سُنَنٛدا پۄشکر

سُنَنٛدا پۄشکر
پٲدٲیِش	27 جوٗن 1962 (وٲنٛس 63) سوپُر
وَفات	17 جَنؤری 2014 نٔو دِل
مرنُک وجہ	drug overdose
شَہَریَتھ	ہِندوستان, کینَڈا
طٲلبہٕ عٔلِم	یونِورسِٹی آف کَشمیٖر
پیٚیشہِ	کاروبٲرؠ شَخص
بٲژ	سنجے رانا (ط.1988) سُجیٖت مین (1991-موٗد 1997) ششی تھرور (2010–2014)
شُرؠ	1

سُننٛدا پۄشکار (27 جوٗن 1962 - 17 جَنؤری 2014) ٲس اَکھ ہِنٛدُستٲنہِ زامٕژ کینیڈین کارٕبٲرؠ زنان۔ سۄ ٲس دُبَیی مَنٛز قٲیِم ٹی ای کام انویسٹمنٹَس مَنٛز سیلز ڈایریکٹَر، تہٕ ہندوستانَس مَنٛز قٲیِم رینڈیزوس سپورٹس ورلڈ (آر ایس ڈبلیو) ہٕنٛز شریک مٲلک، یُس انڈین پریمیئر لیگَس مَنٛز کرکٹ فرنچائز چھُ۔ پۄشکار ٲس اِکوَٹ قومن تحت کٲم کرن وٲلِس سٲبقہٕ بین الاقوٲمی سِفارت کار تہٕ سیاست دان ششی تھرورٕنؠ خانٛداریٚنؠ۔

اِبتدٲے زِندگی تہٕ تٲلیٖم

سُننٛدا پۄشکر (نیہ داسا) زاے 27 جوٗن 1962 ٹھس مَنٛز أکس کٲشِرؠ پنٛڈِت خانٛدانس مَنٛز، یمن زمین دار تہٕ فوج افسر بومہٕ، سوپُرٕکؠ ٲس۔ سۄ ٲس لیفٹیننٹ کرنل پۄشکر ناتھ داس تہٕ جیا داس سٕنٛز کُنی کوٗر۔ أمہ سنٛد مول گۆو 1983 تھس مَنٛز فوجٕ پؠٹھٕ رٹایٔر۔

سُنندس چھِ زٕ بٲے، یمن مَنٛز اَکھ دُبیی مَنٛز أکس عالمی سافٹ ویئر کمپنی مَنٛز کٲم چھُ کران۔ بیٛاکھ چھُ ہِندوستٲنؠ فوجس مَنٛز۔ یہِ خاندان گۆو 1990 تھس مَنٛز بومہٕ پؠٹھ جۆم ییلہٕ دہشت گردو تہنٛد گرس نار دِیُٛت۔

سُنندن کٔر کانونٹ آف جیسس اینڈ میری، امبالا تہٕ کیندریہ ودیالیہ، جھانسی مَنٛز تٲلیٖم حٲصل۔ اَمہِ پتہٕ کٔر أمہ گورنمنٹ پؠٹھٕ گریجویشن۔ سرینگرس مَنٛز وومن کالج، ییٚتہ أمؠ 1986–88 پڑٲے کٔر۔

ذٲتی زِندگی

گورنمنٹ کالیج فار ومینس مَنٛز پرنس دوران، یتیٚتھ سۄ کالجٕچ صدر ٲس، کۆر أمہ أکس سٲتھی ہوٹل مینجمنٹ گریجویٹ سنجے راناہس سٟتؠ خانٛدر۔ تمو کۆر 1988 مَنٛز طلاق۔ اَمہِ پتہٕ گیہ سنندا 1989 تھس مَنٛز دبئی تہٕ 1991 تھس مَنٛز کۆرکھ سُجیٖت مینن سۭتہ خانٛدر۔ تمن زاو نیُٚچو نَوَمبَر 1992 مَنٛز۔ سنندا ٲس مۄنٛڈ ییٚلہِ سوجیت مینن 1997 مَنٛز أکس حٲدثس مَنٛز موٗدمُت ٲس۔ اکتوبر 2009 ہس مَنٛز سمکھیو سۄ ششی تھرور أکس پارٹی مَنٛز یۆس ارب پٔتؠ سنی ورکی سٕنٛد ذٔریعہٕ منعقد ٲس کرنہٕ آمٕژ۔ تھرور اوس 2007 تس مَنٛز پننہِ کینیڈین خانٛداریٚنؠ کرسٹا گیلزس سۭتہ دبئی ووتمُت۔ سننداہن کۆر ششی تھرورس سۭتہ 2010 ہس مَنٛز خانٛدر، ییٚلہ سُہ ہِندوستٲنؠ پارلیمنٹس مَنٛز منتخب گۆو۔ اَتھ جورٕ کۆر ہندوستان کس کیرالہ کس الاوانچری مَنٛز تھرور سٕنٛدس آبٲئی گرس مَنٛز ملیالی خانٛدرٕچ تقریب۔ یہِ اوس دۄشوٕنی ہنٛد ترٛیٚیم خانٛدر۔

موتھ

17 جَنؤری 2014، ٹُویٹر تنازٕ پتہٕ اکہِ دۄہ آو سنندا چانکیہ پوری نیہ دلہ مَنٛز لیلا پیلس ہوٹل کِس کمبرٕ نمبر 345 مَنٛز مٔرتھ لبنہٕ، ییٚتہ یہِ جورٕ تانؠ روزان ٲسؠ ییٚلہ زن تہنٛد گرٕ اوس مرمت تہٕ رنٛگ کرنہٕ یوان۔ تھرورس آیہِ تمہ وِزِ أمؠ سٕنٛز لاش ؤچھنہٕ ییٚلہِ سۄ شامس شٔنٛج تہٕ پتہٕ ؤژھنہٕ کہیٖن۔ تٔمہ دِژ دلہ ہنٛز پُلیٖسس اِطلاع، ییٚمہ ہوٹلہ پیٚٹھٕ لاش حٲصل کٔرِتھ پوسٹ مارٹم باپتھ سوزٕکھ۔ ابتدٲئی رپورٹو مطٲبق اوس سنندس پؠٹھ شک ز أمؠ چھِ پانس خۄدکشی کٔرمٕژ۔ پتہٕ آیہِ رپورٹن مَنٛز وننہٕ زِ مرنٕچ وجہ ٲس غٲر فطری آل انڈیا انسٹی ٹیوٹ آف میڈیکل سائنسز کیٚن ڈاکٹرن دِژ اِبتدٲیی پوسٹ مارٹم رپورٹ یَتھ مَنٛز أمہ سٕنٛدس جسمس پؠٹھ زخمن ہٕنٛد نشانہٕ ظٲہر گٔؠ۔ تمو وۆن زِ یِم زخم چھِ موتُک کارن ٲستھ یا تہٕ ہیٚکن م نہٕ ٲسِتھ۔ پوسٹ مارٹمہٕ سٟتؠ چھِ پتا گژھان زِ سۄ چھیہ ڈرگزن ہِنٛز زیٛادٕ مؠقدارٕ سٟتؠ، زیٛادٕ تر ممکنہ طور پٲٹھؠ نشہٕ ڈرگز، باقی مضبوٗط دواہ تہٕ شاید شراب سٟتؠ۔ سب ڈِویجنَل مجسٹریٹ دِیُٛت زہرک وجہ ہنٛد جٲیزٕ نِنُک تہٕ یہٕ پتا لگاونُک حکم زِ یہِ اوسا قَتٕل یا خۄدکشی۔ أمہ سٕنٛز لاش آیہ جۆنوٗبی دلہ مَنٛز لودھی شمشانس مَنٛز أنتم سنسکار کرنہٕ۔

کیمس ہسپتال تِرُوَنَنتا پوٗرَم ڈاکٹرن، یمو کیٚنٛہہ دۄہ برٛونٛہہ أمؠ سٕنٛز جانچ کٔرمٕژ ٲس، وۆن زِ پۄشکرس اوس نہٕ صحتک کانٛہہ سخٕت مسلہٕ۔ تاہم، تٔمؠ اوس ہوٹل پؠٹھ أمؠ سٕنٛز لاش حٲصل گژھنہٕ کیٚن گھنٛٹہٕ برٛونٛہہ ٹُویٹر جوابس مَنٛز پنٛنہ مرنٕچ اِطلاع دژمٕژ۔

جُلَے 2014 ہس مَنٛز گۆو أمؠ سٕنٛد مرنس پؠٹھ تنازٕ بڑیو ییٚلہ اے آٮٔی آٮٔؠ ایٚم ایس ڈاکٹر سُدھیر گپتاہن کۆر دعوا زِ أمس پؠٹھ آو مقدمس مَنٛز غلط رپورٹ دنہٕ خٲطرٕ دباو تراونہٕ۔ 10 اکتوبر 2014 ہس مَنٛز کۆر تیم سٟنٛد مرنٕچ تحقیقات کرن وٲلؠ طبی ٹیمن یہِ نتیجہٕ اخذ ز سۄ گُزرے زہرٕ سٟتؠ۔

6 جَنؤری 2015 کۆر دہلی پُلیسن اِطلاع زِ سنندا آیہ قَتٕل کرنہٕ تہٕ کٔرٕن اَتھ مُتعلق فرسٹ انفارمیشن رپورٹ درج۔ سُننٛدا سٕنٛد گریلو سہارٕن کۆر الزام ز پشکر اوس اکثر تھرورس سٟتؠ فونس پؠٹھ لڑان، تہٕ أمؠ سٕنٛد مرنہٕ برٛونٛہہ کینٛہہ دۄہ اوس تھرورس دھمکی دوان زِ سۄ کرِ "پرٛیٚتھ کینٛہہ چیٖز فاش" تہٕ یِتھ پٲٹھؠ گژھہِ سُہ "ختم"۔

بی جے پی سیاست دان سبرامنیم سوامی ین کٔر جَنؤری 2015 ہس مَنٛز تھرورس خَلاف یہِ مقدمہٕ لڑنٕچ کوٗشش۔ 20 مئی 2015 دیت ٹرائل کورٹن دلہ ہنٛز پُلیٖس أمس مرنہٕ متعلق ترٛؠن شُمارین ہُنٛد لائی ڈیٹیکٹر ٹیسٹ کرنُک اِجازت۔

مئی 2018 ہس مَنٛز آو تھرورس پؠٹھ انڈین پینل کوڈ کس سیکشن 306 تہٕ 498 اے یس تحت پننہ خانٛداریٚنؠ ہنٛدس خۄدکشی تہٕ زنانہِ پؠٹھ ظلمک الزام لگاونہٕ۔ تاہم تھرورن کٔر تمام اِلزامن ہنٛز مزمت۔

18 اَگَست 2021 کۆر دلہِ مَنٛز خصوٗصی عدالتن ششی تھرور سُننٛدا سٕنٛدؠ مرنہٕ کؠن تمام اِلزامن پیٹھہٕ بٔری۔