بھارتُک ٲییٖن
| بھارتُک ٲییٖن | |
|---|---|
| اَصٕل ناو اَنگیٖزؠ زَبانہِ مَنٛز: Constitution of India | |
 | |
| ٲییٖن، لؠکھِت کٲم | |
| یَمیُک حِصہٕ | ہِندوستانُک قونوٗن |
| عُنٛوان | Constitution of India |
| مُلُک | ہِندوستان |
| یَتھ دٲیرٕ اِختِیارس پؠٹھ لاگوٗ | ہِندوستان |
| مُصَنِف | Constituent Assembly of India، Parliament of India |
| شایَع تٲریٖخ | 26 نَوَمبَر 1949 |
| وَقٕت | 26 جَنؤری 1950 |
| وؠب سایِٹ | https://egazette.nic.in/writereaddata/1949/e-2358-1949-0000-109779.pdf |
| شۄزٕراون وٲلؠ | list of amendments of the Constitution of India، Goa, Daman and Diu Reorganisation Act, 1987، North-Eastern Areas (Reorganisation) Act, 1971 |
| شایَع کَرنہٕ آمُت | The Gazette of India |
| ناو یا کامہِ ہٕنٛز زَبان | اَنٛگریٖزی زَبان، ہِندی زَبان (باقٕے مُختٔلِف ہِندوستٲنؠ زبانن مَنٛز تہٕ ترجُمہٕ شٲمِل، یَتھ منٛز کٲشِر زَبان تہِ شٲمِل چھِ) |
| کٲشِرؠ خٲطرٕ وؠب سایِٹ/حَوالہٕ | https://www.legislative.gov.in/static/uploads/2025/07/86f73abe946eaefe5da5707583fa788a.pdf |
_Cover.png)
بھارتُک ٲییٖن[1]، بارتُک ٲییٖن یا ہِنٛدُستانُک ٲییٖن چھُ ہِنٛدُستانُک سارِوٕے کھۄتہٕ بٔڑؠ قونوٗنی دستاویز تہٕ دُنیاہُک سارِوٕے کھۄتہٕ زیوٗٹھ لیٖکھنہٕ آمُت قومی ٲییٖن۔ دستاویز چھُ سُہ فریم ورک وضع کران یُس بنیٲدی سِیٲسی ضابطہٕ، ڈانچہٕ، طریقہٕ کار، اختیارات، تہٕ فرائضن ہنٛز نِشاندہی کران چھُ تہٕ بنیٲدی حقوٗق، ہدایتی اصول، تہٕ شہرین ہنٛد فرائض بیان کران چھُ۔[2][3][4][5]
ہِنٛدُستانٕچہِ ٲییٖن ساز اسمبلی منظوٗر 26 نَوَمبَر 1949 ہس مَنٛز تہٕ گوٚو 26 جَنؤری 1950 ہَس مَنٛز لاگوٗ۔ یہِ بَنیٛوو مُلکُک بُنیٲدی حُکوٗمتی دستاویز، تہٕ ڈومینین آف انڈیا بَنیٛوو جمہوٗرِیہ ہِنٛدُستان۔ ٲیینی خۄدمختاری یقینی بناونہٕ خٲطرٕ، امکؠ بناون والیو کٔر آرٹیکل 395 مَنٛز برطانوی پارلیمنٹٕکؠ گۄڈنِکؠ ایکٹ منسوٗخ۔ ہِندوستان چھُ پَنُن ٲییٖن 26 جَنؤری دۄہ، جمہوٗریہ دۄہ مناونہٕ یِوان۔
ٲییٖن چھُ ہِنٛدُستانس اَکھ خۄدمۄختار ، سوشلسٹ، سیکولر تہٕ جمہوٗرِیٲیی جمہوٗرِیَت قرار دِوان، پنٛنؠن شہرِین انصاف، برابری تہٕ آزٲدی ہُنٛد یقین دِوان تہٕ بٲے چارس زور دِنٕچ کوٗشش کَران۔ 1950 ہُک اصلی ٲییٖن چھُ نیہِ دِلہِ ہٕنٛزِ پارلیمینٹ لائبریری عمارتہِ مَنٛز نائٹروجن سٟتؠ بٔرِتھ أکِس معاملَس مَنٛز محفوٗظ تھاونہٕ آمُت۔
ٲییٖنُک مَقصَد
[اؠڈِٹ]ہِندوستانُک ٲییٖن چھُ مُلکُک سارِوٕے کھۄتہٕ بوٚڈ قونوٗن تہٕ یہِ چھُ وضاحت کران زِ ہِندوستانَس پؠٹھ کِتھ کٔنؠ چھِ حوٚکوٗمَتھ کرنہٕ یِوان۔ یہِ چھُ ہِنٛدُستانس بطور جمہوٗرِی جمہوٗرِیہ بیان کران تہٕ چھُ برابری، آزٲدی تہٕ مذہبی آزٲدی ہِوین بُنیٲدی حقوقن ہِنٛز ضمانت دِوان ، ییٚلہِ زن شہرِین ہٕنٛدؠ فَرٲیض تہِ فہرِست چھِ دِوان۔ ٲییٖن چھُ حوٚکوٗمَتھ، عدالتَن تہٕ پارلیمنٹٕک کِردار مُقرر کران، مرکٔزی تہٕ رِیاستی حُکوٗمَتن درمیان تعلُقاتن ہٕنٛز وضاحت کران، تہٕ چُناو، ہنگٲمی حالاتن تہٕ ٲیینس مَنٛز تبدیٖلی ہٕنٛدِ قٲیدٕ فراہم کران۔
باقی ہِندوستٲنؠ زَبانن مَنٛز ترجمہٕ
[اؠڈِٹ]ہِندوستان کِس ٲییٖنُک ترجمہٕ چھُ ہِندوستٲنؠ جمہوٗرِیہ چھُ 22 ہن شیڈول زَبانَن مَنٛز صِرِف کینٛہَن مَنٛز کرنہٕ آمُت۔
ہِندی ترجم
[اؠڈِٹ]ہِندوستٲنؠ ٲییٖنُک ہِنٛدی ترجمہٕ چھُ خاص طور ہِندی زَبانَن مَنٛز گۄڈنیُک ترجمہٕ۔ 1948 ہس مَنٛز، ٲییٖن ساز اسمبلی بناونہٕ پتہٕ تَقریٖبَن دۄیہِ ؤری پتہٕ، راجندر پرسادَن دِژ رگھو ویرا تہٕ تٔمؠ سٕنٛدِس ٹیمَس ٲییٖنُک انگریزی متن ہِنٛدی مَنٛز ترجمہٕ کرنٕچ ذمہٕ دِنہٕ۔
بَنٛگٲلؠ ترجم
[اؠڈِٹ]ہندوستان کِس ٲییٖنُک ترجمہٕ آو گۄڈنِچہِ لٹہِ انگریزی پؠٹھٕ بَنٛگٲلؠ زبانہِ مَنٛز کرنہٕ تہٕ 1983 مَنٛز شایع کرنہٕ۔
میتی ترجم
[اؠڈِٹ]ہِندوستان کِس ٲییٖنُک ترجمہٕ آو گۄڈنِچہِ لٹہِ انٛگریٖزی زَبانہِ پؠٹھٕ میتی زبانہِ (سرکٲرِ طور منی پوٗری زَبان ونان) مَنٛز ترجمہٕ کرنہٕ تہٕ یہِ آو 3 جَنؤری 2019 شایع کرنہٕ۔
اوڈیا ترجم
[اؠڈِٹ]ہِندوستان کِس ٲییٖنس آو گۄڈنِچہِ لٹہِ انٛگریٖزی زبانہِ پؠٹھ اوڈیا زبانہِ مَنٛز ترجمہٕ کرنہٕ تہٕ 1 اپریل 1981 شایع کرنہٕ۔
سنسکرت ترجم
[اؠڈِٹ]ہِندوستان کِس ٲییٖنس آو گۄڈنِچہِ لٹہِ انٛگریٖزی زَبانہِ پؠٹھ سَنٛسکرِت زَبانہِ مَنٛز ترجمہٕ کرنہٕ تہٕ 1 اپریل 1985 شایع کرنہٕ۔
تٲمِل ترجم
[اؠڈِٹ]تامِل زبانہِ مَنٛز آو ہندوستانُک ٲییٖنُک 4 ہِم ایڈیشن 2021 مَنٛز شایع کرنہٕ۔
میتھلی ترجم
[اؠڈِٹ]2010 ہس مَنٛز کوٚر میتھلی ساہتیہ سنٛستھان سیکریٹری بھیروا لال داسن پانَے ہِنٛدُستٲنؠ ٲییٖنُک اَکھ میتھلی ترجمہٕ شایع۔ یِتھیہ کٔنؠ کوٚر 26 نَوَمبَر 2024 دۄہ، ٲییٖن دۄہ کِس موقعس پؠٹھ ہِنٛدُستانٕکؠ صدرن سرکٲرؠ طور ہِندوستٲنؠ ٲییٖنُک میتھلی نسخُک آغاز۔
کٲشُر ترجم
[اؠڈِٹ]
نَوَمبَر 2025 ہَس مَنٛز آو ہِندوستان کِس ٲییٖنَس کٲشِرؠ زَبانہِ مَنٛز ترجمہٕ کرنہٕ۔ سرکٲرؠ ترجمہ اوس ہِندوستٲنؠ سرکار کِس وزارت قانون و انصافس تحت کشمیر یونیورسٹی ہٕندِ اکہِ ٹیٖمہِ تیار کورمُت تہٕ سنٹرل انسٹی ٹیوٹ آف انڈین لینگویجز (سی آئی آئی ایل)، میسور کہِ ذٔریعہٕ کرنہٕ آمُت۔ یہِ پراجیکٹ گوٚو سَتَمبَر 2023 مَنٛز شۆروٗع تہٕ مارٕچ 2025 مَنٛز گوٚو مکمل۔ اَتھ مَنٛز اوس پروفیسر اعجاز محمد شیخن سہکٲری کٔرمٕژ، یِم اہم ترجمہ کار تہٕ مٲہر زباندان سٕندِ حثیتہٕ کٲم کٔر۔ کٲشرِ ترجمہٕ آو ٲیینی دۄہ (27 نَوَمبَر 2025) دروپدی مرموہن نیہِ دِلہِ مَنٛز باقٕے ہِندوستٲنؠ زبانن مَنٛز ترجمہٕ تہِ جٲری کرنہٕ، یِمن مَنٛز ملیالم، مراٹھی، نیپٲلؠ، پنجابی، بوڈو، تیلُگوٗ تہٕ آسامی شٲمِل چھِ۔ سرکٲرؠ ذرایعو مُطٲبِق چھُ کٲشرِ نسخُک مقصد کٲشِرؠ بولن وٲلؠ شہرین خٲطرٕ ٲییٖنی متنن تام رسٲیی بہتر بناوُن تہٕ یہِ چھُ ہِندوستٲنؠ سرکار کِس قانون ساز محکمہٕ کہِ ذٔریعہٕ دٔستِیاب۔[6]
حَوالہٕ
[اؠڈِٹ]- ↑ "In a historic first, Constitution of India translated in Kashmiri". The Times of India (Times Group). 31 December 2025. https://timesofindia.indiatimes.com/india/in-a-historic-first-constitution-of-india-translated-in-kashmiri/articleshow/126258698.cms.
- ↑ Krithika, R. (21 January 2016). "Celebrate the supreme law". The Hindu. ISSN 0971-751X. OCLC 13119119. Archived from the original on 21 December 2016. https://web.archive.org/web/20161221074638/http://www.thehindu.com/features/kids/Celebrate-the-supreme-law/article14011992.ece. Retrieved 24 July 2018.
- ↑ Pylee، Moolamattom Varkey (1994). India's Constitution (5th rev. and enl. ed.). New Delhi: R. Chand & Company. ص. 3. ISBN 978-8121904032. OCLC 35022507.
- ↑ Original edition with original artwork - The Constitution of India. New Delhi: Government of India. 26 November 1949. Archived from the original on 22 March 2019. Retrieved 22 March 2019.
- ↑ "Preface, The constitution of India" (PDF). Government of India. Archived (PDF) from the original on 31 March 2015. Retrieved 5 February 2015.
- ↑ "Constitution of India – Authoritative Texts in Indian Languages". Legislative Department, Government of India. Ministry of Law and Justice. Retrieved 10 January 2026.