سلمان فارسی
| سلمان فارسی | |
|---|---|
| اَصٕل ناو عربی زَبانہِ مَنٛز: سَلْمَان اَلْفَارِسِيّ | |
 | |
| پٲدٲیِش | 1 جَنؤری 0568 Kazerun، ایٖران |
| وَفات | جَنؤری 1, 657 (ؤری 89) Ctesiphon، عِراق |
| یَمیُک حِصہٕ | صُحابی |
| مُقامِ دَفَن | Salman Al-Farsi Mosque |
| مُقٲمی زَبان | Middle Persian |
| زَبانہٕ | Middle Persian، Classical Arabic |
| پیٚشہِ | واعظ، military leader، تَرجَمہٕ کرن وول، لِکھٲرؠ |
| طٲلبہٕ عٔلِم | Anas ibn Malik |
| مَزہَب | اِسلام |
| جَنٛگ | جنٛگِ خندق، Battle of Khaybar |
سلمان فارسی (عربی: سَلْمَان ٱلْفَارِسِی، فارسی: سلمان فارسی؛ وفات:652 - 653 عیسوی)، زامُت روزبہ (فارسی: روزبه)، اوس اِسلام پیغمبر محمد صلی اللہ علیہ و آلہ وسلم سُنٛد سٲتھی۔ بِزٲتی چھُ فارسُک ، سُہ چھُ مذہبی پزرٕچ زیٖٹھ تلاش، خندق کِس جنگس مَنٛز پنُن کردار، تہٕ پتہٕ عراقس مَنٛز المدائن کِس گورنر سٕنٛدِ حیثیتہٕ خذمت خٲطرٕ قٲبلِ ذِکر۔[1]
اِبتدٲیی زندگی
[اؠڈِٹ]سلمان اوس فارس کِس شَہَر اصفہانَس یا کازرونس نزدیٖک أکِس گامَس مَنٛز أکِس زرتشتی خاندانَس مَنٛز زامُت۔ تٔمؠ سُنٛد زینہٕ ناو اوس روزبہ۔ زرتُشت مذہبُک أکِس عقیدت مَنٛد سٕنٛدِ حثیتہٕ پرورش کٔرِتھ، پتہٕ کوٚر أمؠ عیسٲے راہبَن سٟتؠ رٲبطہٕ یِنہٕ پتہٕ عیسٲیِیت اختیار۔ تٔمؠ سٕنٛز روحٲنی جستجو کٔر سُہ رہنمٲئی ہٕنٛدس تلاشس مَنٛز واریاہن زمیٖنن مَنٛز۔
اِسلام قبوٗل کرُن
[اؠڈِٹ]سلمان سُنٛد سفر آو ٲخر کار سُہ عرب، ییتہ تٔمِس مدینہ منورس مَنٛز محمد ﷺ مس سمکھنہٕ آو۔ رسول اللہ صلی اللہ علیہ وآلہ وسلم سنٛد پیغام بوٗزِتھ کۆر تیٚم اِسلام قبوٗل تہ بنیوو تہنٛد قریبی سٲتھی ۔ حضرت محمد صلی اللہ علیہ وآلہ وسلم سنٛد وننہٕ چھُہ آمُت:
"سلمان چھُ اَسہِ مَنٛز اکھ، اَہَل بیتَس مَنٛز اَکھ لوٗک"۔
— مُحمد ﷺ
جنٛگن مَنٛز کردار
[اؠڈِٹ]627 عیسویس مَنٛز خندق کِس جنگس (خندق) دوران کوٚر سلمانن فٲصلہٕ کُن کِردار ادا۔ پننِس فارسی پس منظرس پؠٹھ توجہ دِتھ دِژ تٔمؠ مکہ فوجس نش بچاو خٲطرٕ مدینہ منورس أندؠ پٔکھؠ خندق کھننچ تجویٖز۔ یہِ حربہ اوس نہٕ عربن خٲطرٕ بےٚزان مگر محاصرٕ پسپا کرنس مَنٛز گوٚو کامیاب ثٲبت۔
پتہٕ زندگی
[اؠڈِٹ]مُحمد ﷺ سٕنٛدِ وَفات پتہٕ روٗد سلمان مسلم برادٔری مَنٛز سرگرم۔ عمر ابن الخطاب کس خلافتس تحت آو سُہ المدائنُک (موجودٕ بغدادس نزدیٖک) گورنر مقرر کرنہٕ۔ پننہِ عہدٕ باوجوٗد، گُزٲر تٔمؠ سادگی ہٕنٛز زِنٛدگی، اکثر اوس پنٕنؠ کمٲئی خٲراتس مَنٛز دِوان تہٕ عاجزی مَنٛز مِثال پیش کران۔
وَفات
[اؠڈِٹ]سلمان گُزریٛو 653-656 عیسوی مَنٛز المدائنس مَنٛز۔ تٔمؠ سُنٛد مقبرٕ چھُ رؠوٲیتی طورس پؠٹھ تتہٕ واقع تہٕ یہٕ چھُ زیارت کرنچ جاے۔
میراث
[اؠڈِٹ]سلمان چھُ پننہِ تقویٖز، انکسار تہٕ دانشمٲری خٲطرٕ یاد یِوان کرنہٕ۔ تٔمؠ سُنٛد منفرد پس منظر تہٕ زیوٹھ روٗحٲنی سفر چھُ اِسلامٕچ عالمگیریتٕچ علامت یَتھ مَنٛز تمام قومن تہٕ ثقافتن ہٕنٛدین لوٗکن شٲمِل چھِ۔
حَوالہٕ
[اؠڈِٹ]- ↑ Adamec، Ludwig W. (2009). Historical Dictionary of Islam. Lanham, Maryland • Toronto • Plymouth, UK: The Scarecrow Press, Inc. pp. 276–277.