ارفع کریٖم

ارفع کریٖم
ارفع کریم رندھاوا
پٲدٲیِش	رام دِوالی
وَفات	14 جَنؤری 2012(2012-01-14) (ؤری 16) وَجَہ: مِرگی سٕتؠ دِلُک دورٕ لوہوٗر
ٲخری جاے	رام دِوالی
طٲلبہٕ عٔلِم	لاہور گرٛامر سکوٗل
زاننہٕ یوان	دُنیاہُک ساروی کھوتہٕ لۄکُٹ مائیکروسافٹ سرٹیفائیڈ پروفیشنل، 2004–2008
یَنام	پرایِڑ آف پرفارمینس

ارفع عبدُلکریٖم رندھاوا (2 فَرؤری 1995-14 جَنؤری 2012) ٲس اَکھ پٲکِستانی طالبہ علم تہٕ کمپیوٹر پروڈیجی یۄس 2004 مَنٛز سارِوٕے کھۄتہٕ کم وٲنٛسہِ مائیکروسافٹ سرٹیفائیڈ پروفیشنل (ایم سی پی) بنے۔   أمؠ سٕنٛد کامیٲبی خٲطرٕ آیہ سۄ گِنیٖز بُک آف وٲرٛلڈ ریکارڈ مَنٛز جمع کرنہٕ۔ 10 ؤرین مَنٛز آو ارفا ہس بِل گیٹٕس کہ طرفہٕ امریکہس مَنٛز مائیکروسافٹ کہ ہیڈ کوارٹرس تام وٕچھنٕچ دعوت دنہٕ۔ سۄ گزرییہ 2012 ہس مَنٛز، 16 وہر وٲنٛسہ مَنٛز، دلک دورٕ سٟتؠ۔

زِندگی ہِنٛز دٔلیٖل

اِبتدٲے زِندگی

رندھاوا زاو فیصل آباد ضِلہٕ پنجاب، پاکستان مَنٛز رام دیوالی پؠٹھ أکس نسلی پنجابی خانٛدانس مَنٛز۔  

پیشورانہٕ زِندگی

ارفع رندھاوا ہَن کٔر مائیکروسافٹ ہیڈکوارٹرُک دورٕ کرنہٕ پتہٕ نمایاں شِناخت حٲصِل۔ مایکروسافٹٕچ وی پی یَن کٔر أمِس مُتعلِق بلاگ، تہٕ أمِس مِیوٗل 2005 مَنٛز فاطمہ جناح گولڈ میڈل تہٕ سلام پاکستان یوٗتھ ایوارڈ۔ سۄ ٲس صدر پرائڈ آف پرفارمنس ایوارڈ حٲصِل کرن واجیٚنؠ ساروِی کھۄتہٕ لۄکٕٹ رٹن واجیٚنہِ تہٕ 2010 ہَس مَنٛز بَنییہِ پی ٹی سی ایل کِس ای وی اوُک برانڈ ایمبیسڈر۔

۔

شِناخت

امریکہ پؠٹھ واپس ینہٕ پتہٕ بنییہ رندھاوا پاکستانس مَنٛز اَکھ اَیکن۔ تٔمس آو مختٔلف چینلن ہنٛد ذٔریعہٕ انٹرویو دنہٕ، واریاہن بین الاقوٲمی کانفرن تہٕ سمٹسن مَنٛز مدعو کرنہٕ، تہٕ ملیٚوکھ صدر تہٕ وزیر اعظم پاکستان سٕنٛد طرفہٕ اعزاز۔ 2006 مَنٛز، کوٚر مائیکرو سافٹن بارسیلونا مَنٛز منعقد ٹیک ایڈ ڈویلپرز کانفرنسہ مَنٛز سوٛ کلیدی سپیکر بننچ دعوت۔

بین الاقوٲمی فورم پؠٹھ توجہ مرکوز

رندھاوا ہن کٕر مختٔلف بین الاقوٲمی فورمن پؠٹھ پاکستانٕچ نمٲئندگی تہٕ تٔمس آیہ پاکستان انفارمیشن ٹیکنالوجی پروفیشنلز فورم طرفہٕ دوٚن ہفتن ہنٛد روزن خٲطرٕ دبئی مَنٛز مدعو کرنہٕ، ییٚتہ أمہ سٕنٛدس اعزازس مَنٛز ڈنر استقبالیہ آو کرنہٕ۔ دبیی ہٕکؠ معززین بشمول پاکستانٕکؠ سفیرن کٔر شِرکت۔ أمس آیہ مختٔلف اعزاز تہٕ تۄحفہٕ دنہٕ، یمن مَنٛز اَکھ لیپ ٹاپ تہٕ شٲمل اوس۔ نَوَمبَر 2006 ہس مَنٛز کٔر رندھاواہن مائیکروسافٹ کہ طرفہٕ دعوت موصوٗل گژھنہٕ پتہٕ منعقد گژھن واجنہ ٹیک ایڈ ڈویلپرز کانفرنس مَنٛز شرکت۔ سۄ ٲس اَمہِ کانفرنسہ مَنٛز 5000 کھۄتہٕ زیٛادٕ ڈویلپرزن مَنٛز وٲحد پٲکِستٲنؠ۔

موت

2011 ہَس مَنٛز پیوٚو 16 وُہُر پٲکِستٲنہِ طالبہِ علِم ارفا کریٖم رندھاوا ہَس مِرگہِ ہِنٛدِ دورٕ پتہٕ دِلُک دورٕ، ییٚمہِ سۭتہِ دؠماغس سؠٹھاہ نۄقصان گوٚو۔ بِل گیٹسن کٔر مداخلت، بین الاقوٲمی طبی مشاورتُک انتظام تہٕ علاجُک خرچہٕ پورٕ کرنٕچ پیشکش۔ اِبتِدٲے بہتٔری باووٚجوٗد گُزریٛوو رندھاوا 14 جَنؤری 2012 تہٕ آو پنٛنِس آبٲیی گامس مَنٛز دفن کرنہٕ۔

ارفع سافٹ ویئر ٹیکنالوجی پارٛک

ارفع سافٹ ویئر ٹیکنالوجی پارک چھ ملکک سارِوٕے کھوتہٕ بۆڑ انفارمیشن اینٛڈ کمیونیکیشن ٹیکنالوجی پارک یس لاہور مَنٛز واقعہٕ چھ۔ سَدہ پورعمارت چھ پاکستانس مَنٛز گوڈنچہ بین الاقوٲمی معیارٕچ سہوٗلیت۔ یہِ منصوٗبہٕ گوٚو 15 جَنؤری 2012 "ارفع سافٹ ویئر ٹیکنالوجی پارک" ناو دنہٕ برٛونٛہہ "لاہور ٹیکنالوجی پارک" ناوٕ سٟتؠ شروٗع۔ ارفع سافٹ ویئر ٹیکنالوجی پارکہ مَنٛز چھ ارفا کریم فاؤنڈیشنک اَکھ مستقل سیکرٹریٹ۔