تٲریٖخ 3 جولائی 1819 مُقام شُپین, کٔشیٖر 33.72°N 74.83°E / 33.72; 74.83 نتیٖجہٕ سِکھو زِیٛوٗن سِریٖنگر تہٕ کٔشیٖر آو سِکھ سلطنتس سٕتؠ رلاونہٕ
لڑن وٲلؠ
سِکھ سَلطَنَت	افغان سلطنت
کمانڈر
مِسر دیوان چَنٛد ہری سِنٛگھ نلوا کھڑک سِنٛگھ مَہراذہٕ رَنٛجیٖت سِنٛگھ	جبار خان راجہ اگھر خان
طاقت/قٲبِلِیَت
30,000	نامولوٗم

شۄپینٕچ لڑٲے گٔیہِ 3 جٗلایہ 1819 ہس مَنٛز سِکھ سلطنتٕکہِ اكِس مُہِمی فوجس تہٕ دُرانی سلطنت كِس صوبہٕ كہِ وادی کٔشیٖر كِس گورنر جبار خانس درمِیان ۔ یہِ اوس 1819 ہَس مَنٛز کٔشیٖرِ مَنٛز سِکھ مُہِمہِ دوران فٲصلہٕ کُن جنٛگ۔

پس منظر

‎1814 پؠٹھٕ 1819 تام آیہ سِکھ سَلطَنَت بِھمبر، راجوری، پُنٛژھ ، نوٗرپور تہٕ ہوران کین پہٲڑی سلطنتن خَلاف پَے در پتھ مُجوِمہٕ سوزنہٕ خٲطرٕ مجبوٗر کرنہٕ۔ سِکھ سلطنت ٲس یِمَن سلطنتن مَنٛز بغاوتن نِش حٲصِل کٔرِتھ پیر پنجال سِلسِلس تہٕ کٔشیٖرِ ہِنٛزِ وتہِ پؠٹھ قوبوُ جٲری تھونٕچ کوُشِش کَران۔ وۄنٛگوو، دُرانی سلطنتن ٲسہِ یِمن علاقن پۄختہٕ اِنتِظام کٔرمٕتہِ تِکیٛازِ پیر پنجال سِلسِلن ٲس سِکھ فوجن باپتھ رسد تہٕ تازٕ فوج بنٛد کٔرِمٕتہِ ۔ 1819 ہس مَنٛز اوٚن عظیم خانن اَکھ لشکر کابُل۔ عظیم خانُک وزیر ریونیو بیربل دھارن کوٚر سِکھ راج چہِ راز دٲنی لاہور ہُک دورٕ تہٕ وونُن مہاراجہ رنجیت سِنٛگھس زِ سُہ ژھننہٕ خٲطرٕ کٔشیٖرِ مَنٛز دُرانی سلطنت ختٕم۔ تمہِ وون رنجیت سنگھس زِ عظیم خان اوس نہٕ کٔشیٖرِ مَنٛز دُرانی سندِس فوجٕچہِ قیادت کران تہٕ کٔشیٖرِ گژھن والؠن وتن ہِنٛز معلوٗمات دِژمٕژ ۔

کٔشیٖر ہِنٛز مُہم 1819

سِکھ فوجن بنٲوِ گُجرات تہٕ ؤزیٖرآبادس مَنٛز مُہِمہِ خٲطرٕ ہتھیارن ہِنٛدِ زٕ ڈؠوٗ۔ 20 اپریل سوُزِ رنجیت سنگھن لاہور پیٹھہٕ 30,000 جوان پیر پنجال بالہٕ دامنس مَنٛز واقعہٕ پہٲڑی بادشاہن نِش۔ مُہِم آیہِ ترٛؠن حصن مَنٛز تقسیٖم کرنہٕ: مِسر دیوان چندن کٔر وینگارڈ فوجٕچہِ قیادت تہٕ کھڑک سِنگھن کٔر پٔتِمہِ فوجٕچ كمان تہٕ رنجیت سنگھن كو٘ر سپلائی لٲنہِ ہِنٛزِ حِفاظتہٕ خٲطرٕ 10,000 فوج تعینات۔ فوجن کوٚڑ بِھمبر پیٹھہٕ پیش قدمی تہٕ تتہِ پؠٹھ وٕڑیو تہٕ کوٚرُکھ کُنہِ مزاحمتٕ ورٲے مقٲمی حکمران سٕنٛدِس قعلس پؠٹھ قبضہٕ۔

لڑٲے

3 جُلَے 1819 کٔر سکھ فوجن تہِ شُپین کِنہِ سِریٖنَگَر گژھنٕچ کوٗشِش، مگر جبار خان سٕنٛدِس قیادتس مَنٛز رُکوو سُہ دُرانی فوجن ۔ دُرانی فوجن كو٘ر سِکھ توپ خانہٕ باپتھ حملہٕ كرنہٕ باپت پَنُن پان قِعلہٕ بَنٛد تہٕ أنِن بھٲری توپ خانہٕ، مگر سِکھ ٲسہِ نہٕ امہِ خٲطرٕ تیار، تہِ كیازِ تِم ٲسہِ صِرف ہلکہٕ بندوٗق أنہِ ۔

نٔتیٖجہٕ

دوشوٕنی طرفَو گوٚو حالانٛکہِ سؠٹھاہ نۄقصان گوٚو جبار خان تہٕ تہنٛد فوج پتھ کھوٚت مٲدٲنہِ جنٛگہٕ ترٚٲوِتھ تہٕ ژۆل دریائے سندھ پیٹھہٕ کٔشیٖرِ مَنٛز۔ ییٚلہِ فتح پتہٕ سِکھ فوج سِریٖنگرَس مَنٛز دٲخٕل گوٚو، کھڑک سِنٛگھن کوٚر یٔقیٖنی زِ پرٛؠتھ کٲنٛسہِ سُنٛد زِنٛدگی تہٕ مال روزِ محفوٗظ تہٕ کانٛہہ تہِ شہری یی نہٕ لوٗٹنہٕ۔ تہٕ پرٛؠتھ کٲنٛسہِ ہٕنٛز حفاظتٕچ ضمانت ٲس دِنہٕ۔ سِرینگر پؠٹھ پُر امن قبضہٕ اوس سریٖنگر کِس تجٲرتی نۄقطہٕ نظر سٟتؠ واریاہ اہم۔ اَتھ مَنٛز ٲس شال بَناونٕچ اَکھ بٔڑ صنعت تہٕ یہِ اوس پنجاب، تِبت، سکردوٗ تہٕ لداخس درمیان اَکھ اَہَم کاروبٲری مرکز تہِ۔