شادی لال کول

شادی لال کول
شادی لال کول نومبر 2018 منٛز
پیدٲیِش	(1954-01-04) 4 جَنؤری 1954 سِریٖنَگَر, جۆم تہٕ کٔشیٖر, ہِندوستان
موت	12 جُلَے 2020(2020-07-12) (ؤری 66) جۆم, ہِندوستان
مُلُک	ہِندوستٲنؠ
باقٕے ناو	شمس الدین، نِکہٕ لال، نِکہٕ بَب
پیٚشہٕ	کامیڈین ٹیلی وِجَن پیش کنند
عَملی ؤری	1974–2020
بٲژ	لَلیتا کول
بَچہِ	شالنی کول وِجے کول مرحوم اجے کول
مول موج(s)	چَنا کول (مول) ستیہ وتی کول (موج)

شادی لال کول (4 جَنؤری 1954-12 جُلَے 2020) اوس اَکھ کٲشُر اداکار، یُس پننہِ مزاحیہ کردارن باپتھ مشہوٗر اوس۔ سہ اوس پنٛنیٚن مکالمن خٲطرٕ تہٕ مشہوٗر یَتھ کٔنؠ "بیگم سلال ژےٚ کیٛازِ گۆے مَلال"، "گونے ونے چھکی بوناے"، "چھکہِ پییٚچنی رَس یاسَے پوشی تہٕ تَس"۔ أمہ کٕر پننہ پیشورانہٕ زِندگی ہنٛز شروٗعات 1974 مَنٛز، تہٕ کٔرٕن ژور ہتھ کھۄتہٕ زیٛادٕ کٲشِرؠ سیریلن تہٕ کٲشِرؠ ڈراماہن مَنٛز اداکٲری۔ أمؠ سٕنٛز مہارت تہٕ کامیٲبی کوٚر تٔمس "مسکھری ہُنٛد بادشاہ" آسنُک غٲر رسمی لقب حٲصل۔

اِبتدٲے زِندگی

شادی لال کول زاو 4 جنؤری 1954 چھوٹا بازار، سرینگر کِس أکِس کٲشِرؠ پنٛڈِت خانٛدانَس مَنٛز۔ أمؠ سُنٛد مول اوس اَکھ کارٕبٲرؠ۔ شادی لال سٕنٛز پرورش ٲس سرینگر کِس حبہٕ کدٕل کِس چھوٹا بازار علاقس مَنٛز کٔرمٕژ۔ شادی لال کول اوس ترٛؠن باین تہٕ أکِس بیٚنہِ مَنٛز سارِوٕے کھۄتہٕ بوٚڑ نیٚچُو۔ تٔمؠ گُزٲر پننِس لۄکچارس مَنٛز اَکھ عالیشان زِندگی، مگر بدقسمتی سٟتؠ، تٔمؠ رٲو پنُن مول کم وٲنٛسہِ مَنٛز ییٚلہِ سُہ وُنہِ پران اوس۔ أمہِ سُنٛد مول گُزریٛوو دِلُک دورٕ پینہٕ کِنہِ ۔ أمہِ سٕنٛدِس مٲلہِ سٕنٛدِ مرنہٕ پتہٕ پیٚیہِ أمہِ سٕنٛدِس عیالس واریاہ مُشکِلاتن ہُنٛد شادی لال کولَن کٔر پنٛنِس عیالَس سہارٕ دِنہٕ خٲطرٕ ٹیوشن دِنہٕ۔ شادی لال کولَن کٔر دٔہمہِ جمٲژ تام بوائز ہائی سکول آر این مندرَس مَنٛز تٔعلیٖم حٲصِل۔ أمہِ کٔر اَمر سِنٛگھ کالیج پٮ۪ٹھٕ گرٛیجویشن ۔ گرٛیجویشن مُکمل کرنہٕ پتہٕ بنٲو أمہِ تھیٹر تہٕ اداکٲری مَنٛز پنٕنہِ پیشورانہٕ زِندگی ۔ 1974 تھس مَنٛز ترٲو تٔمہِ تہٕ عبدالرحیم کُچاے یَن یاسمین ڈرامیٹک کلبٕچ بُنیاد ۔ تٔمؠ ترٲو پننِس دوست ڈاکٹر ایاش عارفس سٟتؠ کالی داس تھیٹرٕچ بُنیاد تہِ، یُس کشمیر کؠو قٔدیٖم تٔریٖن تھیٹر گروپو مَنٛز اَکھ چھُ۔

پیٚشہٕ

أمہِ سُنٛد گۄڈنیُوک ڈرٛامہ اوس یہِ زَنَم تہٕ سُہ زَنَم ییٚمِچ ہِدایت کٲری جئے کِشن زُتشی ین کٔرمٕژ ٲس۔ 1975 مَنٛز تسرف ڈرامہٕ سٟتؠ میٛوٗل تٔمِس پنُن گۄڈنیُک بہترین اداکار ایوارڈ۔ سُہ آو تٔرٛتہٕ بوزٕنؠ، لاش گھر، دستر، کیکٹس، گُرؠ بُتھ، لوکل ٹیکسز ایکسٹرا، یہِ زَنَم سُہ زَنَم، مچاما، تسرُف، آؤٹ آف ڈیٹ، زَہَر، بہٕ چَڑَتھ نہٕ، زَلُر، پرٛیم ناتھ بمقابلہ پریم ناتھ بیترِ مَنٛز تہِ وٕچھنہٕ۔

1980 کِس دہلِس مَنٛز، بَنیٛوو سُہ ٹی وی سیریز شَبرَنٛگ کہِ ذٔریعہٕ اَکھ گھرٕ کُن ناو، یُس 1981 پؠٹھٕ 1983 تام رِلیٖز گوٚو۔ أمہِ سٕنٛدیٚن باقٕے مشہوٗر ٹیلی وِجَن سِلسِلن مَنٛز ٲسہِ رنگن ہُینٛد رنٛگ، چیری تریوچ، غۄلام بیگم بادشاہ، تِجاراتُک آسان تاریکا، گاش اَنیٛوٗس تام، رُستم گوٹا، آدم زات، پگاہ شولی دُنیا، جَٹہٕ وَنَے، پَزَر ییٚلہِ موٗد، ہَلؠن بانَن وُکٔرؠ ٹھانٛڈ، گاش پھولنس تام، ترٛٹہٕ بُزُن، ناو ڈار آب، ییٚلہِ تۄہہ بدلِو تیٚلہِ بوزَو، وَزیرے نظر گُزار تہٕ اَمار۔

أمہِ کٔر کٲشِرِ فِلِم اِنقلابس مَنٛز اداکٲری۔

تٔمؠ کٔر دۄن ہِنٛدی سِلسِلہٕ وار گُل گُلشن گُلفام تہٕ کتھا ساگرَس مَنٛز تہِ کٲم، یِم قومی ٹیلی وِجنَس پؠٹھ نشر آیہِ کرنہٕ۔

یَنام تہٕ اعزاز

ؤری	یَنام ترقیٖب
2005	جہلم آرٹ میڈیا ایوارڈ
2007	جے اینڈ کے صادق میموریل ایوارڈ
2011	جموں کشمیر فِلِم میکرز اینڈ آرٹسٹ کوآپریشن لمیٹڈ.
2014	کشمیر ایجوکیشن کلچر اینڈ سائنس سوسائٹی، نٔو دِلہِ
2016	جموں و کشمیر گورو سَمان
2021	جے کے سٹیٹ ایوارڈ
2021	ہارمنی اِنڈیا ایوارڈ (شریشتھا سمن)

موت

12 جُلَے 2020 آو میڈیاہَس مَنٛز یہِ خبر دِنہٕ زِ تٔمؠ سُنٛد کَنسَر اوس 2016 پتہٕ دۄیمہِ لَٹہِ دُبارٕ گوٚومُت تہٕ سُہ اوس شیٚن دۄہَن ہسپتالَس مَنٛز دٲخٕل کرنہٕ آمُت۔ سُہ موٗد کوماہَس مَنٛز، صبحٲے 2.45 بجہِ پننہِ روزنٕچ جاے دُرگا نگر، بنتالاب، جیٚمِس مَنٛز۔ تٔمِس آو تَمی دۄہ جیٚمہِ کِس بنتالاب آوریٚنؠ مَنٛز أنؠ تِم سنٛسکار کرنہٕ۔