سائنا نہوال

سائنا نہوال (پٲدٲیِش 17 مارٕچ 1990) چھِ اکَھ ہندوستٲنہ بیڈمنٹن کھلٲڑ۔ اکَھ سابق عالمی نمبر 1، أمہ چھِ 24 بین الاقوٲمی خطاب زیٖنمٕتہ، یمن مَنٛز دہہ سپر سیریز خطاب شٲمل چھِ۔ حالانٛکہ سٔۄ ووت 2009 ہس مَنٛز دُنیہک دویمِس نمبرس پؠٹھ، مگر یہِ ٲس صرف 2015 ہس مَنٛز ز سٔۄ ٲس دنیہٕچ نمبر 1 درجِہ حٲصل کرنس مَنٛز کامیاب، ییٚمہ سٟتؠ سۄ ہندوستانٕچ وٲحد زنانہٕ کھلٲڑؠ بنییہ تہٕ امِہ پتہٕ بنییہ یہِ کارنامہ انجام دن واجیٚنہ دویم ہندوستٲنہ کھلٲڑؠ۔ أمِہ چھِ اَولمپکَس مَنٛز ترٛیٚیہ لٹِہ ہنٛدستانٕچ نمٲئندگی کٔرمٕژ، تہٕ لندنس مَنٛز 2012 ہس مَنٛز دۄیمس موقعس پیٚٹھ کٔرٕن کانسہ میڈل حٲصل۔

نہوالن چھِ ہندوستان باپتھ بیڈمنٹن مَنٛز واریاہ اہم قدم حٲصل کٔرمٕتہ۔ سۄ چھےٚ وٲحد ہندوستٲنہ ییٚمہ پرٛؠتھ بی ڈبلیو ایف بڑؠن انفرٲدی ایونٹن مَنٛز کم از کم اکَھ تمغہٕ زیٖنمٗت چھِ، یَتھ زَن اولمپکس بی ڈبلیو ایف ورلڈ چیمپئن شپ تہٕ بی ڈبلیو ایف عالمی جونیئر چیمپین شپ چھِ۔ سۄ چِھےٚ اولمپک میڈل زینن واجیٚنہ گۄڈنچ ہنٛدستٲنہ بیڈمنٹن کھلٲڑؠ، بی ڈبلیو ایف ورلڈ چیمپین شپ کِس فاینلس تام واتن واجیٚنہٕ واجیٚنٛڑ ہندوستٲنہ، تہٕ بی ڈبلیو ایف عالمی جونیئر چیمپین شپ زینن وازیٚنہ گۄڑنچ ہندوستٲنہ۔