جۆم تہٕ کٔشیٖر پَبلِک سٔروِس کَمِشَن

جۆم تہٕ کٔشیٖر پَبلِک سٔروِس کَمِشَن
سَرکٲرؠ ایجنسی
بُنیاد	2 سَتَمبَر 1957
جغرٲفی نۄقطہٕ	34°3′19″N 74°47′58″E
یَتھ دٲیرٕ اِختِیارس پؠٹھ لاگوٗ	جۆم تہٕ کٔشیٖر
وؠب سایِٹ	http://jkpsc.nic.in
خدمَت	جۆم تہٕ کٔشیٖر حکوٗمت
صَدٕر دَفتَر مُقام	سولُن، سِریٖنَگَر، جۆم تہٕ کٔشیٖر
مَتَن	سارنٕے ہِنٛدِ خٲطرٕ اِنصاف کرُن تہٕ یِتھٕ پٲٹھؠ وُچھنہٕ یُن
وِکی ڈیٹا پؠٹھ کٔرِو اؠڈِٹ

جموں و کشمیر پبلک سروس کمیشن (جے پی پی ایس سی) چھِ مرکزی زیر انتظام علاقہٕ جموں و کشمیر، ہندوستانُک اَکھ ٲیینی اِدارٕ یُس جۆم تہٕ کٔشیٖر ہُنٛد ٲییٖن ذریعہٕ آرٹیکل 128 پؠٹھ 137 تام چھُ قٲیِم آمت کرنہٕ۔ یہِ چھُ اَکھ خود مۄختیار اِدارٕ یُس حکومت جموں و کشمیر تحت مختلف سرکٲرؠ نوکرین خٲطرٕ مُقابلہٕ امتحانات کہ ذٔریعہٕ مٗقابلکن ہنٛز اہلیت تہٕ ریزرویشن کین اصوٗلن مطٲبق مُکملن ہِنٛز برتی خٲطرٕ ذمہٕ دار چھِ۔

پَس مَنٛظٕر

مَخصوٗص عُہدَن پؠٹھ تَعیُناتی خٲطرٕ ریاستی سَطحَس پؠٹھ مُقابلہٕ دار اِمتِحان مُنَقٕد کَرنُک تَصَوُر آو 1954-1957 مَنٛز زیرِ غور۔ اَمہِ برٛونٛہہ ٲس نہٕ ریاسَتھ مَنٛز کانٛہہ بَاقٲعِدٕ بَرتی ایجَنسی۔ 31 دَسَمبَر 1954 مَنٛز آو اَکھ پَبلِک سٔروِس رِکرٛوٗٹمَنٹ بورڈ بَناونہٕ۔

تَوٲریٖخ

ڈوگرہ راجَس دوران کٔر مہاراجہ ہَری سِنٛگھَن 1941 مَنٛز گۄڈٕنِکہِ لَٹہِ ریاسَت مَنٛز سِوٕل سٔروِس اِمتِحانٕچ شُرُوعات۔ آغا ناصر علی اوس گۄڈنیُک کٲشِر یُس سول سٔروِس اِمتِحانس مَنٛز سارِوٕے کھۄتہٕ ٹاپ حٲصِل کٔر ییٚلہِ یہِ گۄڈنِچہِ لَٹہِ 1941 ہس مَنٛز (جے کے پی ایس سی بطورِ کمیشن بناونہٕ برٛونٛہہ)۔ پَتہٕ آو جۆم تہٕ کَشیٖر پَبلِک سٔروِس کَمِشَن 2 سَتَمبَر 1957 مَنٛز جۆم تہٕ کَشیٖرٕکؠ ٲیینُک سیکشَن 128 تَحَت قٲیِم کَرنہٕ۔ میجَر جَنرل یادَو ناتھ سِنٛگھ ٲسؠ اَمِکؠ گۄڈٕنِکؠ چیئر مین۔

دربار مو

مُکَمَل مَضموٗن: دربار مو

رکن

کمیشنَس مَنٛز چھِ 4 رکن پؠٹھ مشتمل، یِمَن مَنٛز چیئرمین تہِ شٲمِل چھِ یِم مخصوٗص کردارن خٲطرٕ مُختٔلِف عہدَن پؠٹھ فٲیدٕ تھاوان چھِ

ناو	عہدٕ	پٔتِم دفتر
اے کے چوہدری	چیئرمین	آئی پی ایس
سنجیٖو گُپتا	ممبر	ڈسٹرکٹ اینڈ سیشن جج
طارق احمد خان	ممبر	ڈائریکٹر جنرل پلاننگ ڈیپارٹمنٹ
بشیٖر احمد ڈار	سیکرٹری	ڈائریکٹر جنرل سوشل ویلفیئر
زُبیر احمد رضا	ممبر	ڈسٹرکٹ جج ڈوڈہ

فَرٲیِض تہٕ کامہِ

کَمِشَنٕکؠ اَہَم فَرٲیِض تہٕ کٲم چھِ یِم:

• یونِیَن ٹیرِٹَری ہٕنٛدؠن سِوٕل سٔروِسَن مَنٛز تَعیُناتی خٲطرٕ اِمتِحان مُنَقٕد کَرُن۔
• سِوٕل سٔروِسَن تہٕ سِوٕل عُہدَن خٲطرٕ بھَرتی ہٕنٛدؠن طریٖقَن پؠٹھ سَرکارَس مَشوَره دِیُن۔
• تَعیُناتی، تَرقی (پَرموشَن)، تہٕ اَکہِ سٔروِس پؠٹھٕ بیٚیہِ سٔروِس مَنٛز تَبادلَن (ٹرانُسفَر) مُتَلِق اصوٗلَن پؠٹھ مَشوَره دِیُن۔
• تَادیٖبی (Disciplinary) مُعاملَن پؠٹھ مَشوَره دِیُن یِمَن مَنٛز سَرکٲرؠ مُلٲزِم شٲمِل آسَن۔
• پرٛؠتھ ؤری چھُ کَمِشَن پَنٕنؠن کامؠن ہُنٛد رِپورٹ لیفٹِنینٹ گَوَرنَرَس پیش کَران۔
• اہلکارَن تہٕ عوٲمی انتظامیہ ہٕنٛدِس طٔریٖقَن ہٕنٛدِس اطلاقَس ہٕنٛز چھان بین تہٕ تجزیہٕ کَرُن تہٕ جموں و کشمیر کِس متعلقہٕ ایگزیکٹو اتھارٹی تہٕ قانون سازیہ ہٕنٛز رپورٹ کَرٕن۔

کَمِشَنٕچ طَرفہٕ مُنَقٕد کَرنہٕ یِنہٕ وٲلؠ اِمتِحان

جۆم تہٕ کَشیٖر پَبلِک سٔروِس کَمِشَن چھُ یِم اَہَم اِمتِحان مُنَقٕد کَران:

• کَمبایِنڈ کَمپِٹِٹِو اِگزامِنایشَن (CCE): جۆم تہٕ کَشیٖر اِنتِظٲمی سٔروِس (JKAS)، جۆم تہٕ کَشیٖر پُلیٖس سٔروِس (JKPS)، تہٕ جۆم تہٕ کَشیٖر اَکاؤنٹس سٔروِس مَنٛز بھَرتی خٲطرٕ۔
• مَحکُمہٕ جٲتی اِمتِحان (Departmental Examinations): مُختَلِف سَرکٲرؠ مَحکُمَن مَنٛز تَرقِیہِ خٲطرٕ۔
• باقی اِمتِحان: میڈِکَل آفِسَر، اَسِس ٹینٹ پروفیسَر، سِوٕل جَج، تہٕ اِنجِنیئَرِنٛگ سٔروِس خٲطرٕ بھَرتی اِمتِحان۔