جامِع مَسجِد، سِریٖنَگَر

جامع مسجد، سرینگر
اِجتمٲعی مسجد ، تعٲمیرأتی نِشان
بُنیاد	1402
آبٲیی ناو	بٔڑ مٔشیٖد، جامع مسجد
مَزہَب	اِسلام
مُلُک	ہِندوستان
اِنتِظٲمی حِصَس مَنٛز	• کٔشیٖر ہُنٛد حصہٕ  • سِریٖنَگَر ضِلہٕ   • سِریٖنَگَر
جغرٲفی نۄقطہٕ	34°5′54″N 74°48′33″E
تٲمیرٲتی طَرٕز	Indo-Saracenic architecture
زیادٕ کھۄتہٕ زیادٕ صلٲحیت	33٬333
وِکی ڈیٹا پؠٹھ کٔرِو اؠڈِٹ

بٔڈ مٔشیٖد، سِریٖنَگَر۔ ہٲرِ پَربَتھ چھُ پَس مَنٛظَرَس مَنٛز وُچھنہٕ یِوان۔

جامِع مَسجِد، یَتھ کٲشِر پٲٹھؠ بٔڈ مٔشیٖد وَنان چھِ، چھِ سِریٖنَگرٕ، جۆم تہٕ کٔشیٖرِ، مَنٛز اَکھ اَہَم مٔشیٖد۔ ڈاوُن ٹاوُن نوہاٹا ہس مَنٛز واقِع، ییٚمہِ مٔشیٖدِ ہٕنٛز تٲمیٖر ٲس سُلطان سِکَنٛدَر سٕنٛدؠ طَرفہٕ 1394 عیسوی مَنٛز شۆروٗع کرنہٕ آمٕژ تہٕ شاہِ ہَمَدان سٕنٛدؠ نیٚچِو میٖر مُحَمَد ہَمَدانی سٕنٛدؠ طرفہٕ 1402 عیسوی مَنٛز مُکَمَل کَرنہٕ آمٕژ۔ یہِ چھِ کٔشیٖرِ مَنٛز سارِوٕے کھۄتہٕ اَہَم مٔشیٖدَن مَنٛز اَکھ ماننہٕ یِوان۔

بٔڈ مٔشیٖد چھِ شَہَر کِس مَرکَزَس مَنٛز واقِع۔ کٔشیٖرِ ہٕنٛز مَذہَبی، سِیٲسی زِنٛدگی مَنٛز چھِ یہِ مٔشیٖد اَکھ مَرکَزَی عَلاقہٕ ماننہٕ یِوان۔ پرَٛتھ جُمعَہ دۄہ چھِ مُسَلمان اور یِوان۔ یہِ چھُ سِریٖنَگرُک اَکھ اَہَم سِیٲحتی مُقام تہِ۔

تٲمیٖر

جامِع مٔشیٖد چھِ فارسی فَن تٲمیٖر سٟتؠ واریاہ زیٛادٕ مُتٲثِر۔ یہِ ڈانٛچہٕ چھُ کُل 384 باے 381 فُٹَن پؠٹھ پھٔہلِتھ تہٕ یہِ چھُ چَکور شَکلہِ مَنٛز۔ مٔشیٖدِ ہُنٛد جۆنوٗبی طَرفُک دَروازٕ چھُ أکِس بَنٛد دَروازَس پؠٹھ مشتمل یُس برٛونٛٹھ اۆنٛدروٗنی صحنس کُن چھُ نِوان۔ یہِ صحن چھُ رؠوٲیتی چار باغ مَنصوٗبَس پؠٹھ مبنی تہٕ اَتھ مَنٛز چھُ اَکھ ٹینٛک۔

بیٚیہِ وُچھِو

• خانٕقاہ معلیٰ
• صۆوُر
• حَضرَت بَل دَرگاہ