رام چندر کاک
رام چندر کاک | |
|---|---|
| عۄہدٕ رَٹان | |
جۆم تہٕ کٔشیٖر ہُنٛد ؤزیٖرِ اعظم عُہدَس مَنٛز 1 جوٗن 1945 – 11 اَگست 1947 برٛونٛہہ حقدارBenegal Narsing Rau پتہٕ حقدارJanak Singh | |
| ذٲتی زِندگی | |
| پٲدٲیِش | 5 جوٗن 1893 سِریٖنَگَر |
| وَفات | 10 فرؤری 1983 (وٲنٛسہِ 89 ؤری) |
| شَہَریَتھ | ہِندوستان, بَرطٲنوی راج, ہِنٛدُستٲنؠ راجیہِ |
| پیٚیشہِ | مٲہر انسانیات, archaeologist, سِیاسَتھ دان |
رام چندر کاک (5 جوٗن 1893 - 10 فَرؤری 1983) اوس 1945-1947 ہَس دوران جۆم تہٕ کٔشیٖرِ ہُنٛد ؤزیٖر اعظم ۔[1] یہِ عۄہدٕ حٲصِل کَرن والؠو واریاہ کم کٲشِرؠ پنڈتَو منٛزٕ اَکھ، کاکَس ٲس برطانوی راجہٕ پؠٹھٕ ہِندوستان تہٕ پٲکِستان کِس آزاد راجیہِDominions مَنٛز اِقتِدارٕچ منتقلی ہٕنٛدِس پریشان آبَس مَنٛز پَکُن مُشکِل کٲم۔
کاک اوس اَکھ سرکردہ مٲہر آثار قدیمہ تہِ یٔمؠ وادی کٔشیٖر مَنٛز کین پرٛٲنؠ چیٖز اہم مقامن ہِنٛز کھُدٲے کٔر تہٕ تمن پؠٹھ اَکھ قطعی مقالہٕDefinitive thesis لیٛۆکھ۔
شُروٲتی زِنٛدگی
[اؠڈِٹ]رام چندر کاک اوس سِریٖنَگَر کِس أکِس مشہوٗر کٲشِرؠ پنڈت پٔریوارس مَنٛز زامُت۔ رام چندر کاک اوس کیشو لال کاک (زامُت: 1873) سٕنٛدِ سَتن شُرؠن (ژور نیٚچِوؠ تہٕ ترےٚ کورِ) تہٕ بھاگیشوری دیوی سٕنٛدِ سَتَو شُرؠن مَنٛز دویِم۔ أمؠ گُزٲر پنٕنؠ شُروٗعٲتی زِنٛدگی سرینگر کِس گُرگُرؠ محلس مَنٛز۔ کاکَن کٔر 1913 ہَس مَنٛز سری پرتاپ کالجٕ پؠٹھٕ گرٛیجویشن تہٕ آثار قدیمہٕ چہِ تربِیتہٕ خٲطرٕ ژارنہٕ برٛونٛہہ کٔرٕن ایم اے خٲطرٕ داخلہٕ۔ 1914 پؠٹھٕ 1919 تام کٔر کاکَن جان مارشلس نِش تربِیت۔
پیشہٕ
[اؠڈِٹ]تربِیت پتہٕ بنیوو رام چندر کاک جموں و کشمیرُک محکمہٕ آثار قدیمہُک سپرنٹنڈنٹ (پتہٕ ڈایریکٹر)، ایس پی ایس میوزیمُک کیوریٹر تہٕ مہاراجہ ہری سِنٛگھ سٕنٛز پرایویٹ لایبریری ہُنٛد لایبریرین۔ تٔمؠ ترقی کٔر چیٖف سیکرٹری (1934)، انسپکٹر جنرل آف کسٹمز اینڈ ایکسایز (1935)، سیٲسی مشیر (1938)، وزیر فوجی امور (1941)، تہٕ وزیر انتظار (1942-1945) عۄہدٕ۔
ؤزیٖرِ اعظم (جوٗن 1945-اگسٹ 1947)
[اؠڈِٹ]انگریزن ہٕنٛدِس نیرنس دوران مُقرر کرنہٕ آمُت، کاکَن کٔر کشمیر چو تحریٖکُک انتظام: 1946 مَنٛز کوٚرُن مارشل لا ہُنٛد اعلان، شیخ عبداللہ ہؠتھ کٔرٕن نیشنل کانفرنسٕکؠ رہنُما گِرِفتار (3 ؤرؠ یَن ہُنٛد سزا)، نہروٗ سُنٛد اژُن رُکووُن تہٕ کانگریسٕچ رَہٲیی ہٕنٛز عرضی رَد۔ تٔمؠ کٔر آے این سی یَس پؠٹھ احتجاجٕچ حمایت کرنَس پؠٹھ تنقیٖد، پٹیلَس سٟتؠ سمکھیوٚو (ییٚمؠ عبداللہ سٕنٛز رَہٲیی پؠٹھ زور دِیُت۔ کاکن کوٚر اِنکار)، تہٕ کٔرٕنؠ ہِندوستان یا پٲکِستانس سٟتؠ رلنس پؠٹھ کٔشیٖرِ ہٕنٛز آزٲدی خٲطرٕ زور۔
جوٗن 1947 ہَس مَنٛز کوٚر ماؤنٹ بیٹنَن پٲکِستانُک دورٕ تہٕ کوٚرُن اِشارٕ، مگر کاکَن دِیُت مہاراجہ ہری سنگھَس أکِس ؤرؠ یَس تام آزاد روزنُک مشورٕ۔ کاکَن سمکھیوو جناح ہس (ییٚمؠ ہندوستانَس مَنٛز رلنس نِش نَکار کوٚر)، وی پی مینن (بچٲوِتھ کَتھ باتھ؛ ہندوستانَن کٔر سیکورٹی امدادٕچ درخاست )، تہٕ گاندھی (ییٚمؠ کاک سٕنٛز غٲر مقبولیت نوٹ کٔر۔ کاکن کٔر اِستعیفہٕ دِنٕچ پیشکش)۔
برطرف تہٕ پتہٕ نٔتیٖجہٕ
[اؠڈِٹ]کاک آو 11 اَگَست 1947 مَنٛز برطرفDismissal کرنہٕ، تہٕ أمؠ سٕنٛز جایہِ آو جَنَک سِنٛگھ بناونہٕ۔ مہاراجہ سٕنٛدِ ہِنٛدُستانس کُن منتقل گژھنہٕ تہٕ قٲدؠن خٲطرٕ معٲفی دِنہٕ دوران آو گرس مَنٛز نظر بنٛد کرنہٕ۔ بٔڑؠ بٔڑؠ عہدٕدار آیہِ برطرف کرنہٕ ("کلہٕ ژٹنہٕ")۔ کاک آو ژھۆٹِس کالس خٲطرٕ نوکری مَنٛز واپس مگر پننِس دورس مُتعلِق کوٚرُن انکار۔ نیرنٕچ کوٗشِش آیہِ رُکاونہٕ، عیالس آو نیرنُک اِجازت۔
حملہٕ پتہٕ (اکتوبر 1947)، قبیٖلہٕ چھاپن دوران بادام باغس مَنٛز حراست۔ أمِس آو پٲکِستٲنؠ تعلقاتن ہُنٛد الزام لاگنہٕ۔ 1948 مَنٛز آو عوٲمی طور پریڈ کرنہٕ، 1948 مَنٛز آو مقدمہٕ چلاونہٕ: دۄن الزامن مَنٛز آو بٔری، ترٛیمِس مَنٛز آو مُجرِم قرار دِنہٕ، پتہٕ آیس معٲفی دِنہٕ (دِلہِ ہٕنٛدِس دباوَس مَنٛز) مگر کٔشیٖرِ مَنٛز آیس پابندی کرنہٕ۔ کسولی کُن گۆو رِٹٲر۔ 1959 ہٕکؠ عدالتن کٔر ٹوٗٹھexternment منسوٗخ مگر اخلٲقی بدحالی ہٕنٛدِ سزا کِنؠ کوٚرُکھ أمِس پیٚنشن دِنس نِش انکار۔ پتہٕ اوس پننِس مرنس تام سِریٖنَگَر تہٕ کَسولی درمیان وارِ وارِ گژھان یِوان۔
ذٲتی زِندگی
[اؠڈِٹ]رام چندر کاکَن کوٚر 1901 مَنٛز جانکی دیوی (زامٕژ: 1894) سٟتؠ خانٛدر۔ یِمَن ٲسؠ پانٛژ نیٚچِوؠ—شیلیندر، نریندر ، برجیندر، سُریندر تہٕ کھیمیندر - تہٕ اَکھ کوٗر، یۄس لۄکچارس مَنٛز مۄیہِ۔ یِمو ٲس کاک سٕنٛز زُر بیٚنزٕ لیلا تہِ منٛگتہٕ رٹمٕژ۔ دیوی گُزرے 1928 مَنٛز سِلہٕ سٟتؠ۔
1935 ہَس مَنٛز کوٚر کاکَن مارگریٹ میری سٟتؠ خانٛدر۔ کھیمیندر، رایل انڈین اییَر فورسُک اَکھ پایلٹ، مۄیہِ 1945 مَنٛز رِسل پورَس نزدیٖک أکِس ہوٲیی حٲدِثس مَنٛز۔ اَمہِ سٟتؠ گوٚو کاک سؠٹھاہ مُتٲثِر۔
مٲہرین تٲلیٖم
[اؠڈِٹ]رام چندر کاک نِش ٲس نیٖلماتا پُرانٕکؠ زٕ مُکمل شاردا لِکھٲرؠ نِظامٕچ کاپیہِ، ییٚلہِ کے ڈی وریس سٕنٛدِ دٔسؠ اَکھ تنقیدی ایڈیشن تیار اوس کرنہٕ یِوان۔
کاکن لیۆکھ 1933 ہس مَنٛز کٲشرِ آثار قدیمہ پؠٹھ اَکھ مقالہٕ یُس کٔشیٖرِ ہٕنٛزِ قدیم یادگارن ہُنٛد عنوان اوس۔ فرانسس ینگ ہسبینڈن لیۆکھ کتابہِ ہُنٛد دیباچہ۔ اَتھ کتابہِ مَنٛز اوس مُسلمان حکمرانن ہٕنٛدِ دٔسؠ مندرن ہٕنزِ تبٲہی پؠٹھ تیوٗت توجہ دِنہٕ آمُت زِ سُہ گوٚو ناشرن کینٛہہ "غٲر متعلقہٕ" عنوان ہٹاونس پؠٹھ مجبوٗر تاکہ فرقہ وارانہٕ ہم آہنگی گژھہِ متٲثر سپدِ۔[note 1] کٔشیٖرِ ہٕندِس سیٲسی توٲریخس پؠٹھ أکِس عنوانس مَنٛز چھُ اِسلٲمی حکمرٲنی ہٕندِس صٔدی ہُنٛد "اَنٛدادُن لوٗٹ کرن وٲلؠ، وحشیانہ تہٕ پۄتَل تباہIconoclasm کرن وٲلؠ" ہاونہٕ آمُت۔ توٲریٖخ دان مِردوٗ راے چھُ تٔمؠ سٕنٛزِ کامہِ ہُنٛد حوالہٕ دِوان زِ ریاستی محکمہٕ آثار قدیمہ کِس عام مَنصوبَس مَنٛز چھُ ہیٚندؠن مُسلمانن پؠٹھ مختلف براہ راست تہٕ بالواسطہٕ ذٔریعہٕ ترجیٖح دِنہٕ خٲطرٕ۔ اننیا جہاں آرا کبیر چھِ یِتھؠ مشاہدات دٔہراوان۔[note 2]
کِتابہٕ
[اؠڈِٹ]- Handbook of the archaeological and numismatic sections of the Sri Pratap Singh Museum, Srinagar. Government Press. 1923.
- Ancient Monuments of Kashmir, With a Foreword By Sir Francis Younghusband, and an Introduction By A. Foucher. India Society. 1933.
- Memoirs of the Archaeological Survey of Kashmir. Publ. under the authority of the Kashmir Durbar. Archaeological Survey of Kashmir, [Repr.] Sagar Publ. 1971.CS1 maint: others (link)
نوٹ
[اؠڈِٹ]- ↑ ہَٹاونہٕ آمٕتؠ أکِس عنوانس منٛز اوس سکندر شاہ میری أکِس خون خوار مسلمان ہاونہٕ آمُت یٔمؠ سُنٛد 'دٲیمی فریاد اوس ہیٚنٛدؠن تہٕ ہیندؠن مندر ختم کرٕنؠ، زالُن، تباہ کرُن' ۔ تٔمِس اوس سینٛٹ بارتھولومیو دۄہ کِس قتل عامُک ذمہٕ وار چارلس نٔومس سٟتؠ ہاونہٕ آمُت۔
- ↑ اتھ کتابہِ منز ٲسؠ کٔشیٖرِ ہٕنٛدِ منظرن ہٕنٛزِ ترٛےٚ تصویرٕ، شےٚ اسلامی مقامن ہٕنٛز، تہٕ شیٹھ برٛونٛہہ از اسلام ورثٕچ تصویرٕ۔
حَوالہٕ
[اؠڈِٹ]- ↑ Varenya، Varad (17 May 2011). "No big fuss over the win". Center Right India. Archived from the original on 28 May 2012. Retrieved 13 August 2012.