بَیٛن الحَرمَیٛن
| بَیٛن الحَرمَیٛن | |
|---|---|
| مُقٲمی ناو | |
نظارٕ اتہِ پؠٹھ | |
| جاے | کربلا، عِراق |
| نۄقطہٕ | 32°37′00″N 44°02′03″E / 32.61667°N 44.03417°E |
| عَلاقہٕ | 48,000m²[1] |
| سِیاح | 13 مِلیَن (اکتوبر مَنٛز, 2018)[2] 50 مِلیَن (پرٛؠتھ ؤری)[3] |
  عِراقس مَنٛز جاے | |
بَیٛن الحَرمَیٛن (عربی: بَیْن الحَرَمَیْن، رومنایزڈ: Bein al-Ḥaramayn)، یُس بین الحَرمَیٛن تہِ ونان چھِ، چھ امام حسین استان تہٕ عباس استان ہس درمیان علاقہٕ، یُس 378 میٖٹَر کس فاصلس پؠٹھ چھُ۔ وننہٕ چھُ یِوان زِ یہِ ٲس سۄ جاے یتؠن کربلا کِس جنگس مَنٛز لڑٲے سپٕز۔[4]
ماضی مَنٛز ٲس نہٕ یہِ علاقہٕ دۄنہِ مزارن ہُنٛد دَرمیٲنی خٲلی جایہٕ، بلکہِ یہِ ٲس اَکِس بٔڑؠ سڑکہِ تہٕ واریاہن گٔلِیَن مَنٛز تقسیٖم، یَتھ مَنٛز رِہٲیشی تہٕ تِجٲرتی عمارتہٕ موجود ٲسؠ۔ بعثی دورس مَنٛز دۄنہِ حرمَن ہُنٛد درمیانی عمارتہٕ والنہٕ، تاکہٕ اَتھ جایہِ خٲطرٕ تٔیار گژھِ سُہ علاقہٕ یُس اَز “بین الحرمین” ناو سان مشہوٗر چھُ۔ 2003 ہِنٛد عراقس پؠٹھ حملہٕ پتہٕ شُروع کرِ دۄنہِ حرمَن ہِنٛد اِنتظامیہِ اَکھ منصوبہٕ، یَتھ مَنٛز یہِ علاقہٕ تہٕ مزار دۄنۆے مزید ترقی دِنہٕ آیہِ، تاکہٕ کربلا ہِنٛد مقدس مزارن خٲطرٕ اَکھ بَڑٕ یِکہٕ وَٹ احاطہٕ تیار گژھہِ۔
ناوُک آگُر
[اؠڈِٹ]بَیٛن الحَرمَیٛنُک مطلب چھُ عربی پٲٹھؠ بین مطلب دَرمِیان تہٕ الحَرمَیٛنُک مطلب زٕ استان/مزار، تہٕ امیُک پوٗرٕ مطلب چھُ دۄن استانن/مزارن دَرمِیان۔
مُقام
[اؠڈِٹ]بین الحرامین چھُ عراق کِس کربلا کِس دۄن اہم ترین مزارن درمیان واقع۔ یہِ علاقہٕ چھُ امام حسین مزارس تہٕ مزارس العباس رلاوان۔
اہمیت
[اؠڈِٹ]
یہِ جاے چھِ شیعہ مسلمانَن ہٕنٛدِ دٔسہِ مُقدس ماننہٕ یِوان تِکیٛازِ یہِ چھُ کربلا کِس جنگَس سٟتؠ تعلُق۔ اَتھ مَنٛز چھُ خاص طور پٲٹھؠ عاشورہ تہٕ اربعین ہیون مذہبی رسومات دوران رش آسان۔
وؠستار
[اؠڈِٹ]یہٕ علاقہٕ چھُ اَکھ یلہٕ پیدل پکن والؠن ہنٛز جاے یُس زیارت کرن والؠن تہٕ نظار ؤچھَن والؠن ہُنٛد ذریعہٕ اِستِمال چھُ گژھان۔ یہِ اوسُکھ دۄن استانَن درمیان اَکھ واضح تہٕ قٲبِل رسٲیی جاے فراہم کرنہٕ باپتھ تیار کرنہٕ آمُت۔
حَوالہٕ
[اؠڈِٹ]- ↑ Ali Al-Ansari، R. M. (30 June 1997). Holy shrines of Karbala: architectural study with a historical background of the area between and around the two holy shrines of Karbala-Iraq (doctoral thesis). University of Wales Trinity Saint David. p. 7.
- ↑ "Malayin al-Zuwar Fi Karbala Li Ihyaa Arba'iniyat al-Imam al-Husayn" [Millions of pilgrims in Karbala to revive the Arbaeen pilgrimage]. France 24 ( عربی زَبانہِ مَنٛز). 2018-10-30. Retrieved 2020-04-30.
- ↑ "al-Ataba al-Husayniya Tastamlik 31 Alf Mitr Dhimn Mashroo' al-Tawsi'a Bikulfat 200 Milyar Dinar" [The Imam Husayn Shrine acquires 31 thousand square metres as part of the expansion plan worth 200 billion Iraqi dinars]. almadapaper.net ( عربی زَبانہِ مَنٛز). Retrieved 2020-04-30.
- ↑ al-Khazraji، Nadhir (31 January 2010). Nuzhat al-Qalam [The Expedition of a Pen] ( عربی زَبانہِ مَنٛز). London, UK: Hussaini Centre for Research. ص. 306. ISBN 978-1-902490-74-8.