سینٛٹ لیٛوٗکٕس چرٕچ، سِریٖنَگَر
| سینٛٹ لیٛوٗکٕس چرٕچ، سِریٖنَگَر | |
|---|---|
 | |
| گِرجاگر | |
| ناو مَنسوبہٕ | Luke the Evangelist |
| بٲنؠ | Arthur Neve، Ernest Frederic Neve |
| مُلُک | ہِندوستان |
| اِنتِظٲمی حِصَس مَنٛز | • کٔشیٖر ہُنٛد حصٕہ • سِریٖنَگَر ضِلہٕ • سِریٖنَگَر |
| جغرٲفی نۄقطہٕ | 34°4′40″N 74°49′50″E |
| تٲمیرٲتی طَرٕز | Gothic architecture |
| مۄہر |  |
 | |
سینٛٹ لیٛوٗکس چرٕچ چھُ جموں و کشمیر، ہندوستانَس مَنٛز سِریٖنَگَر کِس ڈلگیٹ علاقَس مَنٛز شنکراچاریہ بالہٕ کِس جنوٗب مغرِبی چڑایہِ پؠٹھ درۄگجن ہسپتال کِس احاطس مَنٛز واقعہٕ۔[1] یہِ چھُ کٔشیٖر ہُنٛد گۄڈنُیٛک گِرجاگر۔[2]
یہِ چھُ چرچ آف نارتھ انڈیاہُک حصہٕ تہٕ چھُ مُلکُک دوٗر دراز گِرجا گرو مَنٛز اَکھ۔
گوتھِک طرزک چرچ اوس 1896 مَنٛز برطانوی انجینئرو تعٲمیر کۆرمُت۔ چرچچ کٔن بنیاد ٲس 12 سَتَمبَر 1896 مَنٛز برطانوی بٲے تہٕ مشنری ہسپتالک ڈاکٹرن، ڈاکٹر آرتھر نیو تہٕ ڈاکٹر ارنسٹ نیون تھٲومٕژ۔
یہِ آو 1960 کِس دہلِس مَنٛز جموں و کشمیر حکومتس حوالہٕ کرنہٕ۔ چرچ روٗد 1986 تام استعمالس مَنٛز ییلہٕ یہٕ خطس مَنٛز بڑون عسکریت پسندی کہ وجہ سٟتؠ ترک آو کرنہٕ۔
2016 ہس مَنٛز، مُقٲمی عیٖسٲے برادری تہٕ پادٕریو کٔر امچ مرمت حٲصل کرنہٕ خٲطرٕ ریاستی انتظامیہس سٟتؠ رٲبطہٕ۔ تاہم، چرچس ٲس شدید ساختی مسٲیِل تہٕ یہٕ دوبارٕ کھولنہٕ برٛونٛٹھ ٲس بٔڑؠ بحٲلی ہنٛز کامہٕ ہنٛز ضرورت۔
شیرُن
[اؠڈِٹ]ہِندوستٲنؠ سرکار اوس سِریٖنَگَر پنُن سمارٹ سِٹیز مِشن نافذ کرنہٕ خٲطرٕ شہرَو مَنٛز اَکھ ژارنہٕ آمُت۔ مِشنٕکہِ حِصہٕ پٲٹھؠ دِیُت مرکزَن سینٛٹ لیٛوٗکس چرچٕچ بَحٲلی خٲطرٕ 90 لچھ (110,000 امریٖکی ڈالر) فراہم۔ مرمَتٕچ کٲم اپریل 2020 ہَس مَنٛز شروٗع مگر کووِڈ 19 وباہٕ کِنؠ پییہِ ژیر ہُنٛد سامنہٕ۔ یہِ اوس کرسمس 2021 برٛونٛہہ مُکمل کرنہٕ آمُت۔ عمارتُک جاے تہٕ ہُنَر مَنٛد دٔسلن ہنٛز کمی کہ وجہ سٟتؠ، بحٲلی ہنٛز کٲم گیہٕ مرحلن مَنٛز مکمل، تہٕ چرچ آو 30 وأری پتہٕ عوامس خٲطرٕ کھولنہٕ۔
بحٲلی ہٕنٛدِس بنیٲدی عملس مَنٛز اوس کنؠن تہٕ سیرؠن ہٕنٛدِ چنایہِ ہٕنٛدِ ڈانچٕچ چھَت شٲمِل، یُس رؠوٲیتی خاتمبند لٔکرِ ہٕنٛز کٲم تہٕ فرش"دیور" کٔنؠو سٟتؠ دُبارٕ کرنہٕ اوس آمُت۔
بیٚیہِ کھولنہٕ آو
[اؠڈِٹ]لیفٹیننٹ گورنر منوج سِنہاہَن کھول 23 دَسَمبَر 2021 زیٖٹھ بحٲلی کامہِ پتہٕ چرچ دُبارٕ، تہٕ گۄڈٕنِچ دعایہِ خدمت آیہِ 1986 پتہٕ سینٹ لیوکس چرچَس مَنٛز کرنہٕ۔[3]
دُبارٕ وقف
[اؠڈِٹ]سرینگر، کشمیرس مَنٛز گٔیہٕ سینٹ لیوکس چرچس اَکھ بٔڑ بحالی تہٕ 30 نَوَمبَر 2025 آو دُبارٕ وقف کرنہٕ۔ دوبارٕ وقف کرنٕچ تقریٖب آیہِ Rt. Revd. Manoj Charan, Bishop of the Diocese of Amritsar[4]r (چرچ آف نارتھ انڈیا) دٔسؠ کرنہٕ۔
حَوالہٕ
[اؠڈِٹ]- ↑ Ashiq، Peerzada (23 December 2021). "The bells of St Luke's in Srinagar break 30-year silence". The Hindu ( اَنگیٖزؠ زَبانہِ مَنٛز). Retrieved 24 December 2021.
- ↑ Stock، Eugene (1899). The history of the Church missionary ( اَنگیٖزؠ زَبانہِ مَنٛز). 3. ص. 784 – via Google Books.
- ↑ Bhat، Sunil (23 December 2021). "100-year-old St Luke's Church renovated, reopened after 30 years in Srinagar". India Today. Retrieved 24 December 2021.
- ↑ "Manoj Charan installed as 8th Bishop of the Diocese of Amritsar, CNI". The Tribune ( اَنگیٖزؠ زَبانہِ مَنٛز). Retrieved 2025-12-01.