مؠقناطیٖس تَصویٖر سٲزی

وِکیٖپیٖڈیا پؠٹھٕ، اَکھ آزاد اِنسایکلوپیٖڈیا
(ایم آر آی سِکینَر پؠٹھٕ رُجوع مُکرَر)
ایم آر آی
ایم آر آی تَصویٖر
MeSHD008279
MedlinePlus003335

میگنِٹِک ریزونینٕس اِمیجِنگ یا مؠقناطیٖس تَصویٖر سٲزی (اَنٛگریٖزی: MRI) چھِ اَکھ طِبی تَصویٖر سٲزی تَکنیٖک یۄس ریڈیالجی مَنٛز پوٗرٕ جِسمُک ڈانٛچہٕ تہٕ کٲمہِ ہٕنٛز عَملہٕ وُچھنہٕ خٲطرٕ اِستِمال گَژھان چھِ۔ یہِ طِبی ٹؠسٹ چھُ ایم آر آی سِکینَر مِشیٖن پؠٹھ کَرنہٕ یِوان۔ اَتھ مَنٛز چھُ مؠقناطیٖس ہُنٛد تہٕ ریڈیو ویووَن ہُنٛد اِستِمال کَرنہٕ یِوان۔ اَمہِ سٟتؠ چھِ اِنسان سٕنٛز اۆنٛدروٗنی شَکل ہیٚکَن بَنٲیتھ۔ اَتھ مَنٛز چھِنہٕ خَطرناک اؠکسرے اِستِمال سَپدان، یہِ چھُ اَتھ کَمپیوٗٹِڑ ٹوموٗگرٛافی تہٕ پازِٹران اِمِشَن ٹوموٗگرٛافی نِش اَلگ کڈان.[1]

ایم آر ای چھُ ہَسپتالَن تہٕ کِلنِکَن مَنٛز طِبی تَشخیٖص، دَرٕجہٕ بَندی تہٕ بؠماریَن پؠٹھ نَظر تھاونَس مَنٛز اَہَم رول اَدا کَرن۔ کَمپیوٗٹِڑ ٹوموٗگرٛافی مہٕندِس مُقابلَس مَنٛز چھُ اَتھ اَصٕل تَصویٖر کَنٹراسٹ. مَگر سَمہِ سٟتؠ چھِ بؠمار ناساز مَحصوٗص کَرنٕچ شِکایَتھ کَرن تِکیٛازٕ اَتھ چھِ واریاہ زیٛادٕ آواز آسان تہٕ بیٚیہِ چھُ تِمَن کَم جاے مَنٛز شۄنگُن پیوان۔ اَمہِ اَلاو چھُ نہٕ یہِ تِمن بؠمارَن یِوان کَرنہٕ یِمَن شِشتٔر دار پَلیٹ یا پِنہٕ چھِ آسان ترٲوتھ.

اَتھ ٲسؠ گۄڈٕ نیوکلیر میگنِٹِک ریزونینٕس اِمیجِنگ (اَنٛگریٖزی: Nuclear Magnetic Resonance Imaging) وَنان مَگر وَنہٕ چھُنہ نیکلیر لَفظٕ گۄڈٕ اِستِمال کَرنہٕ یِوان۔ کیٚنٛہہ اؠٹَم چھِ ریڈیو فریوکنسی جَزٕب کَران ییٚلہِ تِم میگنِٹِک فیلڈَس مَنٛز تَرٛاونہٕ یِوان؛ اَمہِ سٟتؠ چھِ ریڈیو فریوکنسی کویلہِ مَنٛز سِگنَل تَخلیٖق گَژھان تہٕ ہیِ چھِ مَحفوٗظ کَرنہٕ یِوان۔ عام طور چھِ طِبی شَعبَس مَنٛز یاڈروجَن اؠٹَم سِگنَل تَخلیٖق کَرنہٕ خٲطرٕ اِستِمال کَرنہٕ یِوان۔ یاڈروجَن اؠٹَم چھُ اِنسان سٔندِس جِسمَس مَنٛز گۄفور تعدادَس مَنٛز مۆجوٗد، زیٛادٕ تَر آبَس تہٕ چَرٕبَس مَنٛز۔ اَمہِ مَجَہ کِنؠ چھِ زیٛادٕ تَر ایم آر آی سیکین آب تہٕ چَرٕبُک پَتا زانان.

1970 تہٕ 1980 مَنٛز تَخلیٖق تہٕ تَتقی پَتہٕ چھُ ایم آر آی اَکھ اَہَم طِبی تَصویٖر سٲزی تَکنیٖک بَینٲمٕژ۔ یہِ چھِ عام طور تَشخیٖص خٲطرٕ اِستِمال گَژھان مَگر کُنہِ ساتہٕ چھُ یہِ بےٚ جان چیٖزَن ہٕنٛز تَصویٖر سٲزی خٲطرٕ تہٕ اِستِمال گَژھان.

طٔریٖقہٕ[اؠڈِٹ]

طِبی شعبَس مَنٛز چھُ عام طور ہایڈروجَن اؠٹَم، اِستِمال گَژھان، اَتھ مَنٛز چھُ اَکھ پرٛوٹان آسان۔ یِم چھِ جِسمَس مَنٛز اَلگ اَلگ تعدادَس مَنٛز آسان تہٕ ہیندِ گَنیرٕ سٟتؠ تہِ چھِ سِگنَل بَنان، اَتھ سِگنَل پؠٹھ چھِ کٲم کَرنہٕ یِوان تہٕ اَمہِ مَنٛز چھِ شکل بَناونہٕ یِوان۔ چوٗنکہِ پرٛوٹانَن چھُ باقی نزدیکی اؠٹمو سٟتؠ اَثر پؠوان یِمَن سٟتؠ تِمن جوڈ آسہِ، یہِ چھُ مُمکِن الگ الگ چیٖزو پؠٹھ الگ الگ سِگنَل یِنؠ.[2]

ٹؠسٹ کَرنہٕ خٲطرٕ چھُ اَکھ اِنسان ایم آر آی سِکینَرَس مَنٛز تھاونہٕ یِوان، اَمِس أندؠ أندؠ چھُ اَکھ واریاہ طاقَتھ وَر میگنِٹِک فیلڈ بَنان۔ ریڈیو فروکینسی چھِ کُنہِ مَخصوٗص رینجَس مَنٛز ترٛاونہٕ یِوان،. اَمہِ سٟتؠ چھِ اؠٹَمَن جوش یِوان ییٚلہِ ریڈیو فروکینسی چھِ بَند کَرنہٕ یِوان، یِم چھِ یہِ جوش ریڈیو فروکینسی مَنٛز واپَس چھَکان یَتھ اَنٹینا رَٹان چھُ تہٕ سَتھ پؠٹھ کَمپیوٗٹِری کٲم کَرنہٕ پَتہٕ چھِ اَمہِ پؠٹھ تَصویٖر بَناونہٕ یِوان

ایم آر آی سِکینَرُک اَہَم حِصہٕ چھُ میگنِٹ، اَکھ چھُ بۆڈ یا تھۄد میگنِٹِک فیلڈ بَناوَن تہٕ بیٛاکھ چھُ لۄکٕٹؠ میگنِٹِک فیلڈ بَناوَن، لۄکٕٹؠ میگنِٹِک فیلڈ چھِ گریڈیَنٹ کۄیلہٕ بَناوَن۔ تَمام حِصہٕ چھِ کَمپیوٗٹَر سٟتؠ قٲبو کَرنہٕ یِوان.

ایم آر آی

ایم آر آی یَس مَنٛز چھُ میگنِٹ اِستِمال گَژھان، اَمہِ سٟتؠ چھُ میگنِٹِک فیلڈ پٲدٕ سَپدان یُس تَصویٖر سٲزی خٲطرٕ ضۆروٗری چھُ۔ اَتھ میگنِٹَس گَژھِ واریاہ طاقَتھ آسٕنؠ تہٕ گَژھِ پرَٛتھ طَرفہٕ ہیو آسُن۔ اَمٕچ میٖژ چھِ ٹیسلا.

تَصویٖر طَرٕز[اؠڈِٹ]

ٹی 1 تَصویٖر (T1)، ٹی 2 تَصویٖر (T2) تہٕ پروٹان ڈینسِٹی تَصویٖر
سِگنَل ٹی 1 تَصویٖر ٹی 2 تَصویٖر
زیٛادٕ
  • تِم حِصہٕ یِمَن مَنٛز آب زیٛادٕ آسہِ مِثال ٹیوٗمَر، اِنفیکشَن، پَس
دَرمِیٲنؠ
  • گرے-میٹَر تہٕ وایِٹ-میٹَر مَگر گرے چھُ تھوڈا کرٛہُن آسَن
وایِٹ میٖٹَر چھُ گرے میٖٹَر کھوتہٕ کرٛہُن
کَم
  • أڈجہ

طِبی اِستِمال[اؠڈِٹ]

تانَن ہٕندِ نِظامِ مُطٲبِق[اؠڈِٹ]

سِمینٕز میگنِٹرٛام ایرا ایم آر آی سیکین مِشیٖن

ایم آر آی چھِ طِبی تَشخیٖص مَنٛز واریاہ کامہِ اَنٛجام دِوان۔ دُرُس عالمَس مَنٛز چھِ 25000 کھوتہٕ زیٛادٕ سیکینَر۔ اَمہِ سٟتؠ چھُ تَشخیٖص پؠٹھ واریاہ اَثر پؠوان تہٕ صَحت شُعبہٕ چھُ تَرقی کَران.

ایم آر آی چھُ اَکھ اَہَم ٹؠسٹ آپریشَن برٛونٛہہ کینسَرَس دَرٕجہٕ بندی ، تَشخیٖص تہٕ نَظر تھاونَس خٲطرٕ.

نٲرَ ہٕنٛز تَصویٖر سٲزی[اؠڈِٹ]

ایم آر ڈِفیوٗجَن ٹؠنسَر اِمیجِنگ

ایم آر آی چھُ نٲرَن ہٕنٛز تَصویٖر سٲزی خٲطرٕ اَکھ اَہَم آلہٕ۔ اَتھ مَنٛز چھِ ژور کھۄڈٕچ تَصویٖر سی ٹی کھوتہٕ اَصٕل بَنان تہٕ نٲرَن ہُنٛد کَنسَر اَصٕل پٲٹھؠ وُچھنہٕ یِوان۔[3] اَتھ مَنٛز چھِ مینگَن ہٕند زٕ قسم، گرے میٹَر تہٕ وایِٹ میٖٹَر اَصٕل پٲٹھؠ پرزناونہٕ یِوان تہِ یِمَن مَنٛز بؠمارؠن ہُنٛد پَتا وُچھنہ یِوان۔ چونکہٕ واریاہ تَصویٖر چھِ کَم وَقٕتَس مَنٛز تُلنہٕ یِوان، اَمہِ سٟتؠ چھُ یہِ تہٕ وُچھنہٕ یِوان زِ دؠماغ کِتھ بٲٹھؠ چھُ کُنہِ کامہ پؠٹھ اثر ہاوان یَمہ سٟتؠ اَمیچ کٲم کَرنٕچ صَلٲہِیتھ تہٕ وُچھنہٕ چھِ یِوان۔ ایم آر آی چھُ واریاہ سرجریَن مَنٛز وَتھ ہاونٕچ کٲم تہِ دِوان

دِلُک ایم آر آی[اؠڈِٹ]

دِلُک ایم آر آے

دِلُک ایم آر آی یَتھ کاڈیٖک ایم آر آی تہٕ وَنان چھِ اَکھ ٹؠسٹ یُس دِلس کَرنہٕ یِوان چھُ تاکہِ اَمیُک ڈانٛچہٕ تہٕ کٲم کَرنٕچ صَلٲہِیتھ ییٚہِ وُچھنہٕ۔ اَمہِ سٟتؠ چھِ واریاہ بؠماری تہٕ وُچھنہ یِوان.[4]

کرٛیٚہنہٕ ماز تہٕ ہَضٕم نٲلؠ[اؠڈِٹ]

کرٛیٚہنہٕ مازَس چھُ ایم آر آی سؠسہٕ تہٕ باقی بؠمٲرؠ وُچھنہٕ خٲطرٕ کَرنہٕ یِوان۔ اَتھ پؠٹھ چھِ واریاہ محلِق بؠمارِ تہِ نَنان۔ اَتھ مَنٛز چھِ کَنٹراسٹ اَجَنٹ تہِ اِستِمال کَرنہٕ یِوان تاکہِ بؠمارِ یِیَن اَصٕل پٲٹھؠ وُچھنہٕ۔ بایِل نالہِ ہٕنٛز تَصویٖر بَناون خٲطرٕ چھِ T2 تَصویٖر تُلنہٕ یِوان، اَتھ چھِ میگنِٹِک ریزونینٕس پینکرٛیاٹوگرٛافی وَنان.

اینجِیوگرٛافی[اؠڈِٹ]

ایم آر اینجِیوگرٛافی

ایم آر اینجِیوگرٛافی چھِ آرٹری تہٕ ویٖنَن ہٕنٛز تَصویٖر بَناون تاکہِ تِمَن مَنٛز یِیَن بؠمارِ وُچھنہٕ۔ ایم آر اینجِیوگرٛافی چھِ عام طور گَردَن، تھوریسِک اَیوٹا، اَیوٹِک آرٕچ، رینَل آرٹری، کَلچہٕ آرٹری تہٕ باقی وُچھنہٕ خٲطرٕ اِستِمال گَژھان۔ اَتھ مَنٛز چھِ واریاہ تَکنیٖک یِمو سٟتؠ تَصویٖر چھِ بَناونہٕ یِوان، اَکھ چھِ یَتھ مَنٛز گیڈولینِیَم کَنٹراسٹ اَجَنٹ دِنہٕ چھُ یِوان تَصویٖر سٲزی برٛونٛہہ بیٛاکھ چھِ بَہاوس سٟتؠ دارمدار تھاوَن، اَتھ مَنٛز چھِ سِگنَل خوٗن کِس بَہابَہاوس سٟتؠ کَم تہٕ زیٛادٕ گَژھان.

تَکنیٖک یَتھ مَنٛز ویٖن یِیَن وُچھنہ، تَتھ چھِ میگنِٹِک ریزونینٕس وینوگرٛافی وَنہٕ یِوان.

کَنٹراسٹ اَجَنٹ[اؠڈِٹ]

جِسمٕچ ایناٹمی خٲطرٕ چھُنہٕ کَنٹراسٹ اَجَنٹ اِستِمال کَرنہٕ یِوان چۄنٛکہِ تانَن ہٕنٛز بَناوَٹھ چھِ تَصویٖر مَنٛز کَنٹراسٹ ہُنٛد کٲم کَران۔ مَگر کیٚنٛہہ خاص قسمٕچ تَصویٖر سٲزی مَنٛز چھُ کَنٹراسٹ اَجَنٹ ضۆروٗری اِستِمال کَرُن آسان۔ یہِ کَنٹراسٹ چھُ ٲسؠ کِن، پوٗنہٕ کِن یا رَگو کِن بَرنہٕ یِوان۔ عام طور چھِ گیڈولینِیَم دار کَنٹراسٹ اَجَنٹ اِستِمال کَرنہٕ یِوان یُس زیٛادٕ تَر رَگو کِن بَرنہٕ یِوان چھُ۔ یہِ چھُ ایوڈین کَنٹراسٹ، کھوتہٕ یُس ریڈیوگرٛافی مَنٛز اِستِمال گَژھان چھُ.

ایم آر سیوکینٕس[اؠڈِٹ]

اَکھ ایم آر سیوکینٕس چھُ اَکھ خاص طَرٕز یَتھ مَنٛز ریڈیو فروکینسی، گریڈیَنٹ، تہٕ باقی اِختِیار کُنہِ خاص اَندازَس مَنٛز ترٛاونہٕ آسین یِوان تاکہِ تَصویٖر آسہِ کانٛہہ خاص ظٲہِریَتھ۔ کانٛہہ خاص سیکینٕس چھِ کُنہِ چیٖزس زیٛادٕ اَصٕل ہاوان۔ سیکرنس چھِ واریا چیزن پیتھ دارمدار آسن۔

کیٚنٛہہ ایم آر آی سیوکینٕسہٕ چھِ بۄنہٕ کَنہِ؛


جَماتھ سیوکینٕس لوکُٹ ناو مِثال
سُپِن ایکو ٹی 1 تَصویٖر T1
ٹی 2 تَصویٖر T2
پروٹان ڈینسِٹی تَصویٖر PD
گریڈیَنٹ ایکو (GRE) سِٹیڈی سِٹیٹ فریی پِرٛیسیشَن SSFP
ٹی 2 سِٹار T2*
سَسکٹِبِلٹی تَصویٖر SWI
اِنورجَن رِکۄری شارٹ ٹاو اِنورجَن رِکۄری STIR
فِلیوڈ ایٹونیٹِڈ اِنورجَن رِکۄری FLAIR
ڈابل اِنورجَن رِکۄری DIR
ڈِفیوٗجَن تَصویٖر کَنوینشِنل DWI
اؠپارینَٹ ڈِفیوٗجَن کوفشَنٹ ADC
ڈِفیوٗجَن ٹینسر DTI
پٕرفیوٗجَن تَصویٖر (PWI) ڈسینامِک سَسکٹِبِلٹی کَنٹراسٹ DSC
آرٹریَل سُپِن لیبلِگ ASL
ڈاینامِک کَنٹراسٹ ایم آر آی DCE
فَنگشِنَل ایم آر آی فَنگشِنَل ایم آر آی BOLD
میگنِٹِک ریزونینٕس اینجِیوگرٛافی (MRA) تہٕ ویٖنوگرٛافی ٹایِم آف فُلایِٹ TOF
فیز کَنٹراسٹ ایم آر آی PC-MRA
(VIPR)

قسٕم[اؠڈِٹ]

میگنِٹِک ریزونینٕس سُپؠکٹرٛاسقوپی[اؠڈِٹ]

میگنِٹِک ریزونینٕس سُپؠکٹرٛاسقوپی چھُ اَکھ خاص ٹؠسٹ ہُس ایم آر آی مِشیٖن پؠٹھ کَرنہٕ چُ یِوان۔ اَتھ مَنٛز چھِ مُختَلِف

حؠفاظَتھ[اؠڈِٹ]

ایم آر آی چھُ اَکھ مَحفوٗظ تَصویٖر سٲزی تَکنیٖک، مَگر حأدثہ ہیٚکَن اِسٲنی لاپروٲہی سٟتؠ گٔژھتھ.

غٲر ضۆروٗری اِستِمال[اؠڈِٹ]

واریاہَو طِبی تَنظیٖمو چھِ ہیدایَت شایع کَرمَژ یِمَن مَنٛز یہِ واضع چھُ زِ ایم آر کَر گَژھِ اِستِمال کَرنہٕ یُن، تہٕ چھِ غار ضۆروٗری اِستِمال کَرنَس خٕلاف۔ ایم آر آی چھُ واریاہ بؠمارؠ تَلاش کٔرِتھ ہیٚکَن، مَگر یہِ گَژھِ نہٕ گۄڈنیُٛک آلہٕ بَنُن تَشخیٖص کَرنہٕ خٲطرٕ.

باقٕے اِستِمال[اؠڈِٹ]

ایم آر آی چھُ صَنتی طور کیٖمیٲیی عُنصَر تہٕ مُرَکَبن پؠٹھ تٔحقیٖق کَرنس مَنٛز اِستِمال کَرنہٕ یِوان۔ مِثال یہِ چھُ غذا ہَس مَنٛز چَرٕبُک تہٕ آبُک میقدار وُچھنَس مَنٛز اِستِمال کَرنہٕ یِوان.

یہِ چھُ کُلؠن ہٕنٛز ایناٹمی وُچھنہ خٲطرٕ، تہٕ ہُنٛد آب پَکناونُک نِظامِ وُچھنَس مَنٛز اَکھ اَہَم آلہٕ.

تَوٲریٖخ[اؠڈِٹ]

1971 سُٹونی برٛوک یونِورسِٹی مَنٛز کور پال لیوتھر برگَن، اَکھ تَحقیٖق۔ ام کٔرِؠ أکِس جرنَلَس مَنٛز شایع زٕ تَصویٖر دۄن آب ٹیٖوبَن ہٕنٛز .

بیٚیہِ وُچھِو[اؠڈِٹ]

حَوالہٕ[اؠڈِٹ]

  1. Chavhan، Govind B. (2013-01-30). MRI Made Easy ( اَنگیٖزۍ زَبانہِ مَنٛز). JP Medical Ltd. ISBN 978-93-5090-270-7.
  2. "Magnetic Resonance Imaging (MRI)". www.nibib.nih.gov. Retrieved 2022-08-19.
  3. Brown، Russell A؛ Nelson، James A. "The Invention and Early History of the N-Localizer for Stereotactic Neurosurgery". Cureus. 8 (6): e642. doi:10.7759/cureus.642. ISSN 2168-8184. PMC 4959822. PMID 27462476.
  4. Petersen، Steffen E.؛ Aung، Nay؛ Sanghvi، Mihir M.؛ Zemrak، Filip؛ Fung، Kenneth؛ Paiva، Jose Miguel؛ Francis، Jane M.؛ Khanji، Mohammed Y.؛ Lukaschuk، Elena؛ Lee، Aaron M.؛ Carapella، Valentina (2017-02-03). "Reference ranges for cardiac structure and function using cardiovascular magnetic resonance (CMR) in Caucasians from the UK Biobank population cohort". Journal of Cardiovascular Magnetic Resonance. 19: 18. doi:10.1186/s12968-017-0327-9. ISSN 1097-6647. PMC 5304550. PMID 28178995.