جیٖجی حدیٖد

جیٖجی حدیٖد
15 جُلَے 2025 ہَس مَنٛز
پٲدٲیِش	جیلینا نورا جیٖجی حدیٖد 23 اپریٖل 1995  (وٲنٛس 31) لاس ایٚنٛجلِس
شَہَریَتھ	اَمریٖکہ
طٲلبہٕ عٔلِم	Malibu High School
پیٚیشہِ	ماڈَل
عَملی ؤری	1997
مُلٲزِم	IMG Models
نفری	IMG Models
شریٖک	Cody Simpson (2013–2015) Joe Jonas (2015–2015) زین ملِک (2015–2021) لیونارڈو ڈی کیپریو (2022–2023) برٛیڈلی کوٗپَر (2023–)
شُرؠ	1
مول موج	Mohamed Hadid  Yolanda Hadid
رشتہٕ دار	Daher el-Omar
عَیال	Anwar Hadid, بیلا حدید, Marielle Hadid, Alana Hadid, Aydan Nix
ماڈلِنٛگ زان
تھَزر	5 فُٹ 11 آنٛچہِ (1.80 میٖٹَر)
مَستُک رَنٛگ	کاژُر
أچھَن ہُنٛد رَنٛگ	نیٛوٗل-سبٕز

جیلینا نورا جیٖجی حدیٖد چھےٚ اَکھ امریکی فیشن ماڈل تہٕ ٹیلی وِجَن شخصیت۔ 2016 ہس مَنٛز آو تس برٹش فیشن کونسل کہ طرفہٕ بین الاقوٲمی ماڈل آف دی ییَرک ناو دنہٕ۔ 2017 پیٹھہٕ، حدیٖد چھَ دُنؠ‌یاہک سارِوٕے کھۄتہٕ زیٛادٕ معاوضہٕ ننہٕ وٲلؠ ماڈلن مَنٛز اَکھ، یمؠ 20 ملین ڈالر کمٲے۔

شُروٲتی زِندگی

جیلینا نورا حدیٖد زاے 23 اپریل 1995 لاس ایٚنٛجلِس، کیلیفورنیا مَنٛز۔ تٔمؠ سٕنٛز موج یولانڈا حدید چھےٚ ڈچ سٲبِقہٕ ماڈل، تہٕ مول محمد حدید چھُ فَلسطیٖنی-امریکی رییل سِٹیٹ ڈیولپر۔ جیٖجی چھےٚ بیلا تہٕ انوَر سٕنٛزِ بٔڑ بیٚنہِ۔

ماڈلِنٛگ پیشہٕ

جیٖجی کٔر 2 ؤرِشہِ مَنٛز ماڈلِنٛگ شروٗع بیبی گیٚسBaby Guess خٲطرٕ۔ سکوٗل خٲطرٕ کوٚر تٔمؠ وقفہٕ، تہٕ 2011 مَنٛز کٔرٕن IMG ماڈلز سٟتؠ سایِن۔ 2014 مَنٛز آیہِ سۄ نیویارک فیشن ویٖک پؠٹھ۔ تٔمؠ کٔر وِکٹوریا سیکرٹ، شانل، فینڈی، ورساچی، تہٕ پرٛاڈا خٲطرٕ واک۔ سۄ آیہِ 50+ ووگ کَورَن پؠٹھ تہٕ 2016 مَنٛز بَنییہِ "ؤرِیِچ بین الاقوامی ماڈل"۔

انداز تہٕ برٛینٛڈ

جیٖجی چھےٚ پنٛنِس "تمام امریکی" انداز، گرم جوش شخصیت، تہٕ سٹریٹ سٹایِل خٲطرٕ مَشہوٗر۔ سۄ چھےٚ ہایی فیشن تہٕ روزمرہ پَلَو آسان پٲٹھؠ مِلاوان۔ تٔمؠ کٔر ٹومی ہِلفیگر سٟتؠ ٹومی x جیٖجی کلیکشن، تہٕ 2022 مَنٛز لانٛچ کٔرٕنؠ پَنُن نؠٹ وییر برٛینٛڈ گیسٹ اِن ریزیڈینس۔

ذٲتی زِندگی تہٕ سرگرمی

جیٖجی تہٕ زین ملِک ٲسؠ 2015 پیٚٹھٕ 2021 تام اِکہٕ وَٹ، تہٕ تِمن چھِ اَکھ کوٗر، کھایی۔ سۄ چھےٚ پنٛنِس فَلسطیٖنی ورثَس پؠٹھ فخر کران، تہٕ تٔمؠ چھُ یوٗنیسیف، بلیک لایفز میٚٹر، تہٕ فلسطیٖقن خٲطرٕ پونٛسہٕ جَمع کٔرمٔژ۔ سۄ چھےٚ مینٹل ہیلتھ مُتلق تہٕ کھُلہٕ پٲٹھؠ کتھ کران۔ جیٖجی تہٕ بیلا چھِ دُنؠ‌یاہَس مَنٛز ساروٕے کھۄتہٕ مَشہوٗر بیٚنؠن ہِنٛز جورٕ۔ تِم چھِ اکثر اِکہٕ وٹ شۄزshows کران تہٕ اَکھ أکِس سٕنٛزِ مَدَتھ کران۔ تِمَن چھُِ "حدیٖد بیٚنہِ" وننہٕ یِوان، تہٕ تِمَن کوٚر دُنؠ‌یاہُک فیشن بدلنَس مَنٛز بۆڈ کردار ادا۔