اَویناش مِشرا

اَویناش مِشرا
پٲدٲیِش	9 دَسَمبَر 1995  (وٲنٛس 30) رائے پوٗر، چھَتیٖس گَڑھ
پیٚیشہِ	اداکار
عَملی ؤری	2017

اَویناش مِشرا (پیدٲیش 9 دَسَمبَر 1995) چھ اَکھ ہندوستٲنؠ اداکار یس ہِندی ٹیلی وِجنس مَنٛز کٲم چھ کران۔ أمہ کٔر پنٛنہ اداکٲری ہنٛز شروٗعات سیٹھ جی یس سٕتہِ (2017) ، یَتھ مَنٛز أمہ باجی راؤ سُنٛد کردار ادا کوٚر۔ مِشرا چھ یہِ تیری گلیاں تہٕ ناتھ-زیوار یا زنجیر مَنٛز اداکٲری تہٕ بِگ باس 18 ہس مَنٛز پننہِ شرکت باپتھ زاننہٕ یوان۔

ذٲتی زِندگی

مِشرا زاو 9 دَسَمبَر 1995 رائے پوٗر، چھَتیٖس گَڑھ مَنٛز۔ أمہ سنٛد مول اوس رَوی مِشرا تہٕ موج ٲس سنگیتا مِشرا۔

پیٚشہٕ ورانہٕ زِندگی

مِشراہن کٕر پننہ پیشورانہٕ زِندگی ہنٛز شروعات اشتہارن مَنٛز کٲم کٔرِتھ۔

أمہ کٔر 2017 ہس مَنٛز سیٹھ جی یس سۭتہ ٹیلی وِجنس پؠٹھ شروٗعات، ییٚتہ أمہ باجی راؤ سُنٛد کردار ادا کوٚر۔ امی ؤریہ آو سہ جیا شنکر سٟتؠ پیار تُنے کیٛا کِیا ہس مَنٛز، عشق بازس مَنٛز ابھے سِنٛگھ اوبرائے سُنٛد کردار ادا کوٚر، تہٕ لو آن دی رن مَنٛز کٔرٕن سڈ سنٛد کردار ادا۔

2018 ہس مَنٛز آو سہ سونی ٹی وی کس زندگی کے کراس روڈس مَنٛز سوگریو سنٛد کردارس مَنٛز تہٕ مریم خان-رپورٹنگ لائیو مَنٛز زین اشراف سنٛد کردارس مَنٛز وچھنہٕ۔ 2018 پؠٹھٕ 2020 تام کٔر أمہ زی ٹی وی کس یہِ تیری گلیان مَنٛز ورشیکا مہتا ہس سۭتہ شانتنو مزٗمدار سنٛد کردار ادا۔

2020 ہس مَنٛز کوٚر أمہ سٹار پلس چہ یہِ رشتے ہیں پیار کے یس مَنٛز کاویری پرٛیامس سٕتہ کٗنال راجوانش سنٛد کردار ادا۔ 2020 پؠٹھٕ 2021 تام آو سہ سٹار ہِندوستان چہ درگا-ماتا کی چھایا ہس مَنٛز چاہت پانڈے یس سۭتہ بطور دیو انیجا وٕچھنہٕ۔

2022 پؠٹھٕ 2023 تام کوٚر أمہ ڈنگل ٹی وی کس ناتھ: زیوار یا زنجیرس مَنٛز اکہ لٹہ بیٚیہ پانٛڈے سٕنٛد مقابلس مَنٛز انسپکٹر آریان مشرا سنٛد کردار ادا۔ 2023 ہس مَنٛز کوٚر أمہ سٹار پلس کس ٹٹلی یس مَنٛز گارو مہتا سنٛد کردار ادا۔

2024 ہس مَنٛز کوٚر أمہ سٹار پلس کس میٹھا کھٹا پیار ہمارا ہس مَنٛز شیوم سنٛد کردار ادا۔ پتہٕ امی ؤریہ کوٚر تٔمؠ کلر ٹی وی کس ریئلٹی شو بِگ باس 18 مَنٛز حِصہٕ۔