سجاد غنی لون

سجاد غنی لون
سجاد لون چھُ کھووُرِ طَرفہٕ کرُٛہُن لٲگِتھ
عہدٕ رٹان
جۆم تہٕ کٔشیٖر قونوٗن ساز اسمبلی ہُنٛد رکن عُہدَس مَنٛز 8 اَکتوٗبَر 2024 – ازتام چُناو حَلقہٕHandwara Vidhan Sabha constituency
ذٲتی زِندگی
پٲدٲیِش	1967 ہَنٛدوور
شَہَریَتھ	ہِندوستان
طٲلبہٕ عٔلِم	بَرٕن ہال سکوٗل
پیٚیشہِ	سِیاسَتھ دان
سِیٲسی جمٲژ	جموں اینٛڈ کشمیٖر پیپلز کانفرنس
مول موج	عبدُل غنی لون
عَیال	Shabnam Ghani Lone

سجاد غنی لون (زامُت 9 دَسَمبَر 1966) چھُ اَکھ ہِندوستٲنؠ سیاست دان، تہٕ رکن قونوٗن ساز ایٚسمبلی ہَنٛدوور حلقہٕ پؠٹھ منتخب۔ سُہ چھُ جموں اینٛڈ کشمیر پیپلز کانفرنس صدر۔ سُہ اوس پیپلز ڈیموکریٹک پارٹی-بی جے پی الاینس حکومتس (2014-2018) دوران جموں و کشمیر حکومت کس سوشل ویلفییَر ڈپارٹمنٹک کابینہ وزیر تہٕ۔

شُروٲتی زِندگی

9 دَسَمبَر 1966 زامُت سجاد لون چھُ عبدُل غنی لون سُنٛد نیٚچُو، یُس 2002 مَنٛز قَتٕل کرنہٕ آمُت اوس۔ أمِس چھُ اَکھ بوٚڑ بوے بِلال غنی لون، اعتدال پسند حُریَت جمٲژ ہُنٛد رُکُن تہٕ اَکھ بیٚنہِ شبنم غنی لون، یۄس اَکھ ؤکیل تہٕ آزاد سیاست دان چھِ۔ سجادن کٔر سری نگر کِس برن ہال سکوٗلَس مَنٛز تٔعلیٖم حٲصِل تہٕ 1989 مَنٛز کٔرٕن یوٗنِوَرسِٹی آف ویلز، کارڈف پؠٹھٕ گریجویشن۔ أمِس چھُ جے کے ایل ایف رہنُما امان اللہ خان سٕنٛزِ کورِ اسما خانَس سٟتؠ خانٛدر کٔرِتھ تہٕ یِمن چھِ زٕ نیٚچِوؠ‌۔

پیشہٕ

لون اوس 2000 کِس شُروٗعاتَس مَنٛز حریتَس سٟتؠ وابستہٕ مگر 2004 مَنٛز پننِس مٲلؠ سٕنٛدِ قَتٕل پتہٕ بنیوو پیپلز کانفرنسُک صدر۔ تٔمہِ کوٚر اَمرناتھ زٔمیٖن تبدیٖلی ہِنٛدِس مُظٲہرَس دوران 2008 کِس ایٚسمبلی اِنتِخابس مَنٛز حِصہٕ نِنہٕ نِش اِنکار، تہٕ یِم ہِنٛدُستٲنہِ حُکوٗمتَس خٕلاف بٔڑِس پیمانَس پؠٹھ بغاوت وٕچھنہٕ یِوان، تہٕ امہِ پتہٕ ہوٗرُکھ 2009 کِس عام چُناو مَنٛز بارامُلا حلقہٕ کِس عام اِنتِخابس مَنٛز۔ 2014 کِس جموں و کشمیر قونوٗن ساز اسمبلی چُناو مَنٛز زیٛوٗن أمہِ ہَنٛدوور اسمبلی سیٹ 5,000 کھۄتہٕ زِیٛادٕ ووٹَو سٟتہِ ، یَتھ مَنٛز أمہِ سٕنٛز پارٹی تمام مُقٲمی بلاکَن مَنٛز برٛونٛہہ۔ 2018 ہس مَنٛز، بی جے پی ہٕنٛدِ پی ڈی پی-بی جے پی یکجوتس خٲطرٕ حمایت واپس نِنہٕ پتہٕ کٔر تٔمؠ حکومت بناونٕچ کوٗشش، مگر گورنر ستیہ پال ملِکَن کٔر پنُن دعوا ثٲبت کرنہٕ برٛونٛہہ ایٚسمبلی تحلیل۔

خصوٗصی حیثیتہٕ منسوٗخ کرنٕچ مُخٲلفت

سجاد غنی لون چھُ جۆم تہٕ کٔشیٖر ہُنٛد خصوٗصی حیثیتُک آواز بلند حٲمی روٗدمُت۔ سُہ اوس جموں و کشمیرٕچ خصوٗصی حیثیتہٕ کہِ حِفاظتہٕ خٲطرٕ بناونہٕ آمٕژ سارِنٕے پارٹی جمٲژ ہُنٛد حِصہٕ۔ بی جے پی کِس قیادتس مَنٛز مرکزَن دٔسؠ پرَٛکٕرٲن 370 پٔرِتھ جموں و کشمیرُک خصوٗصی درجہٕ واپس نِنہٕ برٛونٛہہ کینٛہہ گھنٹہٕ برٛونٛہہ آو لون گرس مَنٛز نظر بنٛد کرنہٕ۔ 5 اَگَست آو لون جۆم تہٕ کٔشیٖر پُلیسَن گِرِفتار کٔرِتھ سرینگر کِس جیلَس مَنٛز تھاونہٕ۔ سُہ آو 5 اَگَست 2019 پُلیٖس حراستَس مَنٛز نِنہٕ تہٕ 31 جُلَے 2020 آو حِراستَس مَنٛز یَلہٕ ترٛاونہٕ۔ 2024 کِس جموں و کشمیر قونوٗن ساز اسمبلی اِنتِخابس مَنٛز زیٛوٗن لونَن شُمٲلی کشمیرُک ہَنٛدوور ایٚسمبلی حلقہٕ 650 کھۄتہٕ زِیٛادٕ ووٹَو سٟتؠ ۔

ناماوٲری

• سجاد لون چھُ خلیج ٹایمز، متحدہ عرب اماراتَس مَنٛز 2015 کِس ٹاپ 6 ہِنٛدُستانؠن ہِنٛدِس فہرستس مَنٛز شٲمِل کرنہٕ آمُت۔