اِلیاس کشمیٖری

اِلیاس کشمیٖری
پٲدٲیِش	10 فرؤری 1964  آزاد کٔشیٖر
وَفات	3 جوٗن 2011  جٔنوٗبی وزیرستان ضِلہٕ
مرنُک وجہ	drone warfare
شَہَریَتھ	پٲکِستان
طٲلبہٕ عٔلِم	Allama Iqbal Open University
پیٚیشہِ	مُفتی

اِلیاس کشمیٖری (10 فَرؤری 1964 - 3 جوٗن 2011) اوس اَکھ پٲکِستٲنؠ خصوٗصی دستَن ہُنٛد آپریٹر یُس اِسلامی جہادی دہشت گرد رہنُما بَنیٛوو۔ سُہ اوس جموں و کشمیرس مَنٛز اَکھ بوٚڑ مِلٹَنٛٹ، تہٕ أمؠ اوس تتہِ واریاہن مُقابلن دوران ہِندوستٲنؠ فوجس خٕلاف لوٚڑمُت۔ سُہ آو 3 جوٗن 2011 دوہ جٔنوٗبی وزیرستان ضِلہٕ کِس أکِس احاطس پؠٹھ امریکی ڈرٛون حملَس مَنٛز مارنہٕ۔

زانہِ زِندگی

سُہ اوس پٲکِستان کِس آزاد کشمیٖر کِس بھِمبر علاقس مَنٛز زامُت۔ افواہ ٲس زِ سُہ اوس پٲکِستٲنہِ فوجٕچ خصوٗصی فوجَس مَنٛز شٲمِل گوٚمُت، مگر تٔمؠ کوٚر صحافی سید سلیم شہزادَس سٕنٛدِس أکِس انٹرویوَس مَنٛز اَمیُک اِنکار۔  أمؠ کٔر علامہ اقبال اوپن یوٗنِوَرسِٹی مَنٛز کمیونیکیشنٕچ تٲلیٖم حٲصِل۔

تٔمؠ نیوٗ افغانستانس مَنٛز سوویت جَنٛگس مَنٛز حصہٕ، تہٕ لڑایہِ دوران گۆو تٔمِس اَکھ أچھ تہٕ (شہادت اونٛگٕج/أنٛزِمؠ اۆنٛگٕج:index finger) رۆس۔  جنگہٕ پتہٕ کٔر تٔمؠ کٔشیٖرِ ہٕنٛدِس تناضس مَنٛز باگ نِنہٕ خٲطرٕ ہِندوستانس مَنٛز اسلامی جہاد تحریکس مَنٛز شٲمِل، پتہٕ کٔر أمؠ پنٕنؠ اکٲیی ہٕنٛز بُنیاد یَتھ 313 ہِم بریگیڈ ونان چھِ۔

سُہ آو 1990 کِس دٔہلِس مَنٛز ہِنٛدُستٲنہِ فوجن گِرِفتار کرنہٕ، مگر دۄیو ؤرِیو پتہٕ ژوٚل تہٕ گوٚو پٲکِستان واپس۔  سُہ روٗد ہِنٛدُستانس خٕلاف کاروٲیی جٲری ۔  سُہ گوٚو اَتھ وقتس دوران أکِس ہِندوستٲنؠ فوجی سٕنٛدِس کلہٕ سٟتؠ پننہِ تصویرٕ خٲطرٕ مشہوٗر۔

موتھ

3 جوٗن 2011 ہس مَنٛز لگٲوؠ أکؠ امریکی ڈرٛونن جۆنوٗبی وزیرستانَس مَنٛز أمؠ سٕنٛزِ گاڑِ پؠٹھ اَکھ میزائل یَتھ مَنٛز سُہ تہٕ تٔمؠ سٕنٛدِ نَو سٲتھی ہلاک گٔیہِ۔  باقٕے ترٛےٚ گٔیہِ زخمی۔