جنٛگِ اُحد

جنٛگِ اُحد
Muslim–Quraysh War حِصہٕ
تٲریٖخ 23 مارٕچ 625 مُقام Mount Uhud، مدیٖنہ مُنَورا، عرب پَرلانٛکھ نتیٖجہٕ قُریشو زیٛوٗن
لڑن وٲلؠ
	مُسَلمان

اُحدُک جَنٛگ، اِسلامی تَواریٖخَس مَنٛز اَکھ اَہَم واقع، شَوال 3 ہِجری (مارٕچ 625 عیٖسوی) مَنٛز مَدینہٕک مُسلمانن تہٕ مکہ کین قُرَیشی مُشرکینن درمیان اُحد پہاڑ کِس نزدیٖک لڑنہٕ آو۔ یہِ جَنٛگ گۆو جنٛگِ بَدَر پتہٕ اَکھ ؤری۔ یَتھ مَنٛز مُسلمانو قُرَیشس پؠٹھ اَکھ شاندار فتح حٲصِل ٲس کٔرمٕژ۔

جَنٛگُک پس منظر

بدر کِس جَنٛگس مَنٛز ہار رٔٹِتھ أس قُریش سخت پریشان تہٕ بَدلہٕ نِیٛو ٲس یژھان۔ تِمو کوٚر بدر کِس جَنٛگس مَنٛز مارنہٕ آمتین ہُنٛد بَدل نِنہٕ تہٕ مُسلمانن ہٕنٛز بڑھان طاقت رُکاونٕچ کوٗشِش۔ اَبوٗ سُفیان سٕنٛز قیادت مَنٛز کوٚر قُرَیشو 3000 فوجی تہٕ 200 گُرِ سوارن پؠٹھ مُشتَمِل اَکھ مضبوٗط فوج تیار۔

اَتھ مقابلس مَنٛز، مُسلمانن ہنٛز تعداد صرف 700 ﺄس۔ حضرت محمد صلی اللہ علیہ و آلہ وسلمن کوٚر شُروعس مَنٛز مَدینہٕ شہرس مَنٛز روزِتھ دِفاع کرنُک مَشورٕ دِیُتمُت، مگر نوجوان صحابین ہٕنٛدِس جوش و جذبس برعکس آو یہِ فٲصلہٕ کرنہٕ زِ شہرا پؠٹھٕ نیٚبر نیرِتھ دُشمن سٟتؠ مُقابلہٕ کرنہٕ۔

جَنٛگُک وَاقعہٕ

جَنٛگ شُروع گژھنہٕ برٛونٛہہ، حضرت محمد صلی اللہ علیہ و آلہ وسلمن کوٚر 50 تیٖر اندازن ہُنٛد اَکھ دستہٕ اُحد پہاڑ کِس أکِس دامنَس پؠٹھ تعیِنات یَتھ "جَبَلِ الرُماة" ونان چھِ۔ تِمَن اوس یہِ حُکم دِنہٕ آمُت زِ کُنہِ تہِ صوٗرتس مَنٛز پنُن جاے مہٕ ترٲوِن، چاہے جَنٛگُک نتیجہٕ کُنہِ تہِ طَرفہٕ آسہِ۔

جَنٛگُک آغاز مُسلمانن ہِنٛدِس حقس مَنٛز گو۔ مُسلمانو کٔر قُرَیشی فوجس پؠٹھ سخت حملہٕ تہٕ تِم گَیہٕ مٲدان ترٲوِتھ۔ ییٚلہِ مُسلمان تیٖر اندازو قُرَیشی فوجس ژلان وُچھ، تِمو مَنٛزٕ کینٛہَن کوٚر یہِ سوچِتھ پنُن جاے ترٛوو زِ جَنٛگ چھُ ختٕم گومُت تہٕ مالِ غنیمت جمع کرُن چھُ ضۆروٗری۔

تیٖر اندازن ہٕنٛز طرفہٕ اَتھ حُکم نظر انداز سٟتؠ گۆو جَنٛگُک تختَے دُبہٕ۔ قُرَیشی گُرِ سوار دستہٕ، ییٚمِیُک سَربَراہ خالِد بِن وَلیٖد اوس، کوٚر مُسلمانن پؠٹھ پَتھٕ کُن حملہٕ۔ اَتھ اچانک حملس سٟتؠ گَیہِ مُسلمان فوجس مَنٛز اَکھ افراتفری تہٕ تِہنٛدِ صفہٕ گَیہِ اور یور تہٕ واریاہ صحابی ژٔلؠ تہٕ کینٛہہ مُحمد ﷺ سٟتؠ تتی کھڑا روٗد یِمن مَنٛز حضرت علی تہٕ شٲمِل ٲسؠ۔

اَتھ جَنٛگس مَنٛز گو مُسلمانن واریاہ نۄقصان۔ حضرت حمزہؓ، حضرت محمد صلی اللہ علیہ و آلہ وسلم سٕنٛدؠ پیٚتٕر، گَیہِ شَہید۔ تِمَن علاوٕ گَیہِ 70 صحابہ کرام تہِ شَہیٖد۔ حضرت محمد صلی اللہ علیہ و آلہ وسلم پانہٕ تہِ گَیہِ اَتھ جَنٛگس مَنٛز زخمی۔

جَنٛگُک نتیجہٕ تہٕ سبق

اُحد کِس جَنٛگس مَنٛز گو مُسلمانن بظاہر شِکست، مگر اَتھ جَنٛگس مَنٛز چھِ مُسلمانن خٲطرٕ واریاہ اَہَم سبق تہِ۔ أمؠ جنٛگن ہیٚچھنو زِ زِٹھ سٕنٛز زان تہٕ حُکمن ہٕنٛز فرمٲنی کِتھ پٲٹھؠ چھِ ضۆروٗری۔ اَتھ واقعن کوٚر مُسلمانن ہُنٛد ایٖمان تہِ مضبوٗط۔ یۄدوَے قُرَیشو زَن جَنٛگ زیٛوٗن، مگر تِمو ہؠۆکھ نہٕ مَدینہٕس پؠٹھ قبضہٕ کٔرِتھ تہٕ گٔیہ ناکام تہٕ واپس گٔیؠ مکہ۔ اِتھ پٲٹھؠ، اُحدُک جَنٛگ گو اِسلامی تَواریٖخس مَنٛز اَکھ اہم موڑ ثٲبِت، ییٚمِ سٟتؠ مُسلمانو صبر، ہوشیار تہٕ قیادتٕچ اَہَمِیَتھ ہیٛۆچھ۔