شملہ
شملہ یَتھ سملہ تہِ ونان چھِ (1972 تام سرکٲر ناو) چھُ شمٲلی ہندوستٲنی ریاست ہماچل پردیش رازدٲنی تہٕ سارِوٕے کھۄتہٕ بوٛڑ شَہَر۔[lower-alpha 1][1] 1864 تھس مَنٛز آو شملہ برطانوی ہند رؠتہٕ کالٕچ رازدٲنؠ قرار دنہٕ۔ آزادی پتہٕ بنیوو یہِ شَہَر مشرقی پنجاب رازدٲنی تہٕ پتہٕ آو ہماچل پردیشٕچ رازدٲنؠ بناونہٕ۔ یہِ چھُ ریاستک اہم تجٲرتی، ثقافتی تہٕ تعلیمی مرکز۔ یہٕ چھُ دنیاہک سارِوٕے کھۄتہٕ بھڑ حقیقی پہاڑی تعمیر شدہ شَہَر۔[2]
لکٹہ بستی آیہ 1815 برٛۄنٛہہ درج کرنہٕ ییٚلہ برطانوی فوجن اَتھ علاقس پؠٹھ قبضہٕ کوٚر۔ موسمی حالاتو کوٚر انگریزو ہمالیہ کین گھنین جنگلن مَنٛز شَہَر قٲیم کرنہٕ خٲطرٕ پانس کن متوجہ۔ رؠتہٕ کالٕچ رازدٲنہ آسنہٕ کنہ کٔر شملہ ہن واریاہن اہم سیٲسی جلسن ہنٛز میزبٲنی یَتھ مَنٛز 1906 ہک شملہ ڈیپوٹیشن، 1914 ہک شملہ اکارڈ تہٕ 1945 ہک شملہ کانفرنس شٲمل چھ۔ آزٲدی پتہٕ آیہ رِیاسَتھ ہماچل پردیش 1948 ہس مَنٛز 28 شٲہی ریاستن ہنٛد یکجا گژھنہٕ کس نٔتیٖجس مَنٛز وجودس مَنٛز۔ آزٲدی پتہٕ تہ رود یہِ شَہَر اَکھ اہم سیٲسی مرکز، یُس 1972 کِس شملہ محادٕ چہ میزبٲنی کران اوس۔ رِیاسَتھ ہماچل پردیش چہ تنظیم نو پتہٕ آو موجودٕ مہاسو ضلعک ناو شملہ تھاونہٕ۔
شملہ چھُ واریاہن عمارتن ہنٛد گرٕ یم نوآبادیاتی دورٕکہ تادوربیتھن تہٕ نو گوتھک فن تعمیرس سٟتؠ سٟتؠ واریاہ مٔنٛدر تہٕ چرچن ہنٛد طرزٕ چھ۔ نوآبادیاتی فن تعمیر تہٕ گرجا گرٕ، مندر، تہٕ شہرک قدرتی ماحول چھُ سیاحن پانس کن متوجہ کران۔ شَہَر کین بڑؠن مرکزن مَنٛز چھُ شری ہنومان جکھو (مجسمہٕ جکھو مندر وایسریگل لاج کرائسٹ چرچ مال روڈ دی ریج تہٕ ایناڈایل شٲمل۔ شَہَر کہ مرکزک شمٲلی نقطہٕ چھُ جکھو تہٕ جۆنوٗبی نقطہٕ چھ اناڈیل، مشرقی نقطہٕ چھ سنجولی تہٕ مغربی نقطہٕ چھ چوٹا شملہ۔ انگریزو ہنٛد طرفہٕ بناونہٕ آمٕژ کالکا شملہ ریلوے لائن، یُس یونیسکو عالمی ثقافتی ورثہ چھ، چھ سیاحن ہنٛد خٲطرٕ اَکھ اہم پرکشش مقام۔ امکہ سؠٹھاہ خطہٕ کنہ چھ شملہ پہاڑن پؠٹھ بائیک چلاونس ایم ٹی بی ہمالیہ میزبٲنی کران، یوٚس 2005 ہس مَنٛز شروٗع گٔیہ تہٕ چھ جۆنوٗبی ایشیاہس مَنٛز پننہ قٕسمٗک ساروٕے کھۄتہٕ بوٚڑ ایونٹ ماننہٕ یوان۔ شملہ ہس مَنٛز چھ جۆنوٗبی ایشیا ہک سارِوٕے کھۄتہٕ بوٚڑ قدرتی آئس سکیٹنگ رنک تہ۔ سیاحتی مرکز آسنہٕ علاوٕ چھُ یہِ شَہَر اَکھ تعلیمی مرکز تہ یَتھ مَنٛز واریاہ کالج تہٕ تحقیقی ادارٕ چھ۔
حَوالہٕ غَلطی:<ref> tags exist for a group named "lower-alpha", but no corresponding <references group="lower-alpha"/> tag was found
- ↑ bedi، rahul. "Steady Decline: From Simla To Shimla, And Now To Shyamala!". www.thecitizen.in ( اَنگیٖزؠ زَبانہِ مَنٛز). Archived from the original on 27 December 2021. Retrieved 27 December 2021.
- ↑ Paranjape, Makarand R. (22 February 2021). "An avalanche in Chamoli: The global environmental crisis". Gulf News. https://gulfnews.com/opinion/op-eds/an-avalanche-in-chamoli-the-global-environmental-crisis-1.77355072. Retrieved 5 November 2025.