شمائل ندوی

شمائل ندوی
پٲدٲیِش	7 جوٗن 1998 سِریٖنَگَر (ہِندوستان)
شَہَریَتھ	ہِندوستان
طٲلبہٕ عٔلِم	دارالعلوم ندوت العلماء انٹرنیشنل اسلامک یونیورسٹی ملائیشیا
پیٚیشہِ	عٲلِم, مُفتی
کٲم	کیٛا خۄدا چھَ موجوٗد؟ (2025 نیہِ دِلہِ بحث)

شمائل ندوی (پٲدٲیِش: 7 جوٗن 1998)، یُس مفتی شمائل ندوی ناوٕ سٟتؠ تہِ زاننہٕ چھُ یِوان، چھُ اَکھ ہِندوستٲنؠ اِسلامی عٲلِم تہٕ مَزہبی مُقرر۔ سُہ آو 2025 ہَس مَنٛز نیہِ دِلہِ مَنٛز شٲعر تہٕ نغمہٕ نگار جاوید اخترَس سٟتؠ خۄدایہ سٕنٛدِس وجودَس پؠٹھ قومی سطحس پؠٹھ احاطہ کٔرِتھ عوٲمی بَحَثَس مَنٛز حصہٕ نِنہٕ پتہٕ سرٛۄن عوٲمی توجہٕ حٲصِل۔

اِبتدٲے زِندگی

شمائل ندوی زاے 7 جوٗن 1998 سِریٖنَگَر، جموں و کشمیر، ہِندوستانَس مَنٛز۔ حالانٛکہِ سِرینگرَس مَنٛز زامُت، تٔمؠ سٕنٛز پرورش گٔیہِ بُنیٲدی طور کلکَتاہس مَنٛز، ییٚتہِ تٔمؠ سٕنٛز زِیٛادٕ تَر تٲلیٖم تہٕ پرورش گٔیہِ۔ تٔمؠ سٕنٛدِس خاندٲنی ہس منظر مَنٛز چھِ وَرمُل، جموں و کشمیرس مَنٛز ماجہِ ہٕنٛدِ موٗل شٲمِل تہٕ مٲلؠ سٕنٛدِ موٗل کلکتہ مَنٛز چھِ، ییٚتہِ سُہ روزان چھُ۔

تٲلیٖم

یِمو کٔر پنٕنؠ مذہبی تٲلیٖم دارالعلوم ندوت العلمہ، لکھنؤ (ہندوستان) نِشہِ حٲصِل، یُس برصغیر کؠن سارِوٕے کھۄتہٕ اَہَم اِسلٲمی تٲلیٖمی اِدارَن مَنٛز اَکھ چھُ۔ تمو کٔر الہیات کین مختلف شعبن مَنٛز تٲلیٖم حٲصل یَتھ مَنٛز قرآن تہٕ تفسیر، حدیٖث تہٕ اصوٗل، فقہ تہٕ اصول، عقیدہ تہٕ اِسلأمی فِکر شٲمل چھِ۔