اِسرٲیلی-فلسطیٖنی تنازٕ

اِسرٲیلی-فلسطیٖنی تنازٕ
عرب اسرایل تنازٕ، Israel–Palestine relations حِصہٕ
تٲریٖخ 19ہمہِ صٔدی – ازکال مُقام فلسطیٖن (علاقہٕ) حیثیت جٲری غزہ-اِسرٲیل تنازٕ (وقفہٕ وقفہٕ پؠٹھ) غزہ جنٛگ غزہ نسل کشی
لڑن وٲلؠ
یِم جَمٲژٕ لڑان پانہٕ ؤنؠ	اِسرٲیِلی بَچاو فوج All-Palestine Protectorate فَلسطیٖنی آزٲدی تَنظیٖم حماس Palestinian Islamic Jihad Palestinian National Authority
ہلاکتہٕ
دۄشوٕنی طرفن ہِنٛز کُل ہَلاکتہٕ	44٬664 ہَلاکتہٕ

امہِ جَنٛگٕکؠ حِصہٕ

Gaza–Israel conflict 1948 Palestine war Six-Day War یوم کِپور جَنٛگ Palestinian insurgency in South Lebanon First Intifada Second Intifada

اِسرٲیلی-فلسطیٖنی تَنازٕ چھِ اِسرٲیِل تہٕ فلَسطینِیَن ہِنٛد مَنٛز اَکھ بۆڈ تَنازٕع، یُس بنیٲدی طور پؠٹھ زَمیٖن، خۄدمۄختیٲری، پَناہ گٔزٕن ہِنٛد حَق، سَرحدٕ، یَروشَلَم ہُنٛد دَرجہٕ، تہٕ سَلامَتی ہِنٛد مسلن سٟتؠ مُتَعَلِق چھِ۔

بُنیاد تہٕ تٲریٖخی پَس مَنظَر

19م تہٕ 20م صٔدی ہُنٛد شۆروٗع

19م صٔدی ہِنٛد ٲخٕرَس مَنٛز شۆروٗع گٔیہِ صَیہوٗنی تَحریٖک، یَتھ سٟتؠ یٔہوٗدِیَن تٲریٖخی فِلَسطینَس مَنٛز اَکھ قَومی وَطَن بَناوُن ہُنٛد مَقصَد اوس۔یُس اَتھ وَقتس تام عُثمانی سَلطَنَت ہُنٛد حِصہٕ اوس فِلَسطین، یَتھ مَنٛز مُسلمان، یٔہوٗدی تہٕ عیٖسٲے آبٲدی روزان ٲسؠ۔

بَرطانوی مَینڈیٹ 1922-1948

بلفور ڈِکلیریشن

فلسطینی عرب عیٖسٲے ملکیت وٲلؠ اخبار فلاسٹن، 18 جوٗن 1936 منٛز کوٚر صہیونیتس اکھ مگرمچھہِ کس طورس پؠٹھ ہاونہٕ آو، یتھ اکھ بَرطٲنوی افسر اوس رٲچھ کران، تہٕ مگرمچھ ٲس فلسطینی عربن ونان: "ما کھوژِو! بہٕ نؠنٛگلاوو تۄہہِ سُکوٗن سان۔۔۔"

گۄڈنیُٛک جَنٛگ عَظیٖم پَتہٕ بَرطانِیہ کٔرِتھ فِلَسطین پؠٹھ کَنٹرول۔ 1917 مَنٛز "بالفور ڈِکلَریشَن" مَنٛز وُنہِ بَرطانِیہ یٔہوٗدِیَن خٲطرٕ "قومی گَرٕ" بَناونُک حِمایَت گٔیہِ۔ یَتھ پَتھ بَڑے یٔہوٗدِیَن ہُنٛد اِمیگریشن، یَتھ سٟتؠ مُقٲمی عَرَب آبٲدی سٟتؠ تَناو بَڑے۔

اقوام مُتَحدہ ہُنٛد تَقسیٖم مَنصوٗبہٕ 1947

1947 یہوٗدؠ یِوان سَمَنٛدری جہزو کؠتھ ہایفا بندرگاہس کُن

1947 مَنٛز یٔہوٗدی لیڈرو اقوام مُتَحدہ ہُنٛد تَقسیٖم مَنصوٗبہٕ مَنظوٗر کٔرِتھ یَتھ مَنٛز الگ یٔہوٗدی تہٕ عَرَب رِیاسَتھ تہٕ یَروشَلَم بَین الاقوٲمی کَنٹرول تَحَت تجویٖز اوس، مَگَر عَرَب لیڈرو یَتھ اِنکار کٔرِتھ کیازٕ کہِ یہِ اوس فِلسطینُک تَقسیٖم تہٕ یٔہوٗدی رِیاسَتھ بَناوُنَس خِلاف ٲسؠ۔

1948 جَنٛگ تہٕ اِسرٲیِل ہُنٛد قِیام

14 مٔی 1948 ہَس اِسرٲیِلَن آزٲدی ہُنٛد اِعلان کٔرِتھ۔ یَتھ پَتہٕ گٔیہِ گۄڈنُیٛک عَرَب-اِسرٲیِل جَنٛگ۔ جَنٛگُک نٔتیٖجہٕ اوس زِ اِسرٲیِلَن تَقسیٖم مَنصوٗبَس مَنٛز مِلَن وٲلِس عَلاقَس پَتھٕ تہِ زِیادٕ عَلاقہٕ پؠٹھ کَنٹرول حٲصِل کرُن اوس۔ تَقریٖبَن 7 لَچھ فلسطینی پَناہ گٔز بَنے۔ فلسطینی چھِ یَتھ "النَکبہ" یَعنی "آفَت" ونان، یٔہوٗدی چھِ یَتھ "آزٲدی ہُنٛد جَنٛگ" ونان۔

اَہَم مَسلہٕ

سَرحدٕ تہٕ بَستی

1967 ہَس شیٚن دۄہَن ہِنٛد جَنٛگَس مَنٛز اِسرٲیِلَن غَزہ پَچہِ، مَغرِبی بٔٹھِس، مَشرِقی یَروشَلَم، تہٕ گولان ہایٹس پؠٹھ قبضہٕ کۆر۔ اقوام مُتَحدہ چھِ مَغرِبی بۆٹھ تہٕ مَشرِقی یَروشَلَمَس "مَقبوٗضہٕ عَلاقہٕ" ونان۔ اِسرٲیِلَن مَغرِبی بٔٹھِس مَنٛز بَستِی بَناوِتھ، یِمَن عالمی قانوٗن تَحَت غٲر قانُوٗنی وُنٛنہٕ چھِ یِوان، مَگَر اِسرٲیِل ہُنٛد ونُن چھِ زِ یِم عَلاقہٕ چھِ "تنازٕ لد"۔

پَناہ گٔزٕن ہُنٛد حَق

فلسطینی پَناہ گٔزؠrefugees تہٕ تِہِنٛدؠ شُرؠ، یِمَن ہُنٛد تَعداد لَچھَن مَنٛز چھِ، چھِ 1948 تہٕ 1967 جَنٛگَن مَنٛز نؠبَر گٲمٕتؠن گَرَن مَنٛز واپس یِن ہُنٛد حَق مَنٛگان۔ اِسرٲیِل ہُنٛد ونُن چھِ زِ یِمَن ہُنٛد واپس یُن چھِ اِسرٲیِل ہُنٛد یٔہوٗدی کِردار خَتم کَرُن۔

یَروشَلَم

دۄشوَے طرفہٕ چھِ یَروشَلَمَس پَنُن رازدٲنؠ ونان۔ اِسرٲیِلَن 1980 مَنٛز پوٗرٕ شَہَرَس پَنُن رازدٲنؠ قَرار دِتھ، یَتھ اقوام مُتَحدہَن تَسلیٖم نَہ کۆر۔ فِلَسطینی چھِ مَشرِقی یَروشَلَمَس پَنِنٕچ مُستَقبِل رِیاسَتُک رازدٲنؠ ونان۔

سَلامَتی تہٕ تَشَدُد

اِسرٲیِل ہُنٛد ونُن چھِ زِ سَلامَتی خٲطرٕ چھِ چیٚک پوسٹ، دؠوار، تہٕ فوجی کاروٲیی ضٔروٗری، یَتھ سٟتؠ حَملَن پؠٹھ رُکاوَٹ چھِ یِوان۔ فِلَسطینِیَن ہُنٛد ونُن چھِ زِ یِم اِقدام چھِ قَبضس تَحَت زِندٕگی مُشکِل بَناوان تہٕ آزادانہٕ کُن گژھنس رُکاوَٹ چھِ۔ تَشَدُدُک دور چھِ جٲری، یِمَن مَنٛز عملی ہَلاکَتھ چھِ گَژھان۔

سِیٲسی بَناوَٹ

اِسرٲیِل

1948 مَنٛز بَنِیو اِسرٲیل اَکھ پارلیٖمانی جَمہوٗرِیَت۔ اَمہِ سٟتؠ چھِ امریکہ تہٕ باقی مَغرِبی مُلکَن سٟتؠ قَریٖبی تَعَلُقات۔

فلسطینی اتھارٹی

1993 ہَس اوسلو مُعٲہدَن پَتھٕ بَنِیہٕ، یُس مَغرَبی بۆٹھ تہٕ غَزہ ہَس مَنٛز کینٛہہ حِصَن پؠٹھ حُکوٗمَت چھِ کَران۔

حَماس

2007 پَتہٕ چھِ حماس غَزہ پَچہِ پؠٹھ کَنٹرول چھِ تھاوان۔ اِسرٲیِل، امریکہ تہٕ یوٗرَپی یونِیَن چھِ حَماسَس "دَہشَت گَرد تَنظیٖم" قرار دِوان۔

اَمنٕکؠ کوٗشِش

1990 ہَس مَنٛز اوسلو مُعاہدٕ، 2000 ہَس کیمپ ڈیوِڈ سَمِٹ، 2002 ہَس عَرَب اَمنُک مَنصوٗبہٕ، تہٕ باقی بَین الاقوٲمی کَوَشِش آیہِ کَرنہٕ، مَگَر مُستَقِل ووت نہٕ حل تام۔ دۄشوٕنی طرفن ہُنٛد بُنیٲدی مطالبہٕ چھِ زِیادٕ تَر مُختَلِف۔

موجوٗدٕ صوٗرتِ حال

آز تام چھِ مَغرِبی بٔٹھِس پؠٹھ اِسرٲیِلُک فوجین ہُنٛد قَبضہٕ، غَزہ پچہِ پؠٹھ ناکہٕ بَنٛدی، تہٕ وقتہٕ پؠٹھ وقتہٕ تَشَدُدُک دور جٲری۔ اقوام مُتَحدہ تہٕ زِیادٕ تَر مُلُک چھِ "زٕ رِیاسَتی حَل" ہُنٛد حِمایَت کَران – یَعنی «اِسرٲیِل» تہٕ «آزاد فِلَسطین رِیاسَتھ»۔

بیٚیہِ ؤچھِو

• اِسرٲیل - حماس جنٛگ
• اسرٲیل تہٕ حِزب اللہ (۲۰۳۲-آزتہٕ)
• غزہ-اِسرٲیل تنازٕ
• 7 اکتوٗبر حملہٕ
• غزہ جنٛگ
• غزہ پچہِ پؠٹھ اِسرٲیلی بمبٲری
• غزہ نسل کشی
• غزہ امن منصوٗبہٕ
• ایٖران-اِسرٲیل جنٛگ
• اِسرٲیل تہٕ لؠبنان تَناز