بِلال بِن رَباح

بِلال بِن رَباح
ذٲتی
پٲدٲیِش	581  مکہ، حِجاز، عرب (آزُک سوٗدی عرب)
وَفات	642, 641  دمشق
ٲخری جاے	Bab al-Saghir Cemetery
مَزہَب	اِسلام
مول موج	رَباح (مول) حماماح (موج)

بِلال بِن رَباح الحباشی یا بِلال حبشی (عربی: بلال بن رباح الحبشی؛ c۔ 580 – 640 عیسوی) اوس رسول اللہ صلی اللہ علیہ و آلہ و سلم سُنٛد قریبی سٲتھی تہٕ اِسلامس مَنٛز چھ گۄڑنِک بٲنٛگؠ ماننہٕ یوان۔ مکہ مَنٛز غۄلٲمی مَنٛز زامُت، ابوبکر سٕنٛدِ طرفہٕ آزاد گژھنہٕ برٛونٛہہ کٔر تٔمِس اِسلام قبوٗل کرنہٕ خٲطرٕ شدیٖد ظلم و ستم برداشت کرنہٕ۔ بِلال گو پننہٕ سرٛوٚن ایمان، وفاداری، تہٕ پننہٕ واضح تہٕ زیٖٹھ آوازٕ خٲطرٕ مشہوٗر۔

اِبتدٲیی زندگی

بِلال زاے 580 عیسوی مَنٛز أکِس حبشی ماجہِ حمامہ یس غۄلام ٲس۔ أمؠ سٕنٛدِس مٲلؠ سٕنٛز پہچان چھِ کم دستاویزی شکل دِنہٕ آمٕژ۔ بِلال اوس پانہٕ امیر قریش سردار امیہ ابن خلفن غلام بنومُت، یٔمؠ سٕنٛدِس ملکیتس مَنٛز اوس تٔمؠ سخت حالاتن مَنٛز کٲم کران۔ پننہِ غلامی باوجوٗد اوس بِلال سٕنٛدِ طاقت، برداشتہٕ تہٕ ایماندٲری خٲطرٕ تعریف کرنہٕ یِوان۔

اِسلام قبوٗل کرُن

ییلہ محمدﷺمن اِسلامچ تبلیغ شۆروٗع کٔر، بلال اوس گۅڈنچہ لٹہِ مذہب تبدیٖل کرن والین مَنٛز شٲمل۔ تٔمؠ سٕنٛدِ مذہب تبدیل کرنہٕ سٟتہِ كھۆت أمہِ سٕنٛدِس آقا اُمیہ شرارت ، یٔمہِ أمِس مکہ کِس تزانن واجِنہِ ریگستانی سیٚکہِ مَنٛز عذابُک نشانہٕ لگٲو۔ اِسلٲمی رؠوایت مطٲبق چھ اذیت دنہٕ دوران بلال بار بار "اَحَد، اَحَد" (اللہ تعالیٰ چھُ اَکھ۔ تٔمؠ سٕنٛز ہؠکَتھ بنییہِ ثٲبت قدمی ہٕنٛز علامت۔ ٲخر کٔر سُہ محمد صلی اللہ علیہ وآلہ وسلم سُنٛد ابتدٲیی تہٕ بہٕترین سٲتھی ابوبکر الصديقن ہیوٚت تہٕ کۆرُکھ آزاد۔

بٲنٛگؠ سٕنٛدؠ پٲٹھؠ کردار

بِلال سٕنٛز طاقتور تہٕ وُزٕ وُزٕ کروٕنؠ آوازِ بنے محمدﷺمن سُہ گۄڈنیُک بٲنٛگؠ مقرر تہٕ تٔمِس مُسلمانن نؠمازن خٲطرٕ بُلاونُک اعزاز دِیُت۔ یِمو کوٚر یہِ کِردار محمد صلی اللہ علیہ وآلہ وسلم سٕنزِ پوٗرٕ زندگی ادا تہٕ چھُ رسول اللہ صلی اللہ علیہ وآلہ وسلم سٕندِ سرکٲرؠ دعوت دِنہٕ وٲلِس پٲٹھؠ یاد کرنہٕ یِوان۔ 632 عیسویس مَنٛز محمد صلی اللہ علیہ وآلہ وسلم سٕندِ وَفات پتہٕ ترٲو بِلال یہِ احساس زِ رسول اللہ صلی اللہ علیہ وآلہ وسلم سٕنزِ غٲر موجوٗدگی مَنٛز ہیکہِ نہٕ باقین نؠمازِ خٲطرٕ بُلٲوِتھ۔ تاہم، کیٚنٛہن موقعن پؠٹھ، مثلن خلیفہ عمر سٕندِس درخواستس پؠٹھ مدینہ منورس مَنٛز، وننہٕ چھ یوان زِ تمو پۆر بێیہِ ، ییمہ سٟتؠ واریاہن صحابن اوٚش وۆتھ۔

فوجی کِردار

بِلالن کۆر اِبتدٲیی مسلمانو طرفہٕ لڈنہٕ آمت کینٛہہ اہم جَنٛگن مَنٛز حصہٕ، یَتھ مَنٛز جنٛگِ بدٕر (624 عیسوی)، ییتھ مَنٛز وننہٕ چھُ یوان زِ تم اوس پنُن سٲبقہٕ آقا امیہ ابن خلف قَتٕل کۆرمُت۔ تٔمؠ کٔر احد تہٕ خندق کؠن جَنٛگن مَنٛز تہِ حصہٕ، تہٕ کٔرن نہ صرف بٲنٛگؠ بلکہِ جنٛگجوٗ سٕنٛدِ حیثیتہٕ تہِ مُسلِم برادٔری ہٕنٛز خدمت ۔

پتہٕ زندگی تہٕ وَفات

بِلال حبشی سٕنٛز قبر مُبارک باب الصغیر مقبر،دمشقس منٛز

رسول اللہ صلی اللہ علیہ وآلہ وسلم سٕندِ وَفات پتہٕ درٛاو بِلال مدینہ ترٛٲوتھ شامس مَنٛز بسنہِ۔ سُہ روٗد عمر ابن خطاب سٕنٛدِس خلافتس دوران 640 عیسوی مَنٛز پننِس وَفاتس تام اتہِ زندٕ۔ بِلال آو دمشقس مَنٛز باب الصغیر مقرس نزدیٖک دفن کرنہٕ، ییتہ از تہِ تہنٛد مقبرس پؠٹھ چھِ گژھان۔

میراث

بِلال ابن رَباح چھ سٲرؠسٕے مسلم دنیاہس مَنٛز ایمان، عقیدت تہٕ اسلامچ عالمگیریت ہٕنٛز علامت پٲٹھؠ احترام یوان کرنہٕ، یُس نسل تہٕ سمٲجی طبقہٕ کھۄتہٕ بالاتر اوس۔ تٔمؠ سٕنٛز زِندگی چھِ اکثر اِسلامُک نسٕل پرستی مُسترد کرنٕچ مِثال پٲٹھؠ پیش یوان کرنہٕ، تکیازِ سُو، اَکھ سٲبقہٕ غۄلام افریقی، مگر ووت محمد ﷺ سٕنٛدین صحابن مَنٛز سارِوٕے کھۄتہٕ زیٛادٕ معزز عہدن تام۔